#سميتك_معشوقي 7
اللي مش راضيين عن التاخير والله مش بيدي الحلقه حاطتها من مده واول ماقوت الاشاره تحمل المنشور
7
.
عمار: صوت واحد مانبي نسمعه فاهمه
عبير: لارد
مشا عمار لسريره رقد وغطا وجهه، وعبير قعدت تتلفت يمين ويسار ادور وين ترقد، مشت فتحت شنطتها وغيرت دبشها وقعدت اتفكر وين بترقد مفيش كمان والكنبه صغيره
.
.
.
حس روحه مش متريح في النوم تقلب عالجيهه الاخري فتح عيونه وفنص لما لقى عبير راقده جنبه
عمار: ايح هذي من اولها عايشه الدور باااهي توا اني انفهمك دورك
قعد يتقلب ويزر في عبير لين جت طايحه عالارض، قعدت عبير تنفخ وشبحت السرير لقاته مترشرتع عالسرير كله ومش امخليلها مكان، طارتلها وجبدت الغطا منه وطرحاته عالارض رقدت عليه والباقي تغطت بيه
عمار تنرفز ؛ اييييي واني بشن نتغطي
عبير: دبر راسك اني بنرقد
عمار(مش فاضيلك توا اني ) مشي خذي غطا ثاني ورقدت
.
.
.
.
.
فاقت سالمه من النوم وشمت ريحه غريبه
سالمه: اوووف شن هالريحه المعفنه
طلع سعد من المربوعه وخلا الراجل اللي معاه طلع للصاله يدردح وشبحاته سالمه
سالمه: حسبي الله عليك ياسعد جايب اصحابك وتسكرو في بيتي في عز النهار
سعد: سكري فمك ونوضي ديريلنا حاجه ناكلوها
سالمه: والله مانديرلك حاجه ياسكار يانكار
قرب سعد منهآ وعفجها طريحه
.
.
..
.
.
.
.
طلعت ندى وناصر من العياده
وناصر قالب وجهه
ندى: ليش زعلان مني ناقصني اني
ناصر: كم مره قتلك معش تجهدي روحك شوفي تسكير راسك شن دار فيك العيل قريب نزل
ندى: انت فاهم غلط اني حملت بالعمليه ولازم من اباري التثبيت اللي دارهن ليا الدكتور
ناصر: ندى ردي بالك علي روحك شوفي كيف تعبنا بش حملتي ردي بالك المره الجايه
ندى: أمرك ياروح روحي بس تو حطني في دار هلي بنشبح العروس
.
.
.
.
.
.
فاطمه: ردي بالك مره اخرى انسيتي التمرميد والسفر
ندى: خلاص والله فهمت بس تعبت امس في العرس اييه علي سيرت العرس العروس بتنزل ولا لا
فاطمه :اكيده بس مزال الوقت خليها مزال
ندى: عمار من زمان نزل خليني انكلمها تنزل
ردت عبير
عبير:اهلين ندويه
ندى : يام النوم ... ماصدقتي تزوجتي قعدتي خميره
عبير : حرام عليك والله مارقدت كويس امس
ندى تضحك : يووه ..شن القصه ؟؟... شكله خويا امسهرك
عبير باحراج : مادخلك ياثقيله الدم
ندى : هههههههههههههه ... المهم ... انزلي شن تبي تقيلي فوق بعدين بنقولك حاجه
عبير : مانبيتي اركبيلي انتي
ندى : لامتتكبريش علينا تعالى احني كلنا مجتمعين بعدين مانقدر نركب الدروج
عبير: خير إن شاء الله زاد عليك شي ما الحمل
ندى : انتي غير انزلي وبعدها انهدرزو
عبير: دقايق ونكون عندك
تدوشت وجففت شعرها ولبست قفطان ناعم
نزلت وماكان في الا ندى وفاطمة
ندى وتصفر : اوووؤ عرووسنا امنوره شن هالجمال كله
عبير: عيونك الحلوين ☺
وقعدو يهدرزو
________________________
