ابو وعد وليدي تعال اريدك بشغله
وعد اامرني بابا
ابو وعد اشو جماعتك ماردو خبر
وعد لا والله بابا ليهسه ضل بالي
ابو وعد شنو رايك نروح الهم ونطلبه من جده رسمي ونشوف شيكولون
وعد خاف تصير مشكله
ابو وعد لا شيريد يصير وانته شناقصك
وعد يعني هسه شنسوي
ابو وعد حضر نفسك باجر نطلع
وعد بيه الخير بابه
تجهزو وطلعو للقريه
وعد خابر فالح الو شلونك فالح
فالح كل الهلا شخبارك
وعد بخير انته وين
فالح بالقريه
وعد احنه بنص القريه يم الكهوه الركن
فالح متعجب قريتنه
وعد لازم متريد خطال اي اني والوالد
فالح كل الهلا بيكم بعيوني ضيافتكم
وعد لعد تعال اخذنه
فالح يله جاي مسافة الطريق انتضروني بالكهوه
سد التلفون وصاح حسنه
حسنه ها حبيبي شتريد
فالح تعالي الغرفتي سحبه لج هذا ابو وعد ووعد هنا
حسنه صخام شجابهم والله راح تعلك شراح تسوي
فالح راح اجيبهم وبلكي اكلهم لايفتحون موضوع
حسنه اي عفيه نبه عليهم لايحجون
فالح ديله لعد حضري غده
حسنه الله يستر بعيوني غداك راحت العمته عمه فدوه فيكاتج بالاكل عدنه خطار من بغداد فدوه
سلمه يا مو بعيوني شيحبون
حسنه سمج وطيور بر
سلمه ديله غسلي التمن وصاحت وداد يمه اريد خبز بصراوي معدل
وداد المن الهوسه
حسنه خطار من بغداد
وداد هاا خل اطلع مهاراتي بلكي اعجبهم وياخذوني حسنه ضحكت ولج متصيرلج جاره
وداد عجيني اصلا مختمر جيبي السمسم وشوفج الخبز على اصله
حسنه والنعم نياله الياخذج ميجوع
سلمه تضحك لجن كافي حجي ميضل وكت نضفت السمج وتبلته عصرت ليمون وخلته بالسكافه ونضفت طير الدراج والكطه وتبلتهن وخلتهن بالسكافه نزلت جدر بالتنور بي خضر بصل وطماه وباذنجان وبتيته وثوم خلته جوه سكافة الطيور نزلتهن بالتنور وغطته بالتنور الثاني وداد تخبز وحسنه طبخت التمن والخبطه وسوت تبسي وطرشانه دخلو الخطار سلمو على الوجيه تلكاهم التمو الزلم يم الوجيه وبده الترحيب
وداد نضفت الخضره بعد الخبز والمقبلات وجهزت اللبن والفجل والبصل الاخضر والمي نصبو السفره تشهي ولحم الطير والسمك روعه والخضر المشويه بدهن الطير طعم خرافي تغدو ويحمدون بالاكل صبو الجاي الوجيه احسن الضيافه بدو يشربون الجاي الموقف شجع ابو وعد ان يفتح الموضوع
ابو وعد بارك الله بيك يالوجيه خير من يحسن الضيافه
الوجيه لاتكوله هذا واجب علينه من الازل الكل ضيف حق كل الهلا بيكم
ابو وعد والله يالوجيه كرمكم شجعني اطلب طلبه وانته مترد ضيف
الوجيه واصله طلبتك الا ماحرم الله
ابو وعد جايين نريد مره منك وطلبتنه حسنه
انتفض ياسين شنو منو كال عدنه بنات الكم
الوجيه هدئ ياسين وكال المن رايد ابو وعد حسنه ناهين عليه عدنه بنت ثانيه لو تردون مره
