ارحمني الجزء الثاني

البارت الثامن

أريج: شفت ميس دخلت وياها علاليك واكياس مشترية وتريد تسوي حفلة راس السنه وعازمه صديقتها وكالت لي اعزم زينب وبما انه هي خوش تحوش فلوس من الحلويات والمعجنات هي شاطرة مقسمة ومنظمه وكتها دوامها كله صباحي . من ترجع تدرس وتكمل دراستها وامتحانها وبالليل تشتغل المعجات والطلبات مالت الحلويات وفلوس خير من الله تحصل . واليوم الحفله بالليل تريد تسويها وتريدنا نغير جو . واني من شفت علي لليوم كلبي ينغزني ويأذيني علي صار كابوس بحياتي واريد اتخلص منه . 

ميس : اريج شنو رايك ندز على هند  بنت هاي المرة اللي مأجرين عدهم هي هم وياي بالمدرسة بالاول متوسط . 

اريج : عادي عزميها هي وامها ليش لا . 

عند علي: 

علي : وصلت لمنطقة اللي ساكنه بيها رايج وسالت عنهم والناس ماحد يعرفهم بس ولد صغير يطلع عمره ١٢ سنه او ١٣ سنه كال بيت ام اريج تسال عنهم . المرة اللي عدها بنات اثنين يسوون معجنات بالبيت هاي كاعدة بالمشتمل ماجرين عدنا 

علي : حبيبي وانت وين بيتكم 

الولد: احنا بذاك الشارع قريب على ابو الاسواق . ليش تسال انت اقاربهم لو تريد تشتري شي من المعجنات

علي: اني اريد اوصي على معجنات . طبعا رحت قريب عالبيت وعرفته بالضبط . وبهالاثناء اشوف خالة ام اريج طالعه من البيت رايحه للاسواق . واني نزلت لها وسلمت عليها وهي تفاجأت

ام اريج: ميس اليوم خابصة الدنيا ورادت برتقال وخس وعصاير فاطلعت اشتريهم  وصار بوجهي علي ياساتر شنو هذا شجابه هنا

علي : السلام عليكم شلونج خالة .

ام اريج: وعليكم السلام ... بس انا لاخالتك ولااريد اصير خالتك تفضل شرايد

علي: خاله حقج واني عاذريج ... واللي سويته موقليل واعترف بغلطتي بس خليني اوضح لج ليش سويت هيجي وانتي هم عذريني . بنتج هم كانت تهينني ولنا رجال . وانتي بوكتها سمعتي من بنتك بس ماسمعتي مني وماعرفتي انا ليش هنتها . 

ام اريج: بنتي اذا غلطانه  بوكتها كان انت اجيت وكلت لي هاي غلطها مو هنتها وتغلط على اهلها وتهينها بنت فكر وماعندك . يمه بنتي ماتفيدك وخلصت على خير بعد ماعندك شي يمنا والله وياك ومشت ... وعلي صار كبالها ووكفها

علي : لاخالة ماخلصت وهسه انتي هم ماجاي تنطيني مجال . 

ام اريج: يامجال علي . انت خليت بيها مجال تطلع وي البنية وتهينها بالكلية وتمشي وي ابنية غيرها وتغلط عليها وفوكها تدخل البيت وتسحبها وتاخذها وياك وتسحبها من كدام عيني وتروح تكسرها وترجعها وتطلكها . لامن عرس لازفه ولبست ابيض . ابنية واول فرحتها وكسرت قلبها وقلب امها وخليتنا حجاية بحلوك الناس . تعرف شنو ابنية تطلك باول ايام . ليش احنا ظلت الناس تسال لااحنا سوينا عرس بيوم وليله وكدام الناس اخذتها سحل من البيت ورجعت بدمها . لو مالله وعمامك وكفتهم حلوة ووكفوا يم بابنا وردا اعتبار للبنية  وسووا عزيمه ووليمه بيت عمك ابو جواد  . اسكت لاتحجي انت سالفتك وي بنتي لاتنحچي ولاتنكال.  ولك ابنية مثل الوردة وعفيفه وطاهرة وتاخذ عذريتها وتذبها . وعلى شنووو والله انتي فقيرة واهلج فكر وانتي مكطمه وتريدها تسمع هذا الكلام وتسكت وتكمل ايام الخطوبة .