أريج: بعد الظروف اللي مريت بيها . وبعد ماعلي طلقني . كرهت الدنيا واختلطت مشاعري حب على كره على ماعرف شنوو . بس الحمدلله مرت الازمه وانا وي بداية العام الدراسي الجديد رحت معهد طبي لان سنتين واخلص ونفس الوقت فكرت اشتغل واعيل امي لان بطلت امي تطبخ . وميس حاليا خامس اعدادي وظلت تشتغل حلويات وكيك عالطلب واتفقت وي ابن جيراننا عنده سيارة تاكسي تنطيه يوصل طلبيات الكيك .والحلويات والشغل ماشي عدنا وخصوصا المنطقة اللي كعدنا بيها راقية . والايجار مناسب لان اجرنا مشتمل صغير عبارة عن غرفة وهول ومطبخ وحمامات بس مريح البيت وحلوو . ومنطقه هادئة . واخت استاذ ادم موظفه صيدلانية وعدها طفل عمره شهرين وتخلي يم امي وهي كلش حبابة وامورنا هواي تحسنت بفضل الله واستاذ ادم . طبعا استاذ ادم اكو نظرات واعجاب من ناحيتي . بس والدته وخواته اكيد مايقبلون ياخذون لابنهم وحده مطلقة لان مروة اخته داىما تلمح بان هو ماشايف دنيا واول زواج له وبان يردون له ابنية مامسبوق لها الارتباط. المهم انا ماحب اغير واخرب حياتي الجديدة خليني بدراستي افضل. طبعا الفلوس اللي استلمتهم من مؤخري والذهب سويت بيهم عملية قلب لامي . كان عندها انسداد شريان وهسه امي حالتها افضل بهواي من قبل .
علي : بدا العام الدراسي الجديد وانا داومت بكلية لان ادري بأريج تركت السنة ومامتحنت . واسمعت عنها عدها اجازة لان متعرضة لحادث ورحت سالت بالقسم كالوا ماندري بس استاذ ادم يقول شايف اهلها مسوين اوراق الاجازة المرضية بتاجيل السنه . بالي ظل يجيب وياخذ صح انا تركتها بعناد وساعه عصبية . بس اريج احبها وماتوقعت هيج راح يصير بيه . معقوله انا احبها لهدرجه . طبعا كدام اهلي وعمي اتظاهر ماتهمني .بس الليل مانامه شلون ضحيت وفرطت بيها . اووف أريج وين انتي . مشتاق اشوف طولك وعيونك . وهاي بداية عام جديد ويما انها اجلت السنه الفاتت فكان كل توقعي هاي السنه ترجع . ولمن سالت كالوا ماكو تركت الكلية وانا جن جنوني .
احمد : اتصلت على علي احجي وياه الصبح بخصوص عدنا بيعة سيارة ومتفقين وي الولد . الووو علاوي شلونك
علي : الله يسلمك ابن عمي شلونك اخبارك .
احمد : شنو وين انت ماتمر عليه نروح للولد .
علي : احمد انا بالكلية اليوم دوام .
احمد : شنو شعجب مداوم من وكت اللي ادري بيك تاخذلك اسبوع يالله تداوم اخر واحد يداوم بالكلية انت .
علي: بعد تدري بيه انا رسبت . فكلت اشد حيلي هاي السنه . بس احمد أريج عافت الكلية وماكو صار يومين اروح اسال وسمعت محولة لغير كلية .
احمد : علي شنوو انت مخبل . مو انت ماردتها وطلقتها . وكل من راح بسبيل حاله شبيك بعد ليش تروح لها . عوفنا لاتسوي لنا مشاكل .
أريج: داومت بالمعهد الطبي قسم تحليلات مختبرية وحبيت القسم كلش. والمحاضرات تنقلني بعالم ثاني اندمج كلش بالمحاضرات . وزينب صديقتي دخلت معهد تقني قسم محاسبة . ونروح سوية ظلينا بس هي رجعت تشتغل بمطعم راىد اللي قبل اني اشتغل وياها بس بسبب علي تركت المطعم انا وياها. ويوم عن يوم احب القسم واتعلق بالدراسه وصارلي اسبوع بالدوام . وبعد مااخلص محاضرات ارجع للبيت ارتاح شوي واتغدى واطلع العصر لعيادة التجميل الدكتور حيدر . طبعا مروة اخت ادم الصبح تداوم بالمستشفى وتخلي ابنها يم والدتي والعصر عدها صيدلية قرب عيادة زوجها ومن اروح للعيادة اخذه وياي لامه . النونو كنان يخبل واموت هليه وصرت انا امه ههههه لان هو يشوفني اكثر مايشوف امه . حتى من يسافرون هم يخلونه يمنا . وهم ماشاءالله هو وزوجته هواي يسافرون . المهم خليهم وين مايرحون بس يخلون كيان حبيبي يخبل وخدوده يخبلن واموت على ايديه الناعمات ومن الاعبه .
أنت تقرأ
ارحمني الجزء الثاني
Romanceتكملة لقصة ارحمني لجين وعلي بعد ماتوقفت من قبل الكاتبة . علي يقرر يتزوج لجين بعد ماتخلص الامتحانات وهي ماكانت راضية . وتضطر تقبل بالقرار بعد ماتعرف بان علي يهدهها .
