ليتني قابلتك اولا

الفصل الثالث عشر والاخير

(املئوا قلوبكم فقط بالحب لمن حولكم فيوماً ما سيأثر حبكم بهم وستجنون السعاده )

نور: انا مش موافقه يا بابا
حنان: ليه يا بنتي دا الراجل ميتعيبش
صادق: استني بس يا حنان
ثم اقترب من نور واخذها في حضنه فتشبثت به نور واخذت تبكي انتظر صادق حتي هدأت تماما ثم تحدث
صادق: ممكن تفهميني براحه انتي رافضه ليه
نور بمرارة: ببساطه انا مش محتاجه شفقه من حد
صادق بإبتسامه: طب بهدوء كدا فيه واحد عاقل هيتجوز واحده معلش يعني مشلوله شفقه من رأيي هو اللي هيكون خسران اصله مش هيستفيد حاجه مفيش سبب مقنع غير انه بيحبك عشان دا السبب الوحيد اللي يخلي الراجل يتجنن واحد غيره كان يستني لما يشوف العمليه هتنجح ولا لا وبعدين يجي يتقدم
نور: انت شايف كدا يعني يا بابا
صادق: ومش شايف غير كدا وصراحه الشاب فعلا ميتعيبش علي رأي امك دين و أخلاق غير انه دكتور
نور: خلاص هفكر
في شقه يوسف
أرسلت فرح رساله ليوسف تخبره انها تريده ان يمر عليها حين عودته ظلت فرح تنتظر يوسف حتي جاء
طرق يوسف الباب ففتحت فرح سريعاً
يوسف بإقتضاب: ممكن نأجل كلامنا لبكره عشان انا مش فايق
فرح بترجي: عشان خاطري يا يوسف
دخل يوسف مع فرح وجلسا
فرح: ممكن تقولي مالك اليومين دول
نظر لها ثم ادار بصره ولم يجيبها
رفعت كفها ووضعته على وجهه وادارته لها مره اخري ثم ثبتت عينها داخل عينه وتحدثت قائله
فرح: هو انا مش مراتك
ثم سكتت قليلا وأكملت وحبيبتك ليه مش عايز تقولي فوجدت في عينه نظرت استغراب فاكملت بإبتسامه انا عايزه اساعدك عشان انت جوزي وحبيبي انا بحبك يا يوسف  كنت عايزه ابعد عشان خوفت اخسرك بس دلوقتي خلاص انا واثقه ان ربنا هيحفظك ليا يوسف اوعي تسبني انا بحبك اوي ساعات بقول يارتني قابلتك قبل الحادثه مكنش هيحصلي دا كله كنت هتبقي جنبي اتسند عليك واتحامي فيك مكنوش هيتحكموا فيا كنت هتعوضني عن اهلي بس اكيد ربنا عمل دا كله لحكمه في علمه الحمد لله علي كل حال
ثم نهضت من مكانها واحضرت حقيبه كبيره وتحدثت قائله
فرح دول ٨٠٠ الف جنيه ودي شبكتي كدا هيبقي باقي حوالي ١٠٠ او ١٥٠ الف ممكن تستلفهم من اي حد او حتي تبيع العربيه اهم حاجه عندي مشفكش زعلان بالشكل دا
كل هذا ويوسف يجلس وهو لا يستوعب ما تقول فجلست فرح أمامه علي ركبتيها وامسكت يديه وهي تنادي عليه
فرح: يوسف يوسف
يوسف: نعم
فرح بإبتسامه من منظره: بحبك
يوسف ودموعه ترقرقت في عينه: بجد
فرح وهي تمسح تلك الدمعه التي سقطت من عينه: والله بحبك اوي بحبك اكتر من نفسي
نهض يوسف وسحب فرح لتقف ثم ضمها إليه بقوه وهو يبكي ويردد
يوسف: الحمد لله يارب الحمد الله ياااااااه يافرح انا مستني الكلمه دي من زمان اوي انا كمان يا حبيبتي بحبك اوي انتي الوحيده اللي ملكتي قلبي لا كان فيه قبلك ولا هيكون فيه بعدك
ثم أخذ يدور بها وهو يقول بصوت عالي
يوسف: بحبك يا فرحتي بحببببببببببك
واخذا يبكيان وهما في أحضان بعضهم البعض 
بعد مرور عدة أشهر
نجحت عمليه نور وأصبحت قادره على المشي وبعد الحاح من عمر تمت خطبتهم
محمد يتحسن كل يوم عن اليوم الذي يسبقه واقترب من الله كثيرا
اما فرح ويوسف فهما يحضران لزفافهم
واستطاع يوسف رد الأموال التي اخذها من فرح ليحل أزمته حتي انه لم يتركها حتي أعادت الشقتان التي باعتهم لعمها لكي تحصل على تلك الأموال وأعادت الباقي بإسمها في البنك كما كانوا اما الشبكه فهو رفض اخذها من الاساس