خريج صيدله والده يمتلك عدة صيدليات حسنه تشتغل عند والد وعد
تقدم وعد الخطبته وصلاح وافق واتفقو يروح صلاح يستشير والده واخوته لكن القدر سبقه وتوفه وطبعا حسنه بايام عزاء نست الموضوع اصلا
لما رجعت حسنه للصيدليه والتقت بوعد سالها
وعد حسنه مكلتيلي شلون راح ينفتح موضوعنه
حسنه والله مادري اني ماعرف شنو رد الفعل عند جدي انتضر تعبر السنه مال والدي لان اصلا حتى لو وافقو مراح نتزوج الى بعد السنه
وعد هم صدك بس مو يتقدملج واحد ويله السلامه انته ضحكت حسنه اي وعد وماقبل باحد الى مواصفات اليجي مكانك لازم مميز واحلى منك مواصفات
وعد صلوات وشنو هالمواصفات
حسنه اكرع وسمين واسود وكصير ولازم عنده على الاقل عاهتين هيج اطمئن على مستقبلي
وعد ادري ليش هيج
حسنه حتى من تشوفه تدك على راسك بيش احسن مني واخذته
وعد يعاينه صفح بالعافيه عليج اصلا اني هم محضر وحده للطوارء اذا رفضتيني اروحله
هنا الضحكه راحت والخلقه انكلبت وكام يطك شرار من عين حسنه وتغيرت نبرت صوته
حسنه هاي شبيك اشو صاير متعرف تحجي شنو ضام وحده واني الي مصدكه وتكلي بس اني بحياتك الولد انصدم
وعد وقفت تريد ترجع للشغل عاط بيه اكعدي لا احرك الدنيه شبيج
حسنه وهاي كعده شتريد سكت شويه
وعد غير الكي وحده مثلج صدكي ماكو لا بخبلاتج ولا بعنادج ولا بغيرتك ولا تسرعج شتتوقعين وحده بهالمواصفات يكدر رجله يعاين على غير وحده غير يموت برمشة عين ٠٠خزرته والله اقتلك
وعد تسويه اني متاكد تسويه دكومي ابويه ينتضرنه ٠
٠
والد وعد تعالي بنتي
حسنه خير عمو اامرني
والد وعد والدج قبل ميتوفه فاتح جدج وعمامج بموضوع خطبتكم وافقو لو لا
حسنه والله عمو مادري بس ممبين لو كايللهم جان على الاقل اني عرفت او يلمحون ماعتقد
والد وعد زين بنتي حددي موعد ويه اخوج خل نتفاهم ويا
حسنه امرك عمي
رجعت للبيت فالح متمدد
حسنه السلام عليكم
فالح عليكم السلام شلونه يومج
حسنه الحمد لله اليوم والد وعد فاتحني بموضوع الخطبه يريد احدد موعد وياك
فالح صدك يحجي مصار كم شهر على وفاة ابونه اجليه للسنه
حسنه والله اعرف هسه شكلهم
فالح خل يتفضلون الجمعه هم ميصير ينتضرون
حسنه صار هسه اخابرهم
فالح يبعد اخوج انتي ابونه توه ميت ماريد الناس يكولون مات ابوهم وفلت عيارهم مو تلتقين بالولد عدا حدود الصيدليه متلتقين بوعد
حسنه تامر يروح اختك الجمعه عدلت حسنه شكله وخلت عطر وتجهزت شوت كعك وفطائر وكفت كدام المرايه ترتب نفسه فالح يعاين عليه دمعت عينه يعرف ان البنت بهيج يوم عينه على امه تقدم اله
فالح شنو انتي شنو هالجمال لج على هالخلقه الحلوه الى مهرج اعلى من باقي البنات عشر اضعاف
حسنه هوب هوب على كيفك يعوفوني ويشردون قابل اني المونليزا
فالح هاي منو ام العنب تروحلج فدوه المونليزا والاميره النائمه وقوطيه بت عيدان
ضحكت نرجس منو قوطيه
فالح والله مادري هيج جتي ويه القافيه
نرجس اجتي حضنته وباست كتفه تدري فالح ماعندي غيرك انته امي وابويه وكل اهلي انته صمام الامان بحياتي نيالي عندي انته ابتسم
فالح دخلنه الدرامه بجت ام دميعه مسحي دموعج ليجون ويشوفوج اتوقع يشردون منج
حسنه تمسح دمعته وتنضر للمرايه ليش يابه دشوفني انكط عسل تركته ودخلت الغرفته دار وجهه ومسح دمعته محب يشوفه هوه ضعيف
هنا اندكت الباب ودخلو وعد ووالده استقبلهم فالح والد وعد اعجب باخلاق فالح ولباقته ابتسم
ابو وعد عمي والله اني كلش حبيتك ومبين عليك ابن عشاير ومعدل انته تعرف حسنه بنتي واكيد عندك علم ان احنه تقدمنه الحسنه بحياة ابوك ووالدك وافق مبدئيا بس كال افاتح جده وعمامه بعده صار الي صار وملحك يفتح موضوع وليدي هسه احنه مسحنه ذيج الخطوه وجينه نطلبه من جديد الوعد وانشالله منقصر وياكم اذا وافقتو
فالح عمي بدون متكول اي شي كلام ابويه ما اثني مدام نطاكم اني ناطي بس اكمل موقف ابويه واروح اسال جدي وعمامي وانشالله يصير خير دخلت حسنه بيده العصير وعد انشكل لسانه وفالح يعاينه خدوده وردت محب يحرجه اكثر كسر الجو كله قدمي لابو وعد
ابو وعد اللهم صلي على محمد وال محمد ربي يحفضج بنيتي وانشالله تصيرين ببيتنه
ابتسمت وصلت الوعد
وعد بهمس فلك صابج طالعه كلوب فالح خزره تعلثم وعد ششكراا رجعت للمطبخ تدعي ربي تممه على خير وهذا المخبل يصير نصيبي
طلع الخطار وفالح صاح حسنه
فالح تعالي ولج حسنه وينج
حسنه الله يستر اي هسه جايه
فالح شنو هالمسخره السويتيه
حسنه شسويت والله بس قدمت عصير ورجعت للمطبخ
فالح اي ممسويه شي من كشرتج واصله لاذانج المفروض ركض دخلي اشوفج تحجين لو كلمه ويا انكلب جلب عليج افتهمتي
حسنه اي ميخالف بس اصلا هوه ويانه بالصيدليه
فالح ومنو كال راح اخليج تداومين الى اعوف شغلي واكابلج خاف روميو يندك بيج ويحاجيج
حسنه هجم بيت الغيره مالتك لاتخاف راح اكعد بالبيت
فالح احسن مصارت الخطبه هوه شبعان غزل منا الذاك الوكت حضري امرج الجمعه نروح الجدي نفاتحه ونشوف شيكول
حسنه انته اعرف وكلامك ماشي على راسي
بس نكلهم كلشي ميصير الى وره السنه
