جبورت ال يسار

#جبروت_ال_يسار

#بارت5

قفل باب الغرفه واندارلي واني ايدي بعد ما احس بيهن من البرد والخوف والرهبه اني ما عرفته قبل ولا اعرف اطباعه ما اعرف شلون راح اتأقلم وياه واتقبله وشلون راح تمر عليه هاي الليله وياه
شفته اتقدملي سحب ايدي وكومني رفع وجهي بأيديه وتباوع بعيوني كال بهمس وحنيه
.. اروح فدوه لهالعيون التكتل .... لج عيونج يجيبن التايه للدرب .... شنو هالجمال ولج ّ؟شطالعه ؟ .. الف مبروك
يا عمري

هو يحجي واني بغير عالم صح رجف قلبي من كلماته لان اول مره رجال هيجي يحجي وياج حته حسين جنت امنعه يتعمق بالغزل بس هذا كلامه خلاني اخجل واخاف من الخطوه الوراها
نزات راسي عنه رجع رفع راسي بايديه وراد يبوسني سحبت روحي منه بخوف وبسرعه هو انصدم ورفع حاجبه بتساؤل :
.. ليش؟
كمت ارجف واني احجي وياه
.. اااا ببب بعدني ما متتتعوده علييييك
نفخ زفير قوي وابتسم واجه لزم ايدي :
.. تعالي لجيني .. عندي حجي وياج (كعدني ع الجربايه ) شوفي اول شي اني صرت زوجج لا تخافين مني واذا ع شغلة ذاك اليوم صدقيني ما  قصدي اني مستحيل اءذيج بس اني بطبعي عصبي واذا عصبت بعد ما اشوف كدامي واضرب واكسر اي شي كدامي بس شويه شويه ووره مده تلكين كلشي ناسيه وارجع مثل قبل ثاني شي اريد منج تلبسين عباية راس ع الاقل هنا لان هنا تقاليدنه تختلف واني ابن شيخ عشيره يعني لازم اكون قدوه الهم.. افتهمتي ؟
هزيت راسي بعدم فهم .. ابتسم وكال
.. كلشي راح تعرفيه بوكته هسه ما الج نيه تبدلين
هزيت راسي بلا
كام ينافخ بقوه حسيت بيه صار عصبي :
.. شوفي لجين اني ما احب اخذج غصب اني وعدت نفسي احاول بكل قوتي ما اعصب بوجهج بس انتي لازم تفهميني الناس بره منتظرين النيشان واني لازم اسويها والا اصير علج بحلوكهم هاي عاداتنه وتقاليدنه واهلي هذا طبعهم فكومي بدلي ولا تأخرينه
يتباوعلي واني عيوني فاتحتهن ع وسعهن من الصدمه والخوف
كام من يمي نزع سترته واني بعدني ع وضعي وكعدتي اندارلي وفتح عيونه ع وسعهن
اني قبل لا يحجي قبل اخذت الروب وشلت بدلتي وركضت للحمام هو كام يضحك
سديت باب الحمام واني الهث ورجليه كام يرجفن كعدت بالكاع من الخوف من كلامه هذوله صدك يحجون اني شورطني ذاك اليوم من ركبت عبريه وكتلهم الولد تحارش
بيه لو ادري هيج يسار يطلع كدامي اخلي الولد يغتصبني
ولا هالقهر العايشته هسه
كمت اريد ابدل قبل لا يحس بيه تأخرت كمت افتح بالسحاب ما ينفتح صدك جذب يا ربي ليش دا يصير كل شي بالعكس وياي حاولت اكثر ما كدرت
سمعت دك ع الباب واني كمزت من مكاني ورجف قلبي اكثر وسمعت صوت يسار :
.. ها لجيني اشو تأخرتي ؟
حجيت بصوت يرجف :
.. اااا ااسحاب ما دا ينفتح انتظرني شويه
كان باب الحمام ما بيه قفل فتح الباب واني كمزت من مكاني والتصق ظهري بحايط الحمام اتقدم عليه وهو يبتسم بوكاحه

.. وليش ما تصيحيني اذا كانت عندج مشكله شنو تستحين ؟

ما خلاني اجاوبه كبل دارني وسحب السحاب لحد اخر مكان بيها وحط اصابيعه ع المكان وحط شفايفه ع كتفي اني كبل انداريت ولزمت البدله وكتله بخوف
.. عفيه يسار بس ابدل انطيني صبر