أريج: من شفت علي وكالي بان احنا مازلنا مرتبطين كزوج وزوجه وشرعا . اني انصدمت شنو هذا شنو جاي يحچي وشأكول لامي . وهي ماصدكت خلصت من هذا الكابوس واني كذلك . شلون ياربي صحيح اني من جابولي الاوراق وقعتها بس تخص محكمه وشلون مانتبهت بان وراي فسخ عقد الشيخ . اتصلت على زينب وكلت لها
اريج : الو زينب وينج انتي هسه اني طالعه من دوامي وبطريقي للعيادة اكدر اشوفك تجين للعيادة
زينب: هلا عمري خير شصاير اريج خوفتني متغير صوتك ليش خو ماكو شي
اريج لاماكو شي بس حبيت اكولك علي اجاني للمعهد وصدمني بشغله بعدين من اشوفم احچيلك عنها
زينب : ماشي عيني هسه اني هم طالعه للمطعم تجين لمطعم هناك نحچي لان اني ماكدر اطلع ورائد استحي اكوله اتاخر لان تعرفين خطوبة سما واحتاج اطلع هذا الاسبوع .
اريج: لا عيني ماكدر اشوف رائد ولااشتهي اشوفه مااي خلك يالله مع السلامه . ولمن انهيت المكالمة رجعت للبيت
ميس: هلا اريج همزين شفتك يالله اني جاي احمي الاكل حتى نتغدى سوا .
أريج: ميس اكلي اني مااشتهي بعدين اكل اي شي
ميس : خير شبيك وجهك مخطوف لونه وضايجه
أريج: راح اكولك شغله بس ماريدك تكولين لامي فهمتي .
ميس : اوكي ماشي . بس كولي وفضيها
اريج: اليوم اجاني علي للمعهد وحجى وياي بخصوص موضوع طلاقنا بعده مامتتهي نهائي لان هو طلقني بس بشكل رسمي لكن شرعا وكعقد شيخ مامصدقه . وفعلا هو ماكال لي طالق وحتى لو كالها اذا فعلا بساعه عصبيه مايصير
شلون كولي لي شاسوي واني ماصدكت خلصت منه وارتاحيت . ماريد ارجع نفس الكابوس علي شخص مايتعاشر ولااطيق ارجع له. انسان متعجرف ومتكبر ... ودائما عنده هل التفاوت الطبقي ويحسسني اني فقيرة وهو ابن اكابر .
ميس : شنو لعد وقعتي ومامصدقين العقد مافهمت
اريج: شافهمك اكولك بس محكمه انفصلنا بس شيخ اني هم من سالفتي انشغلت ومالي خلك لشي . اوف جيبي كنان خليني العب وياه شويه
ميس ولج اسكتي كنان يخبل اليوم غير يضحك ويقهقه بضحكته يموت حبيبي نونو
اريج : هو واحد من يلعب وياه يحس بالوناسة عمري فدووو نونوووو .
ميس : رحت للغرفه تمددت وقبل لاابدي اقرا وكان اشوف رسائل عالواتساب من احمد . وكاتب
احمد : تسلمين عالكيكة الحلوة ... ميس اريد احجي وياج بموضوع ممكن
صدكيني بس مرة وحده خليني احجي وياج وبعد مافتح وياج اي موضوع
احمد : ميس اني احبك وهاي اخر سنه لي ومن اتخرج اريد اتقدملك وادري بعد وكت على هالكلام بس ممكن بعد ماتخلصين السادس نتزوج ....
ميس : احمد اني ماافكر بالزواج وثانيا كلش زين تعرف انت شنو تقرب لعلي واريج اختي واللي صار بيها وببننا بسبب ابن عمك وماريد اي صلة تربطنا بالعائلة بسبب اللي صار
احمد: واني شنو ذنبي اتحمل اخطاء غيري . وثانيا ليش هذا حكمج وقرارج السريع جائز يرجعون البعض وينسعدون ويكون لهم درس .
ميس : عساه مارجع والله يفكنا منه . وانت مهما يكن ابن عمه ونفس الدم ونفس الطهارة تلكاك ونفس الاخلاق وشايفين نفسكم بكم فلس . واني مايشرفني اخذ واحد ابن عمه سبب تعاسة اختي وامي. واللي خلانا حچاية بحلك اليسوه واللي مايسوه . احمد بعد ماريدك تتصل ولاتعرف رقمي . ولو ماشغلي والواتساب مالتي ورقمي كان بدلته بس الناس تعرفه وعدها تعامل وياي . واعتذر اخي حاليا عندي دراسة ومافكر بأي ارتباط.
احمد : انا اعتذر اذا ازعجتك بس طلبي الثاني لج لاتتسرعين واني انسان جاد ولاتفكرين بصورة سوداوية وتخلين امام عينك فشل علاقة اختك وزوجها . وللعلم ترى مو دفاعا على ابن عمي بس هو يحبها وهو غلطان ويعترف بغلطه ومستعد يصلح غلطته بس هم يحتاج اختج تسامحه . واحنا بشر والبشر معرض للخطأ .
ميس : خطأ ؟ أي خطا انت جاي تحجي لي عنه . ليش امثالكم يعرف الخطا من الصح
احمد : كافي ميس كافي لغوة اسمحت لج بما فيه ااكفاية . وسديت التلفون بوجهها .
أنت تقرأ
ارحمني الجزء الثاني
Roman d'amourتكملة لقصة ارحمني لجين وعلي بعد ماتوقفت من قبل الكاتبة . علي يقرر يتزوج لجين بعد ماتخلص الامتحانات وهي ماكانت راضية . وتضطر تقبل بالقرار بعد ماتعرف بان علي يهدهها .
