فالح ساكت ينتضر شراح يصير وحسنه والنسوان وره الشباك يتسنطن حسنه لونه انخطف
الوجيه ابو وعد انته ضيفنه ومتعني والك طلبه علينه بس ياخويه اطلب اي شي غير هاي البنت مال ابن عمه امره بيده ياسين قابض على ايده بالكوه وينضر الوعد بعين الغضب ابو وعد عمي ياسين شنو كولك ياسين عمي ناهي وخلص وهذا ديوان لاحد يحجي بعرضي كام ياسين وطلع ابو وعد نضر الوعد اشرله نطلع وعد التفت للوجه
وعد عمي الوجيه الجبير مايصير جبير ربعه الى بعدالته سالتو البنيه حسب الشرع
الوجيه عمي اني ماراد طلبتك كتلك انطيك مره لو رايد النسب الى هاي البنت
وعد بغضب يالجبير اني ماخذ وعد من المرحوم صلاح صار خمس اشهر من تقدمت ووافق عليه كال بس انطي خبر
الوجيه ليش ينطي خبر حتى اذا واحد ينهي على بنته من ولد عمه تبطل بعد اي خطبه التفت وعد ها فالح احجي
فالح يعرف ماكو فايده معرف شيكول
وعد فهمنه الموضوع يله يابه بس اسمع يالوجيه البنيه وافقت عليه حرام تغصبوهه تره كل اعرافكم بالنار لاتصلون احسن فالح استدرك الامر لان جده وقف
الوجيه شتكول والله لو مو ضيف وماكل زادنه جان محد عرف طريقك على هالحجايه
ابو وعد العذر يالوجيه شاب ومندفع ٠٠فالح وبو وعد سحبو وعد بره التفت يريد يحجي ويه فالح لمح وجه حسنه وعيونه المليانه دمع وايده على حلكه احمرت عينه راد يروحله سحبو وطلعو
ابو وعد اخذ وعد ورع البغداد الطريق كله وعد كاعد على بركان
وداد ويه نفسه هم حضوض وين ماكو واحد حلو ومركز يتراكضون عليه خل الحك ياسين بلكي استغل الموقف اخذه الياشو هيه مبين عليه تريد ذاك
حسنه ركضت الغرفته ولحكه فالح حضنه يواسيه فالح حبيبتي بعدنه باول جوله بسرعه نهزيتي
حسنه ميفيد والله فالح الولد هسه كرهني مشفت شلون عايني غاضب مدري مكسور عينه حمر هسه عباله اني موافقه دخيلك خويه ماريد ياسين
فالح باسه ومسح دمعه كله اذا مفاد وياهم الاقناع اخذج واطلع للخارج واتزوجي اليعجبج بس هسه نهدي لايرحون يتهموج بي لو يغصبوج على الزواج وثانيه انتي مترهمين لا الوعد ولا الياسين نسيتي غنيصر
حسنه اهووووو فالح خل اكمل بجي كوه تضحكني بحال غنيصر
٠٠
٠٠
وداد بالزرع الله يساعدك ابن خالي
ياسين هله
وداد كعدت يمه اكلك شنو الصار باليوانيه اشو صارت هوسه
ياسين على اساس متعرفين مو جنتي لازكه بالشباك
وداد اي بس حبيت اسمع وجة نضرك
ياسين سمعتيه بالليوان
وداد اسمع ياسين جاي انصحك
حسنه متفيدك تدري ليش لان قلبه يم ذاك الولد تحبه وجانو يتلاكون ببغداد
ياسين شلون عرفت
وداد ها جنت انضف غرفة حسنه عزلت الديلاب وشفت صور الولد وياها بالمطعم ولايغرك حبلوه تره مشاكله هوايه شمدرينه ببغداد شسوي اخذلك بت عرب عاشه بالقريه
ياسين وداد كفي شرج عني اذا صدك جيبي الصوره
وداد اي اجيبه قابل صعبه ٠ويه نفسه مين راح ادبره
تركته ورجعت للمطبخ تنتضر فالح يطلع من غرفة حسنه اقتربت يم شباك حسنه سمعتهم يحجون
فالح ها حسنه شلونه النفسيه
حسنه هوه بقه ضيم مشفته اشو جبناها من امنه الملاك الي ضيعوهه ونخاف نمشي باسمه وابونه العافنه وحيدين الى حد النهوه تدري اريد اروح البيبيتي طكت روحي
فالح لا يالغاليه يشكون بيج لاتطلعين
وداد ويه نفسه عزه اشو حجيهم الغاز
حسنه تدري ليش اريده هيه الوحيده تعرف امنه نرجس وتحبنه اريده
وداد ويه نفسه عزه فد لانرجس الكيوليه مو انذبحت والله وسويته يصلاح واني اكول امي تكول هاي تشبه نرجس
فالح اسكتي حسنه بروح الغوالي لاحد يسمعج مابينه حيل طلابه طلع فالح وتسحبت وداد الغرفة حسنه
وداد شبيج حبيبتي مورمه عيونج
حسنه اويلي وداد البقلبي مينحجي
وداد حبيبتي خالي جان واثق بامي وحجاله على عمه نرجس امي ساكته متحجي حتى لو تساليه تكلج ماعرف بس هيه حاجيتلي
حسنه صدك تحجين
وداد تشمر حجار بالضلمه الي افتهمته من امي مكتله اخذه البغداد وتزوجه هناك بداعتي احجيلي
حسنه مخنوكه ولكت واحد تشكيله حجت كلشي الوداد ووداد تمثل الدموع والحزن بجت حسنه لما غفت اخذت وداد البوم الصور وفتشت بالغرفه لكت صورة الحسنه ووعد بالصيدليه وياهم صديقته كان يوم ميلاده باكته ورجعت الغرفته واخذت كم عطر
كصت صورة صديقته حتى تبين بس هيه ووعد ركضت للوجيه جدي
الوجيه اكلك جدي مايصير تزوج ياسين الحسنه
الوجيه ليش
وداد عندي حجي ثكيل بس محلفيني انطيني الامان
