ارحمني الجزء الثاني

الجزء الثالث

اريج : ظل بالي على امي وكنت قلقه عليها كلش . وميس خطية هم تكولي شلون حجيتي كدام امي وقهرتيها . بعد مالبست عبايتها وراحت لبيت عم علي . كلت خلي اتصل عليها واشوفها وين . وظليت الوم نفسي ليش مارحت وياها بس مالحكت كنت بملابس البيت وميس هم . 

اريج : اتصلت على ماما وردت على التلفون  مرة ماعرفت صوتها منوو . فجاوبت رئسا مرة ماعرفتها بالاول وجاوبتني

ام احمد :  هلا يمه أريج  امج زينه بس شوي تعبانه من الطريق . وهسه احنا بطريقنا لطبيب. 

اريج : شنووووو عزا العزاني وين باي طبيب ماخذين امي خالة فدوة كووولي لي امي شبيها . وباثناء ماعليت صوتي واصيح بدون ماحس على نفسي واجت ميس خطية تركض من الهول وهي ترجف 

ميس : ولج احجي شبيخا ماما بس لاتكولين لي ماتت . ولج اموت وراها والله ليش هيج اريج

اريج بس دموع وانا ميته من قهر وخوف على امي وماعرف شنو يصير بيها وهي وين .

ام احمد : ام اريج بحضني وجهها اصفر ومانعرف شبيها مابيها وانا وابني وزوجي اخذناها للمستشفى وبهالاثناء خابرت على ام علي وسولفت لها الصار وكلت لها لحكينا احنا متجهين للمستشفى كذا وانطيتها اسم المستشفى وبعد ماوصلنا هناك ودخلوا ام اريج للطواريء وفحصها الطبيب .

الطبيب : الحمدلله تلحكناها لان صاير عدها بداية جلطة المريضة بس عدت سلامات وتلاحكنا لها . تحتاج راحه وبعض التحاليل وايكو  ورنين .

احمد بعد ماوصلنا وااحمدلله تلاحكنا الوضع ام اريج 

اريج : اخذنا تاكسي انا وميس اختي ولكينا احمد وابوه وامه وام علي وسلمت عليهم . سالتهم عن امي كالوا اليوم تحتاج مبيت ومابيها شي . بس فحوصات  وظليت ابجي بس دموع وماحس الا احد لزمني من كتفي ادور واشوف ..... ام علي 

ام علي : فدوة بنيتي اريج شنو صاير علي شبي وياج مافهمت شي وعلي ماكالي على اي شي .

اريج: خالة ابنج مريض نفسيا مخلص الكلام  ... لان مانطيته مجال قرر ينتقم . وحتى ارتباطه بيه مجرد انتقام . وهو اليوم بالكلية هانني كدام الطلاب ويقولي مكطمه لاعندك اب ولااخ ولااحد وانتي بكعدتك ماعندك احد من اقاربج وانتي فكر . وعزم صديقته عالريوك ويحاجيها ولاكانوا ولان عاتبته وكلت له مايصبر بدا يغلط خالة ام علي اذا انا مو من ثوب ابنج خلي يعوفنا لحالنا وياخذ من مستواه . 

علي : اتصلب بيه نبع الحنان وطلبت مني اجي للمستشفى وكالت عيب كلت لها مااجي وتحافت بأريج اكسر راسها

اريج : امي صحت وماقبلت تبات  وطلعت على مسؤوليتنا . لان ماتحب ريحة المستشفى وتختنك خطية  وطلعنا وصلنا احمد للبيت وعم علي وامه وام علي اخذوا تاكسي بس عم علي كال خطية انا اخذ تاكسي بس احمد انت وصل ام اريج والبنات .