الوجيه جاسم ٠ابني فالح وانتي يحسنه اريد ابلغكم بقراري وانتو تعرفون احنه عرب والناس مترحمكم وحيدين بالمدينه
حسنه شنو قصدك جدي اترك شغلي بالصيدليه شلون
عندي التزامات متنتهي الى ٦ اشهر يله اكدر اجي هنا
فالح اي جدي حسنه صادكه واني هم بالدائره عندي التزامات
الوجيه جاسم زين دروحو صفو شغلكم واملاككم واني اجهز صيدليه بالقريه الحسنه وافتح مكتب
الفالح وفلوسي تحت امركم حسنه مشكور جدي متقصر احنه متهمنه الفلوس وطاعتك واجبه انطينه مهله نصفي امورنه بالمدينه ونرجع بس ارخصلي اروح البيت عمتنه اميره
الوجيه جاسم لاتروحون عمتكم اميره تكرهنه من يوم صلاح كتل بتهم وطم العار
فالح كوه لزم روحه بغضب ياعار جدي شنو جريمته
حسنه عيونه تلهب غضب جدي مفكرتو اكو اخره وشراح تنطون العذر ابويه يكول بنت عمنه بريئه ماله ذنب
الوجيه حسم الموقف حجه بغضب كافي سدو موضوع نرجس شي صارله ٢٣ سنه قابل هيه منو وتدافعون عنه التهو بنفسكم راد يطلع لزمته حسنه جدي والله محتصره خل اروح اللعمه اميره التفت اله
جاسم والله يابنت صلاح ماكدر ارد طلبج روحي قبل الغروب تجين داعب شعره يحجي ويه نفسه والله لوما عيونج جان كلت هاي نرجس سبحان الخلاق باس راسه وطلع
حسنه ركضت حضنت فالح شفت فالح حتى نخاف نصيح الاميره بيبي نكله عمه وهي الوحيده بيه ريحة امنا ٠٠٠٠٠ شيخ حسن كاعد وابنه حسين يمه حسين بويه رجف قلبي من يوم وفاة صلاح لسه دايخ
الشيخ ليش شصار
حسين شفت حسنه بنت صلاح
الشيخ لاتذكرني حسيت نرجس واكفه ذابت روحي صوته حركاته بليلته للصبح ابجي على اختك المضلومه مكدرت احاميه
حسين اي يابه بس مو بهاي الشغله دايخ
الشيخ لعد بيش
يابه احنه كلنه شعرنه بني اشكر بس بينه عيون ملونه الوحيده امي شعره ذهب لانه من غير عشيره
الشيخ مدا افهم
حسين ام صلاح سمره وابو حنطاوي شعره بني
وماعدنه بالعشيره واحد شعره ذهب وامي من غير عشيره هالبنيه عليمن طالعه المحيرني احسه كلش قريبه النه لحضات وندكت الباب
فتح الباب تفضلي عاين بعينه هاي نرجس بس عيونه ملونه يارب شنو هالشبه مر بخياله واخته يجروهه للموت قطع تامله صوته خفق قلبه كلتله عمه اميره هنا كله تفضلي دخلت سلمت على شيخ حسن صفن بوجهه كلام حسين مضبوط هاي البنت نسخة بنته نرجس دخلت للغرفه على اميره وسدت الباب ركضت حضنته بيبي اني بت نرجس
اميره ااااااااه ااااااااه كل ماشوفج تفر روحي اعرف يبت روحي عشت بعيده عن لبة قلبي سنين وهالمره اشوفج وماكدر اكول حفيدتي ديري بالج تكولين اني بت نرجس تره تدمر حياتج يروحي
حسنه اصلا امي ماله ذنب ليش اريد افتخر بيه ليش الضلم ليش والله حرام حتى اسمه ماكدر اشيله
اميره حضنته وبجن الى ان اندكت الباب
اميره حبيبتي حذري اخوج والله ينكسر عودكم تحجون لاحد هذا الكلام ولاتصيحيلي بيبي بس عمه اميره
حسنه واميره مسحن دموعهن
دخل الشيخ حسن ها بويه عيونج حمر وباجيه ليش يبنيتي البجي
اميره شيخ البنيه تبجي على فراك ابوهه كعدو وكامت اميره صبت جاي
شيخ حسن بويه حسنه تدرين احنه ماشايفين امج ولانعرف اصله حسنه اختنكت والدمعه كوه حاصرته عمي اني هوايه اشبهه تهيا اله انه ديحجي ويه نرجس كتم عبرته كلتله امي اسمه انعام اصله تركي اهله بشوات ضلموهه وغدرو بيه وابويه تزوجه حتى يخلصه من ضلمهم تعرف يعمي شنو معنى ضلم من اب يشوف بنته تضيع وهوه ساكن يتفرج على ناس مالهم حق ينطقون بكل قباحه يتمادون ويحددون مصيره هذا ماعتبره جد
شيخ حسن متحمل طلع وراح للزرع يشرب جكاره ويتحسر حسين تبعه بويه موعادتك تون وتشهك
شيخ حسن بويه حسيت نرجس دتعاتبني هالبنيه هوايه تشبه
