أريج : بعد مارجعت من الدوام وبدلت ملابسي واتغدينا سوا اني وماما وميس اخذت كنان وكالعادة رحت للعيادة . وعندي تلفون العيادة بخصوص ارد عالحجز وادخل وي الطبيب ببعض العمليات الحقن . وكان بالي مشغول من كلام علي وبخصوص العقد . وقبل لانبدي بدخول المراجعين عالطبيب دخلت يم الدكتور بخصوص انطي عدد المراجعين والاعمال المطلوبه لكل مراجع . فاتحني دكتور حيدر بموضوع الزواج واني بنفس اليوم انصدمت صدمتين الاولى صدمة علي والصدمة الثانية موضوع الخطوبة .
دكتور حيدر: أريج عندي خال صديقي طبعا من تسمعين راح يجي ببالك رجل كبير لابالعكس الخال اصغر من ابن اخته بسنه يعني تقريبا بعمري ٣١ هو كان باستراليا ورجع للعراق واستقر واتعين هو خريج زراعة وحاليا جاي يكمل ماجستير . كان متزوج نن عراقية اصلا هم عايشة باستراليا بس من قرر يرجع للعراق هي ماقبلت ترجع وياه . ووظل هنا بالعراق استقر وتالي طلق زوجته لان ماتفاهموا . ومرة ابن اخته اجاني هنا صراحه وشافك وسالني عليج واني مدحتك وفعلا مازيدت كلام من عندي كلت له خلقة واخلاق . وخوش ابنية . فانتي شنوو رايك ... وبكيفك.... ها للعلم الولد اني اضمنه واعرفه كلش زين . وبلكي الله يعوضك بهالزواج
أريج: تسلم دكتور الله يخليك . بس دكتور اني شغلتي معلكة بعدني ماخلصانه من طليقي. طلعت بس اوراق المحكمة متوقعه . وهو مارابح مطلكني شيخ ولايريد يطلكني وباقية معلكة .
دكتور حيدر : ترديني ادخل اني احل الموضوع وياه. اريج انتي مثل اختي ... هسه الله كريم بعدين نكمل كلامنا لان ورانا شغل ماناخر المراجعين
اريج: اوكي دكتور راح ندخل رقم واحد هسه . وطلعت من الغرفة .
علي : ردت رقم تلفون اريج وبكل طريقة بالبداية ماكدرت . تالي خطرت ببالي فكرة ارسل ابن جيراننا اللي وياها بالقسم ياخذ الرقم واكيد واعرف بيها ماتنطي له بس يدز ابنية طالبة وبحجة تريد تزور الدكتور وتريد تتواصل وياها . وفعلا نجحت ااخطة الطلب دز ابنية وانطاها كم فلس وطلبت رقمها وجابلي الرقم. .... واني هنا طرت من الفرح من حصلت التلفون مالتها . وهنا طرت من الفرح .... وقررت اراسلها واتصل بيها بس ادري بيها عنودية وممكن تغير رقمها . شلون شاسوي ياربي هاي الينية عنودية وتعلقت بيها .
أريج: بعد الوضع اللي انا بي بان طلاكي ماكامل ومااريد اظل معلكة . اتخذت قرار اكول لامي وهي تصرف ماريد اسوي شي بدون موافقة امي . شفت امي جاي اتصلي ومن خلصت كعدت يمها وكلت لها. ..... ماما اريد احچي وياح بموضوع وخايفه تنقهرين بس نفس الوقت ماريدك تنفعلين او تضوجين . اهم شي عندي صحتج ...
ام أريج: كولي ابنيتي خير قلقتيني شصاير...
اريج: يوم ترى بيوم ابو احمد عم علي من جاب لنا الاوراق مالت الطلاق . ووقعناها ترى ماكنت من ضمنهم توقيع اوراق الشيخ . يعني اني انفصلت بس بالقانون لكن بالشرع بعدني
أنت تقرأ
ارحمني الجزء الثاني
Romanceتكملة لقصة ارحمني لجين وعلي بعد ماتوقفت من قبل الكاتبة . علي يقرر يتزوج لجين بعد ماتخلص الامتحانات وهي ماكانت راضية . وتضطر تقبل بالقرار بعد ماتعرف بان علي يهدهها .
