رسالة انثى (مكتملة)

بارت ٧

خلصت الفاتحة ورجعت بس اني وابوية واخوتي الصغار
واني اهتم بلبيت
لان عدنة دراسة رجعنة

وامتحانات شهرية لازم نرجع
بيوم السابع لازم نروح فأخذت اجازة

المدرسة اجلت امتحاني الي بيوم اغيب بي وهية متقبل تعيد بس الية عادت تحبني جانت حيل
اسمهة ست رباب

ثاني يوم بدلنة وقفلنة البوب و شغل السيارة
وطلعنة وصلنة راس االفرع وكفت

نزلت وكال ابوية نرجعهة دفع
فأكوا ولد جوارين اجووي يساعدوا
اندار علية يكولي ادفعي وية الولد
بقيت اباوع علي شنوو

عاط علية كدامهم قطرة دم مبقت بية
يعني مجاي يعرف اني بنية لو شنو
واخوية كاعد ولايمة

عاد كمت ادفع بس مااكدر جسمي مو مال اسويي هيج شغلات

حتة الولد الصغار احسن منة كلولة لا عمو هية وين تكدر

بقت بطني تأذيني بلساعتين لان اني ويني وين ادفع سيارة
بقيت مختنكة حيل

سواهة ورحنا بس كل هلوقت اني بية بجية اريد ابجي وارتاح

وصلنة للبيت طلعت امي
سولفتلهة وابجي

عاد كلتلة شنو مخليهة تدفع سيارة هية بنية بطنهة باقية توجعهة
نووب استحيت اكثر لو محاجية ويا احسن
عاط بصوووت
خلتووولي كوولشي مابيهة جذااابة
حيل نقهررت ع نفسي والله

يعني اني تعبت
جنت قبل اكول مااريد اتزوج هسة ياريت اتزوج واخلص من هلظيم

وبدت اول نقطة غيرتني
اشوف المسلسلات والافلام شلوون البطل يحب البطلة ويدللهة كلت اكيد هم هيج الي راح احبة ويزوجني واخلص من الي اني بي

ابوية اصلا يمشي ويكول عندي بنية الك لو الكم
ماعرف شنو سالفتة بس اني كمت مااضوج افرح اكول ييي خل اخلص

بيووم دك التلفوون بيت جدي
اشوو تغير حالهم وابوية اخذ امي وراحوا وبقينة بلبيت
لساعة تقريبا رجع

وامي كالت مهدديهم كلهم بلاسم

ابوية قرر يسافر يرتب امورة ويرجع ياخذنة بين مااخلص ثالث

بدت عطلة مال نهاية السنة
كعدت بلبيت سويت جدول

ويوم يم بيت جدي يوم بيتنة
واني مقررة لازم انجح

بسس بيووم ابوية اجة اجازة وكاعدين ودك التلفوون
رحت اشيلة هو جان ع النت فطلع الصووت عندة

الي جان متصل ابن خالي وياريتني مفتحت الخط اني

الوووو
الوووو هلووو
شلوونج
هلوو شلونك
اوووف عرفتيني
كلتلة اي طبعا
كال والله ....... هنا انكطع الصووت عززة
رجع صوت بج
اكيد كال احبج
كلتلة يلة روح سديتة
ابوية بلاستقبال وعااط
منووو بلتلفوون امي كلتلة ....
وكال منو شال التلفوون
عززة امي كالت فيان
ركضت للغرفة
ياربي شسوي هو هسة وكتة يتصل شلوون حظ يربي