#سميتك_معشوقي
8
تسنيم قعدت تعيط بالقوه . نزل عمر وتفاجأ باللي تبكي طايحه على الارض وتبكي
عمر بخوف : انتي من وين طالعتلي ؟؟؟؟
تسنيم وهي تبكي وبألم : انت اللي من وين طالع .. حسبي الله عليك .. أعمى انت؟؟؟؟
عمر : نوضي انقلك للمستشفى
تسنيم : مانقدر نتحرك .. رجليييي😭😭😭😭😭
رفعها عمر علي طول وحطها بالسياره ومشو للمستشفى
عبير : هذي خيرها طولت ؟؟؟... تو قالتلي انها قدام الباب
رنت عليها وماردت
عبير (معقوله بوي شافها وقلها الله يستر ان شاء الله لا)
رنت مره ثانيه وثالثه واخيرا ردت
تسنيم : الووو
عبير : تسنيم وينك انت؟؟؟؟؟
تنسيم تبكي: درت حادث
عببر بخوف : شنووو؟؟.. حادث؟؟؟
تنسيم : ايه واحد خبطني بسيارته
عبير : وين ؟؟؟؟
تسنيم: قدام فيلتكم
عببر : طيب انتي عرفتي اسمه .. من أي عايله .. رقم سيارته .. أي شي ؟؟؟
تنسيم : لا .. مانعرف عنه شي
عبير : باهي انتي في اي مستشفى توا؟؟؟؟
تسنيم : مانعرف
عبير : انتي كل شي ماتعرفيه؟؟؟... اسألي دكتور ممرضه عامل نظافه .. أي احد
تسنيم : باهي باهي
سألت الممرضه وقالتلها اسم المستشفى
عبير : انا جاياتك توا
كلمت عبير ندى وجت ندى مع راجلها ووصلوها للمسشفى
عبير : ندى .. مش كانه هذا خوك ؟؟؟
ندى : عمر؟؟.. شن يدير في المستشفى ؟؟
عبير : امشي اساليه
ندى قربت من عمر : عمر شن جيبك ؟
عمر : صدمت وحده قدام الفيلا .. مش عارفه كيف طلعتلي زي الجن
ندى بشهقه : تندري من خبطت انت؟؟
عمر : من؟
ندى : هاذي تسنيم اخت عبير
عمر تفكرها (واني انقول وين شايفها ):ياعليك بخت
ندى : .. شن قالو لك عن البنت ؟؟
عمر : الحمد لله مافيه الا كسر خفيف بالفخذ .. يعني خدش بعظمة الفخذ .. كتبولها تنويم .. لان الاخت .. عندها فقر دم حاد
ندى : اهاااا .. الله يكون بعونها .. بتروح ولا قاعد
عمر : اني تعبان بكل ونفسيتي زفت اليوم ..بنروح الحوش بنتريح ..باهي اللي طلعت معرفه كان هذا ابتلينا
ندى : به .. يلله بنمشي انشوفها
تسنيم بعصبيه : حسبي الله عليه قريب ودرني
ندى : .لو سمحتي ماتتحسبيش علي خوي
تسنيم باستغراب : خوك؟؟؟؟؟
ندى : اي خوي عمر
تذكراته تسنيم لما خشت عليه في داره (شن قصته هالراجل معايا مره طالعلي شبه عريان ومره قريب قتلني شكله نهايتي قربت )
ندى : المهم انتي انتبهي لصحتك .. عمر يوم سأل عنك قالو له المستشفى انك لازم تقعدي يومين عالاقل لانه عندك فقر دم حاد ... لايكون مثل اختك ماتاكلين؟؟؟
تسنيم : ماهو شي جديد بس مانبي انضل بالمستشفى
عبير :مش علي كيفك باحنه ندى هيا انروحو
تسنيم؛ واك بنكسد بروحي عبير قعمزي معاي اليوم
عبير : اسمحيلي مانقدرش .. عندك نقالك اتصلي ب امي والا وحده من خواتي وهدرزي معاهم
تسنيم : يالخاينه .. امبدري كنت تقولي متوحشاتك والكلام هذا .. وتوا لما قعدت في موقف لا أحسد عليه اتقولي اسمحيلي
عبير :يريت بس ميجيش انبات .. بكره انجي انزورك بدري ومش حنطلع الا وقت انتهاء الزياره .. شن تبي اكثر من هكي؟
تسنيم : الله يكون بعوني 😪
عبير وندى : باي
