جبورت ال يسار

#جبروت_ال_يسار

#بارت15

يسار سوه اجازه مرضيه شهر من نزل راد يتهنه بيه عود خطيه
اول اسبوع خلصه بترميم البيت واسبوعين خلصهن مرض وهذا الاسبوع زواج اخويه يعني خطيه كلشي ما شاف من اجازته كلش انقهرت عليه

اجه اليوم اللي راح يلتحق اني احضر بالجنطه وعيوني تصب شلون افاركه والله ما يهون عليه فراكه واصلا بعده عني
دمار لنفسيتي اني شلون اخذت قسمه عذاب بيها واني ما ادري
ويسار بس احاجيه على دوامه يضوج ويكولي واجبي ورزقي هذا....  ابد ما ينطي بدوامه

كان يبدل ويلبس ببدلته اندار شافني ابجي حجه بحده
.. لجين لخاطر الله كافي صارلج من رجعنه البارحه من اهلج لليوم بس تبجين والقران راح تخليني اتوب اكلج حضريلي جنطتي كايلج اني الج الحق بكلشي تتدخلين بس دوامي خط احمر
ما حاجيته اجه لزم الملابس من ايدي وشمرهن وحضنني
.. اسف .. ما كان قصدي احجي هيج وياج بس عبالج اني مرتاح والله ما يهون عليه فراكج .... لا تبجين اني اريدج قويه لخاطري اريد اروح واني مرتاح
مسحت دموعي وابتسمتله
.. هذا هو حبيبي ما يصير خاطرك الا طيب اني بس لأن اشتاقلك واخاف عليك انقهر مو بيدي
.. لا تخافين آية الكرسي تحميني ان شاء الله.. واني راح اخابر هوار هو وميسم و امي يتناوبون بالمبيت يمج
.. بس يسار عليك الله لا تغلق جهازك يعني والله يضل بالي ع الاقل حاول تتصل بيننا
ابتعد عني وكمل لبس ملابسه
.. لجين والله مو بيدي شايفه شلون المكان اللي نروحله كل تغطيه ما بيه تكولين بجزر الواق الواق بس رغم هذا احاول وداعة عيونج
كمل لبس وشال الجنطه ومشه كدامي رحت فدوه للنجمات ولطوله هاي هيج النجمات لايكات ع وجهه اول مره اشوف وجهه يضوي بالزي العسكري وصل الباب المطبخ اندارلي وباسني بلهفه من شفتي وكال
.. ادعيلي
.. عين النبي تحرسك الله وياك حبيبي
ركبت سيارته ووصاح من جامة السياره
.. اقفلي بابج زين ولا تفتحيها لاحد من يجي هوار كتله يتصل عليج
اشرلي بايده وراح واخذ روحي وقلبي وياه واني سديت الباب وبقت بس الدموع تجري على فراكه

كان يبات يمي يوم هوار وميسم ويوم عمتي
من كان هوار وميسم يباتون يمي نكعد نساهر على فيلم اني وياهم نحس كلنه شباب ونفس الذوق واحضر الكرزات وحلويات للسهره وضحك وسوالف وتكنيك ..... ومن عمتي تبات يمي تنام من وكت كنت احسس بالملل بيومها

كنت الهي نفسي عن التفكير بالتكنيك لو بالطلعه يم عيالي لو بشغل البيت حتى لو ما عندي شي اكعد اسوي حلويات لو اكعد اسوي اكلات حته هوار يكولي يمعوده كرشت من وراج بعد رواء ما تاخذني
كنت اودي منه لبيت عمي وكانوا يتعجبون بيه بس هند وهاجر كانن يسمني ام السحوره بس ما كنت اهتم الهن

مر ١٠ ايام ويسار ماكو جهازه مغلق رجعلي نفس القلق بس تعودت على الاقل كمت اعرف منطقته ما بيها شبكه