جبورت ال يسار

#جبروت_ال_يسار

#بارت13

ﻣﺮ ﺍﻻﺳﺒﻮﻉ ﺍﻟﺜﺎﻧﻲ ﻣﻦ ﺑﻌﺪ ﻣﺎ ﻛﻤﺖ ﺍﻏﻴﺮ ﺍﻟﻀﻤﺎﺩ ﺑﻴﻦ ﻳﻮﻡ ﻭﻳﻮﻡ ﺍﻭ ﻛﻞ ﻳﻮﻣﻴﻦ .. ﺑﺪﺕ ﺭﺟﻠﻴﻪ ﺗﺘﺤﺴﻦ ﺍﻟﺤﻤﺪ ﻟﻠﻪ ﺑﺲ ﺑﻘﺖ ﺍﺛﺎﺭ ﺧﻔﻴﻔﻪ ﻟﻠﺤﺮﻕ ﺍﻟﻤﻀﻤﺪ ﺻﺪﻳﻖ ﺍﺣﻤﺪ ﺍﻧﻄﺎﻧﻲ ﻣﺮﻫﻢ ﻛﺎﻝ ﻫﺬﺍ ﺟﺎﺑﻮﻩ ﺍﻟﻲ ﻣﻦ ﺍﻟﺨﺎﺭﺝ ﻳﺴﻤﻮﻩ ‏( ﻣﺮﻫﻢ ﻣﺮﻣﻢ ‏) ﻳﻌﻴﺪ ﺑﻨﺎﺀ ﺧﻼﻳﺎ ﺟﺪﻳﺪﻩ ﻟﻠﺠﺴﻢ ﺭﺍﺡ ﻳﺮﺟﻊ ﺷﻜﻞ ﺭﺟﻠﻴﺞ ﻣﺜﻞ ﻗﺒﻞ
ﻣﺎ ﻛﺎﻥ ﻳﻘﺒﻞ ﻳﺎﺧﺬ ﻓﻠﻮﺱ ﺍﻟﻮﻟﺪ ﻛﺎﻥ ﻳﺴﻮﻱ ﻛﻞ ﻫﺬﺍ ﺍﻟﺸﻲ ﻟﺨﺎﻃﺮ ﺍﺣﻤﺪ ﻷﻥ ﻛﻠﺶ ﻛﺎﻥ ﻳﻌﺰ ﺍﺣﻤﺪ ﺑﺲ ﺍﺣﻨﻪ ﻣﻦ ﻳﺠﻲ ﻣﺎ ﻧﻘﺼﺮ ﻭﻳﺎﻩ ﺑﺎﻻﻛﻞ ﻭﺍﻟﻜﺮﺯﺍﺕ ﻣﺮﺍﺕ ﻧﺒﻘﻴﻪ ﻉ ﺍﻟﻐﺪﺍ
ﺳﺤﺮﺧﻄﻴﺒﺔ ﻟﻴﺚ ﺍﺟﺘﻲ ﺗﺸﻮﻓﻨﻲ ﻣﻦ ﺳﻤﻌﺖ ﺑﻴﻪ ﻣﺮﻳﻀﻪ ﻭﻣﺎ ﻛﺎﻧﺖ ﻗﺎﺻﺮﻩ ﺟﺎﻳﺒﻪ ﺍﺷﻜﺎﻝ ﻫﺪﺍﻳﺎ ﻭﺍﻛﻴﺪ ﻟﻴﺚ ﻣﺎ ﻳﺨﻠﻲ ﺍﻟﻔﺮﺻﻪ ﺗﻔﻮﺗﻪ ﻃﺮﺩﻧﻲ ﻭﺑﻘﻮﺍ ﻛﺎﻋﺪﻳﻦ ﻫﻮ ﻭﻳﺎﻫﺎ 😉 ﺭﺑﻲ ﻳﺴﻌﺪﻫﻢ
ﻭﺍﺣﻤﺪ ﻭﻟﻴﺚ ﻫﻮﺍﻱ ﺧﻔﻔﻮﺍ ﻋﻨﻲ ﻳﺎﺧﺬﻭﻧﻲ ﺍﻧﻲ ﻭﺍﺳﺮﺍﺀ ﻛﻞ ﻟﻴﻠﻪ ﻟﻠﻤﻮﻝ ﻟﻮ ﻧﺎﻛﻞ ﻣﻮﻃﺎ ﻟﻮ ﻧﺮﻭﺡ ﻣﺘﻨﺰﻫﺎﺕ ﻭﻣﺮﻩ ﻣﺎﻣﺎ ﺍﺧﺬﺗﻨﻲ ﻟﻠﺼﺎﻟﻮﻥ ﻛﺼﻴﺖ ﺷﻌﺮﻱ ﻣﺪﺭﺝ ﻭﺻﺒﻐﺘﻪ ﻭﺧﺼﻠﺘﻪ ﻷﻥ ﺑﺎﻟﻌﺮﺱ ﻛﺎﻥ ﻣﻮ ﺣﻠﻮ ﻭﺣﻔﻴﺖ ﻭ ﺍﺷﺘﺮﻳﺖ ﻣﻜﻴﺎﺝ ﻭﻛﻢ ﻗﻄﻌﺔ ﻣﻼﺑﺲ
ﻛﺪﺭﺕ ﺍﻧﺴﻪ ﻭﺭﺍﺣﺖ ﻣﻨﻲ ﺍﻟﻜﺂﺑﻪ ﻭﻛﻤﺖ ﺍﻛﻌﺪ ﻭﻳﺎﻫﻢ ﻭﻧﻀﺤﻚ ﻭﻧﺴﻮﻟﻒ ﻣﺜﻞ ﻗﺒﻞ

ﺧﻠﺺ ﺍﻻﺳﺒﻮﻉ ﻭﻛﺪﺭﺕ ﺍﻭﻛﻒ ﻉ ﺭﺟﻠﻴﻪ ﻛﻠﺖ ﻻﺣﻤﺪ ﺍﺭﻳﺪ ﺍﺭﻭﺡ ﻟﻠﻜﻠﻴﻪ ﺣﺘﻪ ﺍﺟﻴﺐ ﻧﺘﻴﺠﺘﻲ ﺧﺎﺑﺮﺕ ﻓﺮﺡ ﺣﺘﻪ ﻧﻠﺘﻘﻲ ﻫﻨﺎﻙ
ﻭﻓﻌﻼ ﺭﺣﺖ ﻣﻦ ﺷﻔﺎﺗﻨﻲ ﺍﺟﺘﻲ ﺗﺮﻛﺾ ﻭﺷﺒﻜﺘﻨﻲ ﻭﻛﺎﻣﺖ ﺗﺒﺠﻲ
ﻛﻠﺘﻠﻬﺎ

.. ﻟﻴﺶ ﺗﺒﺠﻴﻦ ﻭﻟﺞ
.. ﻭﻟﻲ ﻭﺍﻟﻠﻪ ﻛﻠﺶ ﻣﻘﻬﻮﺭﻩ ﻣﻨﺞ ﻭﺿﺎﻳﺠﻪ ﺗﺰﻭﺟﺘﻲ ﺑﺎﻟﺠﺬﺏ ﻣﺎ ﺳﺄﻟﺘﻲ ﻋﻨﻲ ﻏﻴﺮ ﻣﺮﻩ ﻭﺭﺍﻫﺎ ﻧﺴﻴﺘﻴﻨﻲ
.. ﺣﻘﺞ ﻋﻠﻴﻪ ﻳﺎ ﻋﻤﺮﻱ ﻭﺍﻟﻠﻪ ﺍﻟﻈﺮﻭﻑ ﺍﻟﻠﻲ ﻣﺮﻳﺖ ﺑﻴﻬﺎ ﺑﺲ ﺍﻟﻠﻪ ﺍﻟﻴﺪﺭﻱ ﺑﻴﻬﺎ
.. ﺷﻜﻮ ﻭﻟﺞ
.. ﺑﻌﺪﻳﻦ ﺍﺳﻮﻟﻔﻠﺞ ﺗﻌﺎﻟﻲ ﺧﻠﻲ ﺍﺳﺘﻠﻢ ﻧﺘﻴﺠﻲ
ﺭﺣﻨﻪ ﻟﻜﻴﻨﻪ ﻣﻘﺮﺭ ﺍﻟﻘﺴﻢ ﻣﻮﺟﻮﺩ ﺳﻠﻤﻨﻪ ﻋﻠﻴﻪ ﻭﺍﻧﻄﻴﺘﻪ ﻭﺻﻞ ﺑﺮﺍﺀﺓ ﺍﻟﺬﻣﻪ ﻭﺳﻠﻤﻨﻲ ﻧﺘﻴﺠﺘﻲ ﺍﻟﺤﻤﺪ ﻟﻠﻪ ﻛﻨﺖ ﻧﺎﺟﺤﻪ ﺑﺲ ﻛﺎﻧﺖ ﺍﻏﻠﺒﻬﺎ ﻣﻘﺒﻮﻝ ﻭﻣﺎﺩﺗﻴﻦ ﺑﺲ ﺟﻴﺪ

ﻛﻌﺪﻧﻪ ﺑﺎﻟﻜﺎﻓﺘﺮﻳﺎ ﻭﺳﻮﻟﻔﺘﻠﻬﺎ ﻋﻦ ﻛﻞ ﺍﻟﻠﻲ ﺻﺎﺭ ﺑﻴﻪ ﻫﻲ ﺧﻄﻴﻪ ﺣﻴﻞ ﺗﺄﺫﺕ ﻋﻠﻤﻮﺩﻱ ﻣﻦ ﺳﻤﻌﺖ ﻫﺎﻟﻜﻼﻡ
.. ﻭﺍﻟﻠﻪ ﻳﺎ ﺭﻭﺣﻲ ﻣﺎ ﺟﻨﺖ ﺍﺩﺭﻱ ﺑﻴﺞ
.. ﻻ ﻳﺎ ﻋﻤﺮﻱ ﺷﻤﺪﺭﻳﺞ ﻗﺎﺑﻞ
.. ﻳﻌﻨﻲ ﻫﺴﻪ ﺍﻧﺘﻲ ﺗﺤﺒﻴﻪ ﻟﻴﺴﺎﺭ ﻟﻮ ﻻ ؟
.. ﺷﻠﻮﻥ ﻣﺎ ﺍﺣﺒﻪ ﻭﻟﺞ ﻫﻮ ﻧﻔﺴﻲ ﺍﻟﻴﺼﻌﺪ ﻭﻳﻨﺰﻝ ﺑﺲ ﺍﻧﻲ ﻛﻨﺖ ﺗﻌﺒﺎﻧﻪ ﺫﻧﻲ ﺍﻻﺳﺒﻮﻋﻴﻦ ﺍﻟﻠﻲ ﺭﺍﺣﻮ ﻭﻧﻔﺴﻴﺘﻲ ﺗﺪﻣﺮﺕ ﻓﻤﺎ ﺭﺩﺕ
ﺍﺷﻮﻑ ﺍﻱ ﺑﺸﺮ ﻛﻨﺖ ﻣﺤﺘﺎﺟﻪ ﺍﺑﻘﻪ ﻭﺣﺪﻱ
.. ﺯﻳﻦ ﻭﻫﻢ ﺭﺟﻌﺘﻲ ﺧﺎﺑﺮﺗﻴﻪ ؟
.. ﻻ