قبل الحلقه حابه انوضح حاجتين
اول حاجه بالنسبه لروايه #احببت_زوج_صديقتي راهو كملت لعند الحلقه6 لان كم من وحده في التعليقات اتقولي وين الباقي
والحاجه الثانيه الروايه هاذي كنت ناويه انوقف النشر بسبب ظروفي الخاصه بس ضغطت علي روحي بيش انزلها ونتمني تعذروني وانحاول بكرا انزل الرابعه
وشكرا
للرجوع للحلقات الاولي خشو عالهاشتاق
،
،
،
،
،
،،
#سميتك_معشوقي
3
خشت فاطمه للفيلا : عموري وينك
عامر : اني هانا ياماما نشوف في التلفزيون
فاطمه: صحه شطور ،جا عمار انشوف في سيارته برا ؟؟
عامر بفرحه : ايه والمره الجايه بنسافر معاه اني وعبير
فاطمه :شني مال كلماته بنت الفقر هاذي
عامر : لالا اني اللي قلتله
فاطمه: وينها هي توا
عامر : في الدار
،
،،
،
،
،
،
الصبح بكري
صوت النقال يرن وفيقه من النوم رفع النقال ورد
عمار : الو
السكرتير: اهلين استاذ عمار الحمد لله علي السلامه
عمار : الله يسلمك شن فيه
السكرتير: جاي اليوم علي الشركه
عمار: اليوم لا نبي نتريح من السفر والشغل
السكرتير : بس في اوراق مهمه تبي توقيعك
عمار : خليهم بكرا هي سلام
بعد سكر عمار من الاتصال قفل نقاله وخش للحمام دوشه وجهز نفسه وطلع
لقاهم عالسفره يفطرو : صباح الخير
فاطمه: صباح النور
فنصت في عبير تبيها اتنوض نطت عبير من مكانها
عامر : ليش نضتي
عبير: شبعت الحمد لله
عامر: استنيني لين انكمل
عمار : شكله وجودي ازعج البعض
عبدالله : عبير خليك استني عامر لين يتم
عبير: حاضر
عبدالله : الحمد لله عالسلامه وينك امس ماشفناك
عمار : الله يسلمك ياحاج جيت ملقيتش حد الا عامر ورقدت عل طول من التعب
فاطمه: بس جيتك هذي مش حتمشي هكي وخلاص لازم اندير لمه
عمار : مفيش داعي مش اول مره انسافر
فاطمه: لكن اول مره اطول هكي
عبد الله : ماتعرف عاداتها خليها ادير اللي تبيه
فاطمه : ايوا هكي 😊
عامر : الحمد لله
ناض عامر ومسك يد عبير وطلعو برا
عبد الله : الله يكون في عونها المسكينه
فاطمه : شني توا ولدي قعد حصله اصلا هيا خدامه كيفها كيف الخدم وتستلم راتبها
عمار : اميييي شن هالكلام
فاطمه: اللي سمعته ،بنت فقر وطامعه في فلوسنا
عمار : حتي ولو هي في الاخر مهتمه بعمار والباين ان هو يحبها ياسر
فاطمه بقرف: ساحراته اكيده
عبد الله تنرفز من كلام فاطمه: لين امتي ابتقعدي اتعاملي فيها هكي
فاطمه: لعند ترجع لخرابتهم
عبد الله بعصبيه : اسمعيني طفح الكيل منك ميه مره قلتلك خلي البنت في حالها
فاطمه : عمرك مارفعت سوتك عليا ياعبد الله توا ترفعه عليا وبسبت وحده بنت فقققر
عمار : صلو عالنبي معقوله تتعاركو علي سبت هالبنت هدي اعصابك ياحاج وانتي يامي خلي البنت في حاله واعتبريها موظفه وخلاص
،
،
،
،
،
،
فاطمه : اللوووو عيشه كيف الحال
عيشه : الحمد لله شن اخبار
فاطمه: الحمد لله
كلمتك بنقولك عمار امس روح
عيشه: باهي الحمد لله يهنيك بسلامته فاتحتيه بموضوعه هوا وسحر
فاطمه: ماحله وصل اصبري شوي
عيشه : امتي باهي اني حتي سحر فاتحتها بالموضوع
فاطمه: الله يهديك ليش اتقوليلها قبل لانشوف راي عمار
عيشه: نفس الشي قبل ولابعد اصلا من زمان قلنا انهم لبعض
فاطمه: خلاص ان شاء الله اليوم انكلمه ،المهم الليله جايين عاللمه
عيشه : ان شاء الله
بعد يكرت عيشه : سحر سحر
سحر : نعم يمه
عيشه: وتي روحك الليله عندنا سهريه في حوش خالتك
سحر : وحق ايش هاللمه
عيشه : عمار روح
سحر: حقاااا😍 معناها نبدا من تو انوتي روحي
عيشه : ايه نبيك تقعدي احلي وحده عربهم كلهم بيجو
