رسالة انثى (مكتملة)

باااارت ١

رسالة انثى ........ بقلمي سجى عادل

فيان ... حاليا عمرهة ٢٥

حبت تحجيلكم عن حياتهة ومعاناتهة

بس لتنتقدون لان هية واصلة لمرحلة الندم

تحتاج دعواتكم
تحتاج كلمة حلوة منكم

جانت تضن الزواج هرووب من حياة لحياة احلى واجمل
لكن حالات الاقدار عكس مااتمنت

راح اترك القلم الهة تحجي شوية عن الي بداخلهة وارجع اني اكمل وياكم
تفضلي ست فيان .....

مرحبا اني فيان طبعا اشكر كل من راح يدعيلي مقدما واتمنى تتفهمون وضعي
اني بنت عادية واحب كل الناس مكرهت احد ولاعاديت احد الناس جبرتني ع التغير
حاليا اني تغيرت ماعرف اذا للاسوء او للاحسن

جنت اضوج من المحاسبة
اهلي دوم يحاسبوني ع كولشي

جنت اتضايق
شوية شوية كبرت وبسن المراهقة تخيلي ان الزواج هو احسن حل راح يعوضني عن كولشي محرومة منة

مجنت اعرف هو الزواج مسؤلية واحتمال يفشل ابد
جنت متخيلة مثل الافلام والمسلسلات
وعشق وهيام والي اريدة يصير

هذا جان تصوري والله لو جنت اعرف مفكرت ابد بي

تندمت ع كل لحظة فاتت بعمري متمتعت بيهة
حتة اهلي اتمنى ارجع لحسابهم الية

بس همة هم غلكوا بحقي من خلوا فكرة زواج ستر للبنية حسسوني اني فد خطيئة

يعني من عمري ١٤ او اقل بدوا يفكرون يزوجوني لا والمصيبة همة يذبوني كدام امهات الولد حتة يخطبوني
جنت انقهر وانكسر مجان بالي زواج والله بس من شفتهم هيج

بديت انحرف بتفكيري

لتضلموني بكلماتكم وشنو راح احجي الكم ادعولي بس لان اني اكوا هواي اسباب دفعتي يجوز للخطأ او الزواج بدون تفكير ..... احب اقدم نصيحة للبنات لتفكرين تزوجين علمود تخلصين مشكلة ونوب توكعين بمشكلة اكبر

وشكرا
اعوفكم وية الكاتبة

الله يعينج فيان ع كل المصاعب الي تمرين بيهة

ام فيان ، باجر عندج حفلة بلمدرسة مو
فيان ، اي ماما سويلي كيمة هاي الي تحطين عليهة خرز

ام فيان ، اي روحي للمحل القريب جيبي غراض اسويهة
فيان ، رحت للاسواق جبت الغراض لماما

اني صف ثاني ابتدائي باجر عيد المعلم
وراح اخذ كيكة

سوتلي امي الكيكة وراح اخذهة

جانت جوارينة صديقتي ونروح سووة للمدرسة وهم سوت كيكة

مااذكر بس هاي جنت كولش مطفية واني صغيرة
مو كولشي اركز بي
جنت فقيرة حيل