ارحمني الجزء الثاني

البارت السابع

علي : ظليت اتابع أريج بدون متشوفني او تعرفني الصبح اوكف يم باب فرعهم اشوفها تطلع وتصعد بالسيارة واظل امشي وراها بسيارتي . لحد ماتوصل للمعهد . وكذلك بنهاية الدوام اشوفها ماترجع مرات للبيت تنزل عالعيادة اللي تشتغل بيها . بس لبسها متغير صاير احلى وهي كانت تلبس فساتين طويله وجبب . هسه اشوفها تلبس تنورة او كيلوت عريض او بنطلون وعليه يلك طويل او اي شي طويل . يارب شلون بيه ظليت احبها اكثر بعد ادري مو كانت خطيبتي  وماتأثرت كلش وعادي . هسه مثل المخبل وراها واريد احجي وياها . اوووف شأسوي شنووو الحل . 

ميس : ماما باچر انا وروان نروح محل يبيع مستلزمات كيك وكريمة وشغلات . واريد احضر لراس لسنه وراح من اطلع من المدرسة اروح  واصلا روان ابوها يجي ياخذنا بالسيارة .

ام أريج: روحي بس خلي بالج من الطريق وبنيتي لاتتاخرين .

ميس : صار . هو اني وين اروح حتى تأخر من المدرسة للبيت ومن البيت للمدرسة وطلعاتي لو ويه اريج لو وياج 

ام احمد: اي مثل هيج وكت صادف عرسي من ابوك 

احمد : مبرووك يمه منج العيال ومنه المال ههههههه.

عائشة : صارلكم كم سنه متزوجين ماما . يعني هم لبستي بدلة عرس وزفه 

احمد : ادري ولج امج قابل متزوجه بالعصر الحجري  امج تزوجت بالثمانينات

عائشة : مو هذا اللي اقصده بس امي انا فتحت عيني عليها سمينه اكول شلون صارت بدلة العرس على جسمها

ام احمد: لا ولچ كان جسمي تارس مو سمينه ولاضعيفه متربن . 

احمد : هسه معلينا مبرووك عليكم . والله يخليكم البعض وكل عام وانتو بخير . وخطرت ببالي فكرة افاجئهم بالليل واجيب كيك ونسوي حفله ونعزم مرة عمو ابو علي . ونغير جو . طلعت من اابيت ورحت اشتري كيك وتعديت على محل ودخلت اشتري واتفاجأ بميس اخت اريج كانت تشتري شغلات واكسسورات مال كيك . وياهم رجال اسمعها تكوللصديقتها روان صوري هاي الكيكات بنقال ابوج ودزيهم لي اريد اشتغل عليهم. فابو المحل سمعته يكول لها ادري بيج تسوين كيك بس اخاف جاي تصورين كيكاتي وتعرضينه للناس على ابو شغلك هههه

روان : لاعموو هي فنانة بالكيك  روووعه معجناتها . وشغلها مايقل عن المعروض عندك . 

ابو روان : واني بس اوصل اقلها اريد كيكة  ههههه 

احمد : شفت ميس لابسة ملابس مدرسة وقريبة عالمحل الكيك مدرستها مبين جاية لهذا المحل بحلتها من الدوام دخلت وسالت الولد وكلت له اريد كيكة بس ميس ماشالت عينها من الكيك ومندمجه بشغلات تشتريها وكريمات وماعرف بعد اشياء خاصة بالكيك والحفله . بس شنو ميس تركتها فوك السنه وهسه صايرة حلوة تخبل وماعرف ماودي اطلع ظلت عيوني عليها .