#سميتك_معشوقي
13
عمر طالع من العمل لقا امه متصله بيه رد عليها: اهلين بست الكل
فاطمه: عمر انت وين؟
عمر: كيف طالع من الشركه شن فيه
فاطمه : تعال تو تو. فيه مصيبه طايحه علي روسنا لازم تكون موجود تعال ماطولش
عمر : كاثرات مصايبنا الزح.. غير عطيني الزبده ؟
فاطمه: لما تجي تو تعرف
عمر: باهي سكري تو اني انسوق مسافه الطريق ونوصل
سكر من امه واتصل برياض: اهلين رياض شن الجو شن صار في موضوعنا
رياض : الحمد لله كل الامور طيبه
عمر بفرح : شديتوه الكلب
رياض : ايه شديناه مضروب برصاصه
عمر: من اللي طلق عليه
رياض خبر القصه كلها لعمر
عمر : اهااااا .. باهي وتسنيم ؟.. كيف بيطلقها هذا؟؟
رياض : خلينا نستنو لعند تتحسن صحته شوي. ااا عمر اسمع تو لما اتم القضيه هذي نبي نستشيرك في موضوع مهم
عمر: خير ان شاء الله
رياض: خير خير غير يمشي هذا الموضوع على خير ونتلاقؤ بعدها
عمر: به علي راحتك بس اهم شي تو يصح هذا إبن الحرام
_______________________________________________
عمار: من امتى وانتي واقفه هنا؟
ندى : اني اللي مفروض نسالك من امتى ياعمار وانت تلعب على الحبلين شن قصتك انت معقوله لتو تحب سحر وعبير المسكينه ماتعرف ولا تعرف وواكلتها؟؟
عمار : ومن قال لك اني انحب سحر؟
ندى : تو سمعتك بوذاني محد قالي
عمار : اللي سمعتيه كله كذب
ندي: عمار ماذمرش حياتك وعلاقه بعبير وتودر بنت خالتك معاكم حرام اللي قاعد ادير فيه
عمار : ندى ماتتدخليش في شي مايعنيك اني حر في تصرفاتي وعارف وواعي باللي اندير فيه
ندى: بس اني خايفه عليك وعلي عبير
عمار: ماتخافيش علينا امورنا ميه ميه واني اندير هكي لاني خايف علي علاقتي بعبير تتخرب بسبت هالعقرب سحر ونبي انوريها حدودها
ندى: ربي يستر والله خايف عليك منها راهو مش هينه هالبنت
عمار: ماهو قلتلك بنوريها حدودها وتتعلم معش ادك راسها في حياتي مره اخرا
خش عمر للقصر وكانو امه وبوه يستنو فيه وباين عليهم حامقين
عمر : السلام عليكم
عبد الله وفاطمه : وعليكم السلام
عبد الله : تعال جاي ياعمر
عمر : شن القصه والله اتخلو الواحد يشك في روحه وهو مش امداير شي
عبد الله : انت شن مداير مع نجوى،؟
عمر باستغراب : كيف مافهمت ؟؟
عبد الله : فكني من استغبائك .. قول لي انت لمستها والا لا؟؟؟
عمر اتقول من عطاه كف :شني شني شن هاذي لمستها؟
عبد الله : يامرا .. فهمي ولدك الغبي .. شكله لتو مش فاهم شن نرعاله
فاطمه : عمر نجوى اليوم جت وقالت انك قارب منها بالحرام
عمر بعصبيه : شن هال... استغفر الله بس من جدكم انتم امصدقينها هالمعتوها تكذب ره ولا ماجيت تالاها هي
فاطمه : هيا جايه اتهدد تبي تفضحك بالله ياولدي فكنا من المشاكل تزوجها وفكنا
عمو : ليش مجنون اني بش نتزوجها؟؟..والله لو تكون اخر بنت في الدنيا مانتزوجها هالحقيره هذي
عبد الله : عرسك على نجوى صاير ومنبيش اي اعتراض فاهم
عمر: مش فاهم مش فاهم تبي تربطوني بيها وهي متبليه عليا
عبد الله عيط على عمر : اوص ولا كلمه .. واستر على البنت مانبوش فضايح
طلع عمر من الفيلا وهو يسب ويلعن في نجوى _______
