بنت شيوخ لكن جزء ٢

حيره

طرق فالح الباب استقبله شيخ حسن بالمضيف ودخلت حسنه يم اميره الشيخ حسن اهلا بيك ابني اامر رايد شي
فالح اي شيخ رايد شي
الشيخ مثكل وجهه شرايد فالح اريد اشمك انته بحسبة جدي كام فالح حضن الشيخ متحمل بجه بحركه ااااه يجدي مشتاق اشم ريح الحبايب بيك حن الشيخ اله شبيك ابني ليش البجي فالح استدرك الامر لا يجدي ماكو شي هيه عبره وطلعت جدي دخيلك لاتكرهني
الشيخ مو بيدي اني كاطعت كل ال عكاب ماكدرنه ناخذ حك بتنه خلو ابويه بين نارين نار بنته ونار العشيره ومصدك ابوك اخذه تواها ماعرف ليش سماك على اسم شيخ فالح الله يرحمه احنه وره مسافر ابو ك بعد كاطعنه الكل وانته منهم
فالح جدي اني مالي ذنب واختي متعلقه بالحجيه اميره
شيخ حسن اعذرني ابني بالنهايه انتو ولد كتال بنتي
بس اشبه حسنه بنرجس يشفعله دخله بيتي  طلع فالح وبقلبه نار شلون اكلك اني دم ولحم بنتك ياربي شلون وضع وشراح يفضه
٠٠
حسنه دخلت على جدته اميره حضنته عافن كلشي وكعدن يسولفن حسنه متحس بالوقت بحضور جدته اميره لكن الوقت اتاخر      ولازم ترجع وصله خاله حسين للبيت الوجيه
حسين بنيتي تدرين كل ما اشوفج قلبي ينعصر
حسنه ليش عمي
حسين  والله يابنتي انتي محيرتني  عبالك اختي الماتت الله حياها بصوتج وحركاتج وصورتج طبق الاصل دمعت عين حسنه تريد تكله اني بنت اختك متكدر التفتت عليه
حسنه عمي شن جريمته
حسين اختي ضحيه للمجتمع العشائري

حسنه  الدمع مالي عينه  انته و ين عنه٠٠ اني لو  الدنيه
كله  ضد ي ما ا هتم لان  اخو يه   يمي 
انته وين جنت عنه من اخذوهه
حسين كافي بنتي والله دا اشوف نرجس دتعاتبني
حسنه سكتت حست خاله ديتالم البي يكفي وصلت الدار جده
فالح نام بالسطح لان صيف وحسنه ويه نساء اقربائه
ويه الفجر فتح عيونه فالح شاف وحده ركضت للبستان كل ضنه حسنه صار عصبي خاف عليه ركض وراها دخل البستان دخلت بين الاحراش عاط بيه انجلطت
فالح شعندج هنا ولج
منى ترجف امي دزتني الم فطر ونومي حامض للريوك
فالح ويه نفسه بربي هاي راح تحقد عليه للموت
ابتسم اساعدج
منى صخام شساعدني يذبحوني والله تركته ورادت تركض عثرت تناثر الفطر والليمون اخذت السله فارغه وركضت جمعهن ورجع يحجي ويه روحه والله عبالي حسنه طلعت البنيه زين شعده ببيت جدي هاي بت منو خل اروح اشوف

دخل فالح صاح ام علوان هاذا الفطر والليمون سويلي ريوك
ام علوان يا سوده عليه شلون مو اني دزيت بنتي الفاهيه رجعت ركض يمكن عارضله جلب لو ضفدع تخاف من الضفادع
فالح التشبيه قاتل ام علوان يحجي ويه روحه
طلعت بت ام علوان سمع ام علوان يمه مليكه خدري الجاي بين ما اختج تكمل خبز شلون راح يعرف اسم البنت الي شافه بالبستان