سامحوني عالتاخير النت ضعيف مقدرتش انزل الحلقه
#سميتك_معشوقي
6
للرجوع للحلقات اضغطو عالهاشتاق او في الصفحه (روايات فتاة ليبيه )
علقووووو
.
.
.
فاطمه: شن اتقول ياحاج صلي عالنبي
عبد الله: الهم صلي وسلم عليه اسمعيني يامرا ماتصدعيليش راسي اللي انقول عليه هوا اللي يصير ومشا عنها
فاطمه: طيب ياعبير ان مارديتك للذل اللي كنتي عايشه فيه مانكون اني اخ يحشمتي منك ياعيشه شن بنقولك بس
.
.
.
.خشت فاطمه علي عبير
عبير: اهلين عمتي
.فاطمه: لااهلين ولا سهلين اسمعيني كويس لما تزوجتي عامر بلعتهت وسكتت لاكن انك اتلفي علي عمار هتذب مانسمحلك فيها بكل
عبير مستغربه: مفهمتكش شن تقصدي
فاطمه: عارفه الاعبيك وكاشفاتك واللي اتخططيله مش حيصير فاهمه ولا لا
قربعت الباب وطعلت وخلت عبير في حيرتها
.
.
.
.
.
.
بعد شهر من الاتفاق
كان سعد واقف عند باب قصر عبد الله و مانساش الموعد
طلعت له الخدامه وطلب منها تنادي عبد الله
خش عبد الله المربوعه بكل ثقه ومعاه اثنين من رجاله : السلام عليكم
سعد وقف على طوله : وعليكم السلام
عبد الله : شن تبي جاي؟؟
سعد باستغراب : جاي ناخذ بنتي على حسب اتفاقنا .. ومر شهر بالتمام
عبد الله ببرود : اهااا .. انت جاي تبي عبير
سعد بابتسامه : طبعا .. هذي بنتي
عبد الله : وكان قلت لك ماعندنا ليك بنت!!
سعد تغيرت معالم وجهه : بس احني اتفقنا .. وفي اوراق تثبت ..
عبد الله : فعلا .. احنا وقعنا على الاوراق انك تستلمها بعد شهر بالتمام .. وانت جيت بنفس الموعد بالضبط .. وهذا يدل انك دقيق بالمواعيد .... تعجبني دقتك بالمواعيد
سعد : ايه طبعا .. اني دقيق بمواعيدي .. ومن صغري
عبد الله : سعد
سعد: تفضل
عبد الله : بصراحه عبير مثل بنتي والكل تعود عليها في البيت ..ولذلك حاب يكون بيني وبينك اتفاق
سعد : ؟؟؟؟؟
عبد الله : اني طالب يد عبير لولدي عمار .. شن قلت؟؟
سعد بابتسامه ( فرصتي ) : واني موافق .. لكن المهر. غير
عبد الله : ... و كم تبي مهرها؟
سعد : مليون دينار كاش
عبد الله : بس مش كانه ياسر
سعذ : بغير المليون اني مش حنقبل
عبد الله : كان قلت بتوافق عن الزواجه بالبلاش
سعد بضحكه استهزاء : مستحيل طبعا .. لان عندك خيارين .. يالمليون !!.. يانسحبها من شعرها توا
