جبورت ال يسار

#جبروت_ال_يسار

#بارت9
❤

التم البيت كله على صياحي اجوني هوار وسرى يريدون يكوموني اني كمت ابجي واصرخ اكثر
..عوفوني لا تحركوني راح اموت من الالم
سرى كالت
.. ولج يمكن انكسرت ايدج
هند كالت
.. والله عمي دلال زايد
صاحت بيها عمتي
.. انجبي ولصمي حلكج
صدك كان الالم ما ينحمل بأيدي.... هوار راد يشيلني صحت بيه بكل الم
.. لا عوفني فدوه
..لعد شلون خويه تبقين بمكانج؟ يسار ماموجود
جنت ابجي ولازمه ايدي واصيح
..خابره الله يخليك 
خابره وره ثواني وسده كال
.. كومي ام امير لبسيها عبايتها يسار راح يتلكانه بباب المستشفى
اجت ام امير لبستني عباتي بس الالم من سندوني وكمت كان اضعاف اتمنيت الموت ولا هالالم
صعدنا بسيارة عمي ومشينه وكل ثانيه يزداد الوجع اكثر اني سانده راسي ع كتف سرى وابجي وهي تهدي بيه بس ما كنت اسمع اي كلمه
وصلنه المستشفى اول ما وكفت السياره حسيت الباب انفتحت ويسار شالني وكال لهوار رجع ام امير للبيت والحكني
ودخل بيه للمستشفى وهو يركض كان لافني بحضنه من الخوف و كنت بحضنه لا شئ مقارنةً بجسمه اسمع بس صوته وهو يركض بيه
.. لا تخافين يا روحي لا تخافين
دفنت وجهي بصدره واني ابجي من الالم ولازمه ايدي
وصلني للدكتور كاله
..حطوها ع السديه
اول ما لزم الدكتور ايدي صرخت وداني للاشعه سوينه اشعه ورجعنه كللهم الدكتور
.. هاي مكسوره اخذوها لقسم الكسور حته يجبروها
اخذوني لقسم الكسور بعد الفحص تبين الكسر بسيط ويه
المقويات والتجبير تصير احسن خلال اسبوعين ان شاء الله

بهالاثناء اجه هوار بقه يفتر ويانه بالمستشفى
كعد الدكتور يجبرها واني ويه كل حركه كنت اصيح من الالم يسار ضمني لجسمه ولزم راسي دفنه بيه حتى ما اشوف شدا يسوي الدكتور واني دموعي بللت دشداشته وصياحي كان مكتوم بجسمه واسمعه يكولي
.. لا تبجين ولج مردتي قلبي بيه ولا بيج
وهوار واكف يمه يضحك ويكولي
.. على كيفج وياه لا تشوفيه جسم ويصيح ويكسر وداعتج قلبه رهيف قلب طير بالاخص وياج

ويسار كام يسب بيه ويغلط وهو طلع بره يضحك
بعد معاناة جبروها بعد ما انهد حيلي من الالم والصياح وعلكوا ايدي برقبتي بحامل وكتبلنه الدكتور على ادويه سألني بهمس
.. لجيني تكدرين تمشين لو اشيلج
حاجيته بصوت ضعيف
.. امشي
سندني وعدل عبايتي كانت كم شعرايه طالعه كام يأفف ويضم بيهن واني احس نار بقلبي اني بيا حال وهذا يضم بشعراياتي
مشيت وهو ساندني
كمشت ايده وهمست بصوت ضعيف
.. حباب لا تعوفني وتسوق ابقه يمي
.. صار يدلل حبيبي
انطه مفتاح السياره لهوار وصعدنه وره حطيت راسي ع متنه
بعدين انتبهت انه كان لابس الملابس اللي عجبني حته ما تهنيت بعد بشوفته بيهن ..بس خطيه مردتله دشداشته كحل ومسكارا من البجي شكد استحيت
ضميت راسي بصدره وغفيت عليه من التعب  

فتحت عيوني لكيت البردات مسدوده والغرفه ظلمه والسبلت يشتغل خفيف تباوعت بالفراش ماهو يسار شلت موبايلي تباوعت للساعه ب٤ العصر حييييل هاي شكد نايمه اني
حسيت بوجع بايدي كمت تباوعت لملابسي نفسهن يا ربي شلون ابدل صدك بهذله .. حاولت شكد بس ما كدر كانت بعدهي تأذيني على اقل حركه.... اخذت جهازي وخابرت يسار رأسا انطاني رفض وره ثواني انفتح الباب والضوه ويسار دخل وسد الباب الظاهر كان جوه يم اهله و اجاني يركض سألني بقلق
.. ها حبيبي شلون صرت ؟
حجيت بألم
.. دا توجعني حيل يسار  .. وما اكدر ابدل دشداشتي
.. لحظه
رفع دشداشته وكعد عدل كدامي ونزل الحامل عن رقبتي ورفع دشداشتي اني احس وجهي صار جمر بس هو ولا اهتم نزعني ردني السليمه وراسي وبقت الردن المكسوره دا ينزعني شويه شويه كمت اتألم ومغمضه عيوني
فجأه توقف الالم فتحت عيوني ولكيته منزعني الردن ودا يتباوع لجسمي كنت بس بالداخليات لميت رجليه ع جسمي وحسيت النار كام تطلع جسمي انتبه ع خجلي كالي
.. كومي حبيبي خلي اسبحج
فتحت عيوني ع وسعهن وشهكت
.. لا ...ما .....استحي
كام يضحك
.. منين تستحين يا ول اني زوجج
كمت ابلعم
.. ميخالف استحي
ما حسيت غير شالني وحطني بالحمام وجاب علاكه ولف ايدي المكسوره وحطني جوه الدوش وجاب ملابس الي علكهن بالتعلاكه مال الحمام وكال من تخلصين صيحيلي
وطلع وسد الباب وراه اني حسيت النار كام تطلع من كل مكان من الخجل
فتحت المي وسبحت حاولت ما يوصل مي للمكان المجبر