#سميتك_معشوقي
9
عبير : بعد عني
عمار بهدوء : ليش ؟....منقرفه مني صح؟
عبير : دامنك عارف انك مقرف لهالدرجه .. المفروض تبعد من نفسك
عمار صار يقرب منها اكثر وهي تبتعد لين حصرها عالحيط : وتوا شن ؟
عبير : عمار حول عني
عمار : اهاااا .. لهالدرجه قربي مني ينرفزك؟
حاولت عبير تبتعد عنه لكن هو محاصرها بيدينه
عبير : عمار بعد لو سمحت خليني نطلع والله العظيم مابيني وبين خوك شي
عمار : عارف .. وانا ماجبتك هانا بسبت هذا الموضوع موضوع
عبير : ؟؟؟؟؟؟
عمار : انا راجلك وحر باللي انديره معاك
عبير : الله يخليك حول عني خليني نطلع
كانت مرتبكه من قرب عمار منها
عمار فقد سيطرته وصار يبوسها وهي تتوسله يبتعد
عمار : مانقدر نمنع نفسي عنك اكثر .. وبدال مانمشي للحرام انتي حلالي
عبير: عمار لا ماتتهورش
فجأه سمعو حد يطق باب الحجره عليهم
عمار : منو؟
ندى : عمار افتح الباب .. حرام عليك ماتضربش البنت
عمار بضيق : اووووف .. هذا وقته؟؟؟
فتح عمار الباب وخشت ندى
ندى : ساوالك شي؟
عبير تهز براسها بمعنى لا وكانت تبكي من خوفها منه
ندى : بصراحه خفت عليك يوم قالو لي ان عمار معصب على عبير وعمر لما شافهم يتكلمو مع بعضهم
عبير : ماصار شي خلينا نطلعو
عمار : عبير
عبير التفتت له : نعم
عمار : عارف ان هالوقت مش مناسب.. لكن لما تفضي نبيك في موضوع مهم
عبير : يصير خير
عمار : لو ماجيتي اني اللي بنجيك ومش حنعجب ساعتها
عبير (ياربي هذا شن يبي مني): باهي به
ندى : عمار ناصر يستنا في برا
__________________________
......... : السلام عليكم
سعد : وعليكم السلام .. مين معي؟؟
........ : انت سعد الـ..........
سعد : ايه انا سعد .. من انت؟
.........: معاك الظابط رياض اللي ماسك قضية اختفاء بنتك تسنيم
سعد : ايوه ياحظرة الظابط ... طمني .. لقيتوها بنتي؟
رياض : بنتك جانا خبر عنها انها موجوده في المنطقه.....
سعد : شنو؟؟؟؟... ... شن وصلها لغادي ؟؟؟
رياض : هذا اللي قدرنا نعرفوه... وتوا نحنا نبحثو عن معلومات اكثر
سعد : باهي كيف عرفتو مكانها؟
رياض : صار معاها حادث سياره وتعالجت عند مستشفى الـ...
سعد : عرفتو مين اللي ضربها بالسياره ؟
رياض : راح نوصل لاسم اللي ضربها ونحقق معاه .. يمكن يعرف مكانها
سعد : الله يجازيكم خير .. ان شاء الله تلقوها
رياض : اطمن.. ان شاء الله بنلاقيها
سعد : شكرا ياحظرة الظابط
رياض : العفو هذا واجبنا .. مع السلامه
سعد : آآآآخ بس لو نلقاك ياكلبه .. الذبح قليل عليك
ريناد (زوجة سعد الجديده ) : سوسو خيرك تتكلم مع روحك؟
سعد : اهلا بقلب سوسو..لا مافيا شي .. شن هالحركات وهالدلع دلعيني يارورو
ريناد بضحكه : لا ياحبيبي انت اللي تدلعني .. اني زي اصغر وحده في بناتك
سعد : آآآخ منك يارنوود .. انتي تستاهلي الدلع وابو الدلع
ريناد : حبيبي امتى بتعرفني على بناتك؟
سعد تضايق من طلبها : لا حبيبتي انسي بناتي ومعش تسأليني
ريناد : ياحرام .. ماليهم حد واني بروحي في الشقه لما تطلع.
سعد : لا خليك بشقتك وماليكش خص فيهم
ريناد : بس انت قلت لي ان امهم متوفيه ومالهم حد غيرك
سعد : رنووود قلت لك سكري هالموضوع .. بناتي عايشين ومرتاحين ومايبوش حد يواسيهم اني مش مقصر معاهم بشي
ريناد بزعل : خلاص مش حنحتك بيهم دامنك خايف عليا منهم
سعد : حياتي انا مانبيكش تحتكي بيهم بش مايسممو عقلك بكلامهم عني
ريناد : ليه؟
سعد : لانهم امفكرين اني اني السبب في موت امهم
ريناد : ليش وش سبب موتها؟؟؟
سعد يتفنن في الكذب ا : كنت برا وكانت مريضه بكل ومالحقت انقلها للمستشفى وماتت
المهم حياتي .. ماتذكريني بحاجات تضيق خلقي
ريناد متأثره : مسكييينه ... الله يرحمها
_______________________
عبد الله معصب : وش هالكلام؟؟؟... مامزال ياسر علي عرسكم واتقول ابنفسخ
عمر : يابوي البنت مش محترمتني نهائيا وتقلل من رجولتي
عبد الله : لانك مش راجل .. كل يوم والثاني . عندها، البنت هاذي ماينفع معها الا واحد شديد .. ماترخيش ليها الحبل ولا تجيب مطالبها.. أي شي قالت لك نبيه تمشي تجري اتجيبه .. حسسها بقوتك .. وان عندك كلمه قدامها
عمر بنرفزه : يعني هذا جزاي اللي انوفر ليها كل شي؟
عبد الله : البنت مايكفيها اللي توفره ليها .. تبي راجل شخصيته قويه عليها هو الآمر الناهي
عمر : نجوي ماتناسبني .. خلاص مانبيها ..ولا تحاول تقنعني .. مانقدرش انبيع كرامتي بسبب كلام الناس اللي خايفين منه
عبد الله : متأكد من قرارك؟؟.. والا بعدين تقول كله من باتي مانصحني؟؟
عمر : انا قد كلمتي .. اني مانبيها وانتهينا
عبد الله : شوف ياولدي ... مانبي نغصبك عليها لان ساد خوك عمار امبهدل بنت الناس معاه .. اختار البنت اللي تعجبك وان شاء الله مش حنعارض باللي تختارها
عمر : بوي اني حاس ان تسنيم هي اللي تناسبني
عبد الله باستغراب : تسنيم ؟؟؟؟؟
عمر : ايه .. هالبنت من لما شفتها مش راضيه تطلع من عقلي .. نحسها مناسبتني
عبد الله : عمر .. هالبنت لا . مستحيل راح تكون مرتك
عمر :ليش.؟؟؟... مش انت قلت لي اختار البنت اللي مناسبه لك؟؟؟... اني اخترت تسنيم اخت عبير
عبد الله : اختر لك وحده غير هالبنت
عمر : اني مانبي الا هالبنت بالذات
عبد الله بعصبيه : تبي تنزل راس بوك انت قول ؟؟؟؟
عمر : لا حشاك يابوي
عبد الله : معناها شيل هالبنت من راسك >> طلع عبد الله وخلا ولده محتار ومقهور
.
.
