الدرب كله دموع حسنه منشفت
ياسين بداعتي حسنه كافي بجي والله حركتي قلبي
التفتت التفتت اله بعبره ولسان حالها يكول
٠
غربلت بالغربال لن طاحو اثنين
الجنت اضن وفاي والساكن العين
٠
اي ياسين اولهم جدي الجنت اضنه وفاي
ياسين فد لا اني الثاني يحاول يلطف جو
حسنه لا ياسين
انته السند والبي بعد زود
قصدي الخطبني وراح ماجنه موجود
٠٠
ياسين ويه نفسه ريته لايعود
حسنه شتكول
ياسين منعرف شراح يصير
وصلو الباب شيخ حسن فتح الباب حسين خاله شهكت وحضنته يبجون بالباب والله علمني قلبي لج ماسميج حسنه انتي نرجس تعالي اشمج يريحة المضلومه
حسنه ااااااه توني كدرت اكلك خالي بس الثمن غالي عليه باسه من راسه يغله عمرج حبيبتي عاينت بعينه خالي وين فالح التفت الغرفه بطرف الدار رادت تركض لزمه اهدي يحسنه اخوج تعبان لاتبجين كباله تره ضلعه متكسره وميحمل شهكه وبجي حبسي الدمع
حسنه واخوه الوحيد شيصبره دخلت لكته محني ولازم ضلوعه وجه شاحب وكله كدمات عينه منفوخه ايد رجله منعنع خلت ايده على حلكه بس مكدرت ركضت تحضنه سحبه خاله حسين لا بنتي تره لو حضنتي ينلجم شكتلج بعد متكدر تتنفس حبست العبره كوه تجذب الهوه بشهكه
٠
يبعد الروح والدنيه واهله
على حوالك دموعي ارد اهله
هلالات الجروح البيك اهله
واضوي الروح لو ضلمت عليه
٠
سوده على على اختك يعمري بسببي الله يشيلني ولاشوفك بهاي الحال فالح ينور العين يبعد امي وابويه حاجيني كلي اسمعج بداعتي افتح عينك والله اموت مو بس اموت انتحر وراك فالح بجت وبجت حتى الصخر تشم باطراف ثيابه تخاف تلزمه موبس اقبل بصالح اقبل بجلاب القريه بس انته تسلم الله لاينطيك جدي انكسرت ايدك وايد كلمد اذى اخويه ٠
ياسين حسنه لاتدعين هذا جدج
حسنه مو جدي متبريه منه اليمس فالح بريشه اتبره منه مو مكسر ومادري يموت لو يعيش فتح عينه فالح شافه دمعت عينه عيونه تحاجيه تعالي اشمج يبنت الروح قربت وجهه يم وجهه اخوهه تهمس اجيتك فالح عمري انته الخاطري حبيبي صير قوي اعيش خدامه لتراب رجلك بنفس متقطع
فالح مسحي دمعج يحركني صيري قويه ولاتقبلين باي بشر لما اتعافه وبعد يحلمون يشوفونه انطيني عينج قربت راسه يم شفته باسه من عينه اروحلج فدوه يريحة اهلي كلهم لاتخوفيني عليج شيخ حسن كومي بنتي راح تموتين وتموتي وياج استهدي بالرحمان خل يرتاح اخوج ضلت تمسد على شعره تبوس جبينه وجفوف ايده والدمع سكته الى ان نام غطته وضلت تراقبه اخذه جده لليوان كعد وسنده على حضنه
الشيخ ليش بنيتي مكلتيلي عتبي على بيبيتج مكلتلي
اميره خفت ليوصلون الهاي الحاله وتالي ماعرف ياخبيث فضحهم
حسنه امي تاج مو فضيحه تعرف يجدي امي شلون حياته جانت متطلع باب البيت تنضف وتطبخ وتدرسنه وابويه وياها اذا نريد نطلع متقبل تطلع الى بستان اماكن قليل الناس بيه عايشه النه وبس هيه وابويه مثل البلابل بس دمعة حزن بعيونهم على فراك اهلهم محد حس بيهم حفضنه القصه منهم والله متستاهل تنضلم اميره تذكرت من جتهم مكسوره ولكوهه الفجر بالباب واول حضنه ويه نرجس بجت وكامت تشهك رجع حنينه البنته حضنت حسنه ياسين يربت على كتف حسنه يله بت عمي اكو وعد قطعنا كلتله اي وعدت وداد اليله اقبل بصالح يله كدرت اطلع هيه الوسيط بيني وبين جدي
ياسين شتكولين انتي لج اخذت وعد مني اتزوجهه وحتى لاتتازم الامورتعالي
الشيخ على جثتي متطلع انته ارجع الجدك وكله عصو بيه
حسنه انتبهت الياسين مو من طبعه تخلف
حسنه لا جدي انتو فكرو بحل واني راجعه ويه ياسين
الشيخ زين خل نضيف الولد جيبو جاي وتعشو يمنه دكومي اميره اخذي حسنه ودخلن سون لكمه حسنه دخلت للمطبخ لكت شابح جميله شكره وكفه تطبخ
حسنه بسم الله ما شاء الله بيبي هاي بتمن
اميره هاي بت خالج قمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حسنه اسم على مسمى قمر وصدك قمر تقدمت تعانقه لمحت نجمه وشم يشبه الوشم الي بضهر امه
حسنه شنو هذا بيبي
اميره هذا نيشان العشيره هسه اوشملج واحد
قمر حسنه انتي شكد حلوه حسنه تقرصه من خده ياحلوه شوفي روحج بالمرايه ديله ساعديني نودي الاكل
قمر لا مو الولد بالليوان عيب
حسنه لج هوه ياسين هم كرايبنه مو غريب
طلعن ينصبن السفره بالحوش كام ياسين يغسل شاف حسنه دايره ضهره اله ترتب السفره توهم ياسين حسنه خفي ايدج تعرفين الوضع مجاوبته
ياسين شبيج دحجي خرسيتي اجه كباله انصمطو اهلي انتي منو تركته وركضت طلعت حسنه ها ياسين شبيك
ياسين لج هاي منو
حسنه ها هاي قمر
ياسين اي مو داكول وين مولي صار يومين
حسنه منو
ياسين الكمر ثاري خاتل بمطبخ الشيخ
حسنه تبسمت لامبين تموت عليه
ياسين تبريت منج كليلي هذا جدج متعاقد ويه الجنه كل ميخلف ينزلوله حور العين
٠
٠
٠ بالطريق
وعد يابه كون لا عبالهم عفنه الموضوع
ابو وعد نجرب حضنه للمره الاخيره
وعد هالمره حتى الحكومه تتدخل بس خل اول مره نروح للشيخ حسن
