وعد يابه كون لا عبالهم عفنه الموضوع
ابو وعد نجرب حضنه للمره الاخيره
وعد هالمره حتى الحكومه تتدخل بس خل اول مره نروح للشيخ حسن
وعد طرق باب شيخ حسن الشيخ استقبلهم وعد ووالده ورجل دين وضابط ووياهماربع شيوخ عشاير تعجب شيخ حسن فتح الليوان وابهرهم بالضيافه ياسين اصابه الفضول شعده وعد جاي البيت الشيخ اما حسنه كاعده يم فالح تمسد على راسه وتشم بي
٠
الشيخ ياهلا بضيوف الرحمان شرفتونه
ابو وعد انته الشرف شيخنه اعرفك على نفسي دكتور محمد يسموني ابو وعد ووعد ابني الوحيد اني صاحب سلسلة صيدليات ووحده منهن تشتغل بيه بنيه اهله بيت الوجيه اسمه حسنه
شيخ حسن وشبيه حسنه
ابو وعد لاغبار على البنيه عجبنه بيه اخلاقها معدله طلبناها من والدها ووافق كال اسال بيت جده وعمامه بعد موصلهم توفه عدهم انتهت الاربعين ورجعنه نتمم الخطبه وكان الرد صادم ض طردون وهذا الولد الكاعد تهدد علينه ونهى على البنيه شلون ينهي عليه وهوه يعرف بيه موافقه على وعد اجينه اليوم نريدك تدخل ويانه عليهم شما يكون وجيهكم ابن عشاير ومينطي لزمه على نفسه
شيخ حسن صفن ونضر الياسين بمعنى كلامهم صحيح لو كذب
ياسين اشر بالايجاب
شيخ حسن والمطلوب مني
ابو وعد يالشيخ حضورك اكيد وهيبتك محفوضه
نريدك عونه ويا نه
شيخ حسن باتو اليله وباجر نطلع بعون الله وانته ياسين كبال الزلم ناهي عليه لو لا
ياسين عمي اني صح نهيت لكن من رفضتني بت عمي يعني بعد الف سنه واي اشكال يصير تتحسر على الضاع منه قلبه مو يمي اذا تريده للولد الله يوفقه اسحب نهوتي ٠
دخل الشيخ على حسنه وفالح ها بنيتي شلون صار اخوج
حسنه يم رحمة الله ادعيله يجدي
الشيخ اكلج بويه جايينه دكتور شتكولين ندخله يشوف فالح
حسنه اي والله يجدي قلبي ممرود عليه خاف يصيرله شي والله اموت
الشيخ دروحي هسه واني اخلي يعالجه
بوست فالح ورجعت ويه ياسين بالطريق شافه تبجي حب يلطف جو
ياسين اكلج حسنه عوفي البجي وجاوبيني صدك عود ليش هيج انتم شكران وعيون ملونه لج اني فالح لو ما رجال جان عشكته اشتعلت عشيرته يخبل النوب انتن توكفن العقل عبالك اجانب شسويتو الرب العالمين وسواكم هيج
حسنه مكدرت تسكت ٠اكلك ياسين شجاك تسكت لو احيل جدي عليك صفن ياسين شراح يخلصني اني من شفت وداد ماجت ويانه قلبي لعب محضرتله مصيبه
حسنه ياسين البيه مكفيني لاتخوفني
دخلو البيت الوجيه الكل بالليوان دخلو حسنه وفالح
وداد عيونه حمره ٠جدي الغي زواجنه اني وياسين عوفوني بحالي بعد انكسرت قسمتي
الوجيه شبيج بنيتي من يكسر قسمتج اكسر ركبته باجر زواجج واذا عافوج وطلعو اربيهم التفت الياسين كلب ليش متخاف الله البنيه راح تموت هذا حاله من طلعتو لسه عاين الحسنه مع الاسف سميتج حفيدتي لج الولد خاطب وانتي على وج زواج شلون تطلعين ويه ياسين وحدج شيصير لو ماخذته وياج فكت حلكه تريد تبرر صاح بيه بعد حجايه ويه ياسين ما الج يله الغرفتج وانته ياسين تكسب رضا البنيه
ياسين اسمع جدي اني وحسنه ترجيناها تجي مقبلت وحسنه بياحال مفجوعه على اخوهه بس اسمع اخر كلام ماريد وداد مستحيل لو موتبجي تنتحر ما اخذهه
