جبورت ال يسار

#جبروت_ال_يسار

#بارت23

كان لازم اتخذ هيج قرار حياة ابني اهم من حياتي

ماما كام تحجي لان اتخذت هذا القرار بس بوكتها ما كنت اشوف اي شي كدامي بس حياة يزن

خابرني عمي كال
.. عفيه بنيتي هاي بنت ال يسار النعرفها وتربايتهم
.. شوف عمي بعمري ما راح اسامحك ع السويته بيه اني انجبرت علمود ابني اللي ما رف قلبكم عليه وهو مريض
.. بويه مراح اكول شي هسه بس راح يجي يوم وتتشكريني بيه على السويته الج ....بس خلي اكولج شي  اني وافقت هوار يتزوج اللي يريدها اذا اخذج...... يعني ما الج حق عليه غير بس الستر وجهالج ....واذا بعد تفضل وصار رجال وكدها وساوى بينج وبينها انعم الله

.. بس اكولك حجايه وحده عمي كما تدين تدان يجي يوم يجوز بنتك تنظلم نفس ظلمتي ....ارحموا من في الارض يرحمكم من في السماء وعمي لا تزعل من كلامي انت شيخ عشيره والناس تلجألك وكت الظلم حتى تنصرها بس مع الاسف انت مره ارمله واقرب الناس الك ما نصرتها ترييد تنصر عشيره بحالها اثاري طلعت شيخ  ظالم .. مع السلامه

وطبكته بوجهه ماما واسراء بقن يتباوعلي مصدومات كالت ماما
.. ولج انتي شلون تحجين هيج ويه عمج ؟
.. يمه الما يسوي مقدار نفسه ما اجي اني اسويله من تالي وكت

عفتهم وكمت لجهالي بعد شمنتظره سلبوا مني كل حقوقي ع شنو الخوف

بالليل خابرني هوار فتحت خط هو بده يصيح
.. لج كلبه تحجين صدددددددددك انتي شسويتيييييييييي شنوووووو من مرررررره انتيييييييي ... لج منو كالج اني اريدج بالقران احرك الاخضر واليابس اليوووووووووووم
حقيررررررررررره و ...... ...............

هو يحجي ويغلط واني احس الله انطاني قوه حتى اسمعه وهو يرعد ودموعي تجري ما حجيت ولا كلمه صاح بصوت عالي
.. ما تحجييييييينن شبيج تخورستييييييييي
.. خلصت غلطك ومسبتك ؟ اصلا عادي تعودت انتو والزمن عليه .... اني اضطريت اوافق لان يزن قلبه تعبان ويحتاجله عمليه بالهند وما عندي ولا فلس وابني دا يموت كدامي

وكمت ابجي بصوت عالي هو حجه بصوت خايف
.. لحظه .. لحظه شبيه يزن ؟
.. يزن عنده تصلب بالشرايين مال القلب وعمليته خطره هنا ولازم نستعجل ونسفره واني مستعده اسوي اي شي علمود جهالي .... هوار لخاطر يسار اوكف وياي والله احس نفسي تعبت وكل حيل بعد ما بيه

سكتنا اثنينه وحجه بصوت ضعيف
.. لجين انتي كد كلمة اكون اني زوجج

سكتت وكمت ابجي كتله بصوت مهضوم
.. اني محد راح يكون زوجي غير يسار واطلب منك  يكون هذا بس حبر على ورق

سكت هو هم ما حجه بس كال
.. اذا هالشي ينقذ حياة يزن اني حاضر بس اسمعيني اني راح اتزوج رواء وانتي ما الج اي حق يمي
.. اصلا هو هذا الاريده.... شكرا لان تفهمتني ... مع السلامه
.. لحظه لجين