رسالة انثى (مكتملة)

بارت ١٠

استمريت بلدراسة وجنت زينة بلمستوى الدراسي
درجاتي عالية بديت اتعود ع البنات
اتعود ع المكان ارتاحيت نفسيا لان الجوو يجنن مو مثل بغداد جنت احس الهوى يخنك
بسبب الظروف الي جانت تمر بيهة العاصمة من قتل وتهجير وهواي شغلات

صار عندي صديقات بس مو علاقة قوية ع كد المدرسة متتعدة اكثر لان صار عندي تعويد ماامن لاي احد مهما كان

بس مدوم الراحة لان هم نريد نسافر ونغير المكان وحتة نفسيتي تعبت يومية مكان يومية صديقات
كل هذا يأثر علية وع نفسيتي بس محد يحس بهلشي اني عن نفسي مااحس مستقرة والاستقرار احلى شي بلدنيا

بس هذا قدري ومااكدر اعترض ع شي اصلا وحتة لواعترضت ع اساس تفرق وياهم ابد ولاتفرق

بدت عندي فترة مجنت متوقعتهة ابد صرت مااريد اتعمق بعلاقات اتجنب الكلام واذا اسولف عصبية ومرات اتعارك
حسيت نفسي صرت متوحشة
كل الي ديصير جاي يأثر ع شخصيتي
تعبت
اريد صديقات مقربات ممنوعة منهم
اريد اللبس ع الموديل ممنوعة منه
بعمري جنت اباوع ع البنات واريد اسوي واكون مثلهم
بس ممنوع لان اني بنية
من ازوج يلة يحقلي اسوي كولشي
يعني اني صف رابع علمي بس محافة وصديقاتي كولشي عدهم عادي

حتة مكياج يخلن
وكل هذا ومااعجب اهلي وبنضرهم اذا مجبت درجة زينة عندي شي وعقلي بغير مكان

جاي اتماشى وية الوضع والحمد لله

اجة وقت الامتحانات والحمد لله بدت وانتهت واني معتمدة ع نفسي ابوية مسافر ومااخذنة
النتيجة رئسا سافرنة
قبل النتائج سافرنا لان شغل ابوية تغير مكانة
واحنة رحنا ويا

رتبنة
البيت والاثاث
الاثاث جان بسيط لان هم مراح نطول بي
بقينة يومين نرتب
وكملنة كولشي

بعداسبوع
طلعت النتائج وراح ابوية يجيب النتيجة

ورة ساعة اجتي رسالة ع تلفون
مبروك

ناجحة مااخذة بلفيزيا ٣٢
بقيت صافنة شنو قصدة ناجحة لو لا
شنو مبروك
شنو هلدرجة
صحت امي كلتلهة شنو
كالت الدرجة مال فصل الي تنجمع هلكد بس ورة التقسيم طلعتي ناجحة
كلتلهة لعد ليش يكسر بخاطري المهم نجحت قابل اني بكلوريا حتة هيج يحجي
لان طريقتة بلرسالة محلو ابد
حتة فرحتي مكملت
امي مهمهة عدهة المهم نجحت

بعد هواي للدوام
وكمنا نطلع ونتونس واشتري الي يعجبني

شوية احسن
تعرفنة ع جوارين وكمنة نطلع سوة نغير جو
السوك قريب وحلو جنت اشتري الي يعجبني بس مرات هم لازم اسمع كلمة لو تنغيص

مرت الايام عادية وهدوء والعطلة قربت تخلص
واشتريت ملابس جديدة بس لغة مظابطتهة ابد
اكوا مدارس جانت عربية ولذالك تكلت ومتعلمت اللغة