#سميتك_معشوقي
15 والاخيره
سحر:الو
عمار : مرحبا
سحر : أهلين عمار شن اخبارك؟
عمار : وبعدين معاك انتي؟؟؟.. مامشاش معاك التهديد؟؟؟
سحر : ماتفهمنيش غلط اني اتصلت انبشرك اني بننخطب واني موافقه عليه وبنقولك سامحني علي كل شي لعل ربي يوفقني في حياتي
عمار : الله يوفقك معاه ويكون لك الزوج الصالح
سحر : وامي غدوا بتجيكم بش تتصالح مع امك
عمار : ان شاء الله ربي يهديهم ويتصالحو مهما كان هم خوات .. .. حتى امي منحرجه من امك .. هما دبسونا في بعض من زمان والقلوب ماتوافقت ان شاء الله تولي الميه لمجراها وتولي علاقه القرابه والاخوه بيناتنا
سحر: ان شاء الله مع السلامة
عمار : سلام >>
.
.
.
.
مر شهر
جا خبر لرياض ان فيه جثه في مكان مهجور ولما مشا تبين انها لنوري وميت من اثر جرعه زايده لانه كان محاوط بحبوب وايباري
.
.
.
عمر: الحمد لله يمهل ولا يهمل
نوري: ابسط ياعم من قدك اليوم بس ماقلتلي بوك موافق؟؟؟
عمر: في الاول بوي معارض بسبب بوها بس بوها تغير وجي حتى اعتذر من بوي وحتي بوها كلمته من قبل قالي موافق في حاله مسكو نوري يعني خلاص واضحه القصه دق الحديد وهو حامي
رياض: يعني ان شاء الله عرسي وعرسك في نفس اليوم
عمر: تي غيييير نخبطها رسمي خلاص معش يهمني شي
رياض: اي غير اتقول هكي حتي اني في الاول هكي قلت وتو مستعجل عالعرس وهما يقولو مزال
عمر: اكيد بيقولو مزال دامنه فوق راسهم قصه نوري وتو ان شاء الله تنحل كل الامور
رياض: ان شاء الله ياعديلي هههههه
..
.
.
.
.
عبد الله ومنيره يشربو في قهوه العصريه وعامر يلعب حذاهم
عبد الله: ماشاء الله عليه كابر الوليد
فاطمه: ايه ماشاء الله جانا منتف تو امولي صحيح ومربرب حتي السانه انطلق
رن نقال فاطمه: الو اهلين ناصر، شنو امتي واي مستشفى قوللها تو جايينك مع السلامه
عبد الله: شن فيه
فاطمه: نوض بنتك في المستشفى بتولد ارفعني ليها
عبدالله: يالله ياكريم نوضي هي
.
.
.
.
اتصل عمر بعمار :اهلين
عمر : مرخب
عمر: نبي انكلمك في موضوع مهم
عمار : شن هو موضوعك؟
عمر : نبيك تمشي معايا نخطبو تسنيم ليا
عمار : قلت لبوك ؟؟.. ولا شورك من راسك
عمر : بنكلمه بعدك.. شن هالدوشه انت وين
عمار : في المستشفى اني وناصر جايبين ندى لان شكلها بتولد
عمر : اهاااا .. به لما تولد بالسلامه بشروني مش تنسوني ؟
عمار : حشيشتك الاخبار الواتيه انت اطمن اني انبشرك
عمر : سلام
طولت ندى في غرفة الولاده .. وعمار وناصر خايفين عليها
وصلو عبد الله وفاطمه
فاطمه : وينها وينها
ناصر : في غرفه الولاده
عبد الله : الله يسهل عليها ويحفظها هي وولدها
طولت داخل وفاطمه قعدت تبكي خايفه على بنتها
بعد فتره طلعت الدكتوره وبشرتهم انهلكا ولدت وجابت ولد وكلهم طارو من الفرحه والاخص ناصر في الاول ماخلوهمش يشوفوها لانها تعبانه وفي وقت متاخر خشولها
وجابولها ولدها اذنله عبدالله وكانو كلمهم طايرين من الفرحه بعد كم سنه من زواج ندى وناصر
وكملو عبير اللي كانن زايره عند أهلها وبشروها حتى هي
