حسنه سحبت عمته وحضنته سلمى بجت سامحيني يالغاليه مكدرتله عبالي تعقل ميفيد غيرته عاميته
ياسين اخذ سلمه وامه وصلهم للمحطه ركبهم القطار ورجع اما حسنه سدت باب غرفته غفت من الهبطه
باليوم الثاني
وعد جدي اطلب منك الاذن الخميس اجي اخذ البنيه مداعي نطوله واني جاهز
الوجيه بويه من عقدت على بتنه صرت انته والي امره هيه مرتك اخذه
وعد مشكور عمي وهاي مبلغ حتى تجهزوهه
الوجيه خلي المبلغ يمك من تجي البيتك سلمه اله روح رتب امرك
وعد ميصير ياجدي هذا حقه وواجب عليه
الوجيه كلمتي ماعيده روح ابني رتب امرك
٠
بده التحضير للعرس
حسنه ومنى واخته وقمر وكم بنت بالقريه راحن للصالون فالح اخذ كيه لان متكفي السيارات عدد البنات هوايه الي راحن ويه حسنه
صعدن البنات كلهن مليكه ركض كعدت يم السايق نزل فالح اشتره بطل مي طلعت منى من الصالون صاحتله مليكه ماكو مكان تعالي يمي منى طالعه تضوي مثل البدر
منى عزه بعينج مليكه والله علوان يكطعنه شعدنه من دون البنات يم السايق
مليكه صخونه تلفج دصعدي بلكي يختار وحده من عدنه لج يموت بس اسمع صته اتخربط النوب كاعده يمه فالح ممنتبه صعد بسرعه للكيه وشغل راد يلتفت يحاجي حسنه صارت عينه على منى داس بريك صفن رجع التفت لاهيه نفسه كاعده بس هاي بالنص شعده كاعده ماخذه نص الشاشه حب يتفيك كدامه
فالح حسنه
حسنه عيوني
فالح لمي الكروه
حسنه تضحك حبيبي الكروه على حساب اخو العروس
فالح اي مو تدلل العروس وصاحباته بس تعالي اكلج حسنه اي شطالعه اليوم تخبلين الله يساعدني ويساعد قلبي
حسنه يسلم قلبك ديله امشي راح نبات هنا
فالح ها اي يله الدرب كله انثول كام ميعرف يسوق حسنه انتبهت فالح عينه يمنه صاحتله فالح حباب والله اليوم زفتي ماريد اموت وصلني بسلام راح تكلبنه
فالح مو يمي النور كلش قوي ماكدر اشوف زين راح اعمه حسنه ضحكت فهمت كلامه بدن البنات يغنن ويصفقن هلاهل وهوسات الى ان وصلو للبيت نزلن البنات وفالح يراقب منى راح الغرفة حسنه دخلت حسنه الغرفته لكت فالح عاينه يدوخ حسنه باسه من راسه عين النبي تحرسج يروح اخيج يا امي وابوي وباقي عمري حبيبتي حالليني واوهبيني خاف قصرت وياج
حسنه الله لايحرمني من انفاسك والله اموت عليك بيش اجازيك نعم الاخو انته بس شلون لازم تتزوج شلون اعوفك وحدك
فالح اي والله اني خطيه شلون تعوفيني وحدي اكوم اكسر الخاطر شرايج تخطبيلي ضحكت اي حبيبي ليش لا وره السبعه مالتي اني اخطبلك التمن البنات فالح يم الوجيه قمر ومنى ومليكه يقدمن حلويات وعصير ياسين كاشخ وعطره مالي الجو دوخ البنات شاف عمته سلمى قلبه انخمط سلم عليها بدل ميكول شلونج عمه كله شجابج اليوم بسرعه عدل كلامه هيه فهمت كلتله لاتخاف وداد متجي بيا حال
ياسين وليش شبيه
سلمى اكو واحد من العشيره كاتل زلمه وصار فصل يمكن راح ينطوهه فصليه
ياسين بعد شيبي ينرادله هيج قسمه
المهم عمه اريدج بشغله
سلمى كول يبعد عمتك
ياسين اريد حفيدة شيخ حسن قمر
سلمى وانعم خوش قسمه يول ياسين ادعي وتصير الك
ياسين بعد همتج ها وتره فالح هم خال عينه على منى بت ام علوان
سلمى بيه الخير
الوجيه بويه سلمى لاتخلين شي ناقص
سلمى لا بويه البقج (وهي الصره اي قطعة قماش مربعه ترص بها الملابس )سويتهن سبعه والصندوك والمرايه جهزتهن وعلاكة عشا العرسان مثل ماردت كلهن خليتهن بغرفته بقه انته يمك صوغاتها
الوجيه اريده تطلع برفعة راس
ياسين وعمران وعلوان جهزو سلاحهم
بليوان النسوان كعدت نرجس خلو رجله بطاسه مي وياس كدامه مرايه وبين ايده قران والبنات يتمايلن هوسات وهلاهل
٠٠٠
وعد رجع من الحلاق اصدقائه اخذو للحمام مساج وجلف ويليفون ويهوسوله غسلو الشباب لبسو القاط عطرو ملابسه طلع بدر منور القاط كحلي رجعو للبيت بالهوسات
وعد ها يابه جاهزين
ابو وعد دننتضرك دمعت عينه وحضنه وليدي الغالي لو امك هنا
خالت وعد خلت القران على راسه وبوسته حبيبي هذا المصحف ما تتركه من توصل تسلمه للعروس
وعد تسلمين يا امي الثانيه التفت يابه وين المزايق
ابو وعد ينتضرونه يم البوابه وعد زين لعد توكلو الكل صعدو للسيارات
