( رواية ليبية رووومانسية)
"علاقة حب بين فتاة غرباوية من مدينة #طرابلس و شاب شرقاوي من مدينة #بنغازي"
هذه القصة تحكي عن اختلاف الافكار و اختلاف المناطق والعقليات،
تلك الاختلافات تتخلل هذه العلاقة فتخترقها لتتسبب في جروح و ألام حين تُغرز خناجرها في...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#حبيته_شرقاوي💛) للكاتبة : 🌷ندى أحمد 🌷 الحلقة السابعة [7]
في الحلقة السابقة : -
محمد شبح نجوى خف مشيته وسبق احمد وخدي منها السفرة : خلاص خشي جوا تو نشيلها الاخرى ( مايبيش احمد يشوفها) نجوى فهمت اللقطة : حاضر (وواطت عيونها وابتسمت ، )
الحلقة السابعة : -
خشت نجوى مبتسمة ، و طبعا داخلها فرحانة ، اكتشفت طبع جديد على محمد ، حزارته عليها وغيرته ، خلت نجوى تاخد جانب اجابي ، نجوى في نفسها : *( يا ربي الانسان هذا قداش واضح وعفوي في تصرفاته ، "وقعدت سرحانة حست بشي داخلها ، وكانها تعرفه ليها سنين " ، سبحانك يا ربي و كأن مشي كل واحد في مكان وتلاقينا تاني بعد سنين ) على جية ميسم : نجوى ، يا هو ، ويييين ساااارحة ؟ نجوى فاقت : نعمم ، شني خلعتيني ، ميسم : بعيد السو عليك ، تعالي جيبي معاي الصواني والمشروب . لينا ولخوتك خلي يجوا يتعشوا ، نجوى : تمام ، به ، مشت نجوى هي و ميسم ، خشوا للمطبخ يسمعوا في صوت خميسة شكلها تتكلم بالنقال وفاتحة المايك ، خميسة : يا ولدي خليك على رايي أنا أمك نعرف مصلحتك ، محمد : أمي والله نمشي ومعش نرجع أخرى ، معش تفتحيه ليا الموضوع هظا ، خميسة : حمادي سلم وليدي أنا ما نبيكش تتغرب برا البلا ، سلم ولدي الله يربحك ، محمد : أمي توه جنبي الشباب ، مش وقته الكلام هظا ، هنا ،
*ميسم قربت من روشن واحد من الديار اللي يطل جنب المطبخ الخارجي، مشت بالشوي بدون ما ادير صوت بالكعب واشرت لنجوى بصبعها ميسم : اششش نجوى بايدها تاشر بمعنى " شن فيه خيرك ؟ " ميسم كله تسمع فيه ، خميسة : توه تقولي ، في وحدة في بالك انت ؟ محمد انفعل : اهاا في وحدة ، تمام ، خلاص قفلي على السيرة هذي ، وما توترنيش ، خميسة : و منوو هي ؟ من تكون ؟ محمد : تو يجي الوقت وتعرفيها ، خميسة : نعرفها انا ؟ محمد : امي يا غالية ، بالله عليك ، خلاص ، توه جنبي الشباب مرة اخرى نحكوا ، (وصكر الخط ) خميسة لخديجة : شفتي يا خديجة !!! مش قتلك أنا امبدري انه في وحدة يكلم فيها ، خديجة : خيرها سارة مش عاجباته ولا كيف ؟ خميسة : أنا مستحيييل مستحيل ناخد لولدي برانية ع عيلتنا، اتلفهولي برا ، فهمتيني خديجة ؟ لكن بنت خوي نقدر نقوللها شن ادير وشن ما اديرش ، وهي وخوي وانا ، نلفوا عليه ، مش خير ما يضيع ، ؟ خديجة : فهمتك ، انتي حاولي اقنعيه وخلاص ، خميسة : هظا دماغه كاسح ، خديجة : ربي معاك يا وخيتي ، بس نصيحة تفكي روحك من الاقارب ، لو ما تفاهمش معاها تقعدي انتي وخوك النوري في مشاكل ،؟ خلي الولد على راحته ! (نجوى ما سمعتش كل شي ، لانها كانت بعيدة من الروشن ، لكن ميسم سمعت كل شي ،)
![#حبيته_شرقاوي💛) للكاتبة : 🌷ندى أحمد 🌷الحلقة السابعة [7]](https://img.wattpad.com/fd83e7291120642e884e34a390953d5cb44ccfde/68747470733a2f2f73332e616d617a6f6e6177732e636f6d2f776174747061642d6d656469612d736572766963652f53746f7279496d6167652f576c6d56526e65685054317248673d3d2d3732383336353537322e313539626163613961653030366561373637313837333932333139352e6a7067?s=fit&w=720&h=720)
