جبورت ال يسار

#جبروت_ال_يسار

#بارت25  والاخيرررر

حسيت قطرات مي على وجهي تباوعت لكيت يسار حاطني بحضنه والخوف على عيونه كان ضعفان ولحيته كبرانه ومبين عليه التعب

تباوعتله وتلمست وجهه واني ابجي
.. يسار ... هاي انت صدك لو بحلم اني
.. هاي اني كدامج لجيني

اخذت شهيق بجي قوي وذبيت نفسي عليه وكمت ابجي بجي هز البيت كلها كام تبجي علينه وره ثواني باسني براسي وبعدني عنه وكام لامه اللي اول ما شافته كعدت بالكاع 

هو ما كان يحجي بس الدموع تجري راح باس ايدها ورجلها وحط راسه على متنها وشبكها وكام يبجي

كلها اجت تسلم عليه وتبجي محد مصدك انه يسار رجع الكل كان يعتقد انه يسار مات وشفنه الجثه بعيوننه  وين كان؟؟؟؟!!!!!! ما اعرف ما همني هالشي بكد ما همني انه هو بخير ورجع النه

اجت ميسم وذبت نفسها عليه وتصرخ وتبجي هو حضنها ويبوس براسها واجه هوار هم حضنه مره ثانيه وكعد يبجي ويبوس بجتفه

اني كاعده بنفس مكاني بباب المطبخ والدموع تصب احس هذا حلم ابد مو حقيقه ... بس حتى لو حلم ربي لا تكعدني منه ..... كمت اناشغ وابجي بصوت عالي

اجتي سرى وجابتله يزن وايمن وحطتهم بحضنه هو اول مره قطب حاجبه يتساءل عنهم بعدين فتح عيونه بصدمه من شاف الشبه بينه وبينهم كأنه تذكر انه هو من راح اني كنت حامل تباوعلي بصدمه ونزلت دموعه ورجع تباوعلهم واخذهم كام يبوس بيهم ويبجي والجهال يتصارخون منه مستغربين

اجوي ناس كومه بالمضيف بس هو كان كلش تعبان بس كان مضطر يروح يمهم

مسح دموعه وتباوع لهوار تذكر السايق
.. شوف شلون نسيت هوار اطلع حاسب السايق اللي بالباب فشله جبته من الموصل لهنا ما جنت شايل فلوس

ركض هوار حاسبه هو انطاني الجهال وكام مبين عليه التعب حسيت بيه مستغرب حتى المكان

راح اتمشى للحمام انتبهت لرجله يرهز منها من يمشي ... دخل سبح بحمام اهله ودزيت هوار يجيبله ملابسه من بيتنه قبل لا يروح هوار كتله
.. لحظه هوار اني هسه على ذمتك شلون ؟
.. لا تخافين اني هسه راح ادبر رقم ممثل السيستاني واسأله
على اعتبار ما صار بيننه شي شغلتها سهله ان شاء الله

راح للبيت جاب ملابس واجه  ..صاحني يسار من الحمام ع الملابس
جبتهن اله سحبني للحمام وسد الباب وحصرني بينه وبين الباب

بده يتباوعلي ويتنفس تنفس غريب اني تباوعتله بشوك وعيوني تصب حضنته وابجي بصوت عالي هو حضنني بس ما حجه ولا كلمه كتله واني اناشغ
.. ليش عفتني والله متت وراك شلون انطاك قلبك تعوفني

ما رد عليه شلت راسي وتباوعت لوجهه مزين لحيته رجع نفسه يسار بس الوجه ذبلان تباوعت لجسمه الاشتاقيت اله وانصدمت صدمة عمري
عززززه هذا شمسوين بجسمه تلمست جسمه وجرن دموعي
.. يسار هاي شمسوين بيك
بعد ايدي بنتر واخذ الملابس مني
.. اطلعي لجين
.. يسار شبيك
.. كتلج اطلعيييييييي