جبورت ال يسار

#جبروت_ال_يسار بارت

#انتباه

موت يسار مو معناها نهاية القصه
دائما الامل موجود رجاءا حاولوا لا تضوجون
والموت مو نهاية الحياة
مرات تنولد حياة جديده من بطن الفراغ
ومرات الحياة القديمه هي اللي تولد حياة جديده
هواي احداث بعد جايتكم تابعوا ولا تضوجون خلوا قلبكم كبير وصبركم اكبر ❤❤❤
💕

#بارت22

كعدت اتباوع الكانونه بأيدي والم مو طبيعي ببطني بس بطني فارغه تباوعت للجهه الثانيه امي كاعده تسولف هي وسرى وتبجي

تذكرت موت يسار وعرفت انه يسار راح وبعد ما اكدر اشوفه وانه اني  فقدت روحي .....كعدت واني ابجي واصيح من الالم

.. يسااااااااااااررررر .... لج يوووووووم جيبيلي يسااااااار

ماما وسرى اجن كام يهدن بيه ويبجن بس اني ما اهتميت الهن ابعد بيهن وابجي واصرخ ماما تبجي وتحجي وياي

.. ماما مو زين عليج وعلى جهالج البجي انتي مريضه مسويه عمليه ونفسه ( فترة نفاس)

ما اهتميت لكلامهن كان همي بس اشوف يسار والالم زاد لان عمل وتحركت

ركضت سرى صاحت الممرضه اجت ضربتني ابره مال آلام شويه هدأ الالم وبديت احس بخدر ونمت

كعدت لكيت نفسي بس اني وامي بالغرفه كمت ابجي بصمت وبس الدموع تجري ع الخد لان كل حيلي راح بهالخمسة اشهر ماما حست عليه اجت كابلتني وكام تبجي سألتها
بصوت مبحوح وموجوع

.. ماما شلونهم ولد يسار ؟
.. بخير ماما شويه مخليهم بالخدج لان ولدتي بداية التاسع شغلة يومين او ٣ ويطلعوهم
.. ماما اريد اشوفهم
.. ما يصير ماما انتي مسويه عمليه شلون تكومين

كمت ابجي اكثر
.. ابوس ايدج ماما بس اشوفهم

طلعت ماما تسولف ويه واحد بره وره ربع ساعه اجت الممرضه وماما وبيدهم الاطفال اثنينهم

اني شفتهم واني احس كل الم بقلبي نسيته شنو هذا الملائكه نسخه مصغره من يسار

الرمش العيون الحلكَ يا ربي كلشي ما ماخذين مني يكولون المره اذا حبت زوجها اكثر اطفاله يطلعون عليه والظاهر حبي ليسار انختم بهالشمعتين

بوستهم واني ابجي وشميتهم

.. اوووووف ليش هيجي ربي ليش يتمتهم وهم صغار منو الهم

ماما كام تبجي كالت الممرضه

.. ما يصير تأذين نفسج انتي مسويه عمليه والاطفال ما يصير يبقون بره هواي لازم يرجعون للخدج بعدهم يرادلهم عنايه

اخذت الممرضه ابني الثاني من ماما وراحت

كالت ماما
.. هوار بره بالباب تحتاجين منه شي لو يروح الولد ؟! لان لازم يوكف بالفاتحه
.. اي صيحيه خلي يوكف وره الستاره اريد احجي وياه
.. كوليلي شتؤدين منه واني اكوله
.. صيحي وبس