رسالة انثى (مكتملة)

بارت ٣٢

تحجين لو احجي اني

-سكتت ومنزلة راسي وعيوني تجري
-اني احبج
ومن زمان مو هسة
وتأكدت اني احبج تذكرين شوكت
من خابرتي تبجين واني بيتكم وتردين اني الكة حل الج

من سمعت صوتج تبجين مااعرف صار بحالي
اني مجنت اكرهج قبلهة لا كولش جنت معجب بيج
وكولشي بيج جان حلو بس ماباوعلج غير مرت اخوية وارتاحلج هاهية

بس وراهة من كمت اجي اخذ اسد لو اخابرج
مااعرف شنو احس بشي مااكدر افسرة
واني عود عندي علاقة وية بنية

بس هلشعور ابد مجان يجيني من احجي وية سارة
حتة من اخابرهة مااكوا النغزة الي بقلبي صير مثلج عود اني وياج مابينة شي

ورة معشتي وياية بيت واحد واشوف حركاتج وصرتي اقرب من قبل الي
كمت اقارن بينج وبين سارة
كمت اضوج احجي وياهة اصلا
مرات اتحجج بشي حتة مااحجي
صح مشفت منج شي يكلي انتي تحبيني بس اني احبج
حبيتج كولشي اسوي يعجبج تعرفين شكد تفاجأت من شفتج فرحانة بلغراض الي جبتهن
بيومهة سارة كالت بلة خل اشوف الغراض
اول مفتحت الكام
كالت اووع
محلوات

كولش حزت بنفسي
وجنت خايف ميعجبج بس شفت العكس
وعبالي جاي تمثلين بس باوعت بعيوونج عرفت شكد صادقة بكلامج
من عدهة بديت اشوف الفرق الجبير بينج وبينهة
وبديت اعرف نفسي احبج انتي وهية ولاشي مجرد علاقة وعدت

اسمعة وابجي بزايد وهو مستمر يحجي
مد ايدة بحركة وحدة مسح دموعي
ليش هلبجي هسة غير افهم

-اني هم احبك وكل هلفترة انت دكول متغيرة
ايي تغيرت لان حبيتك اعرف غلط
بس موبيدي ومااكدر اكولك احبك انت راح تزوج حبيبتك شلون تريد اني الي اخرب حياتك وانت تحاول ترتب حيااتي

انت الي سويتة موشوية لخاطري
انت مسويتة علمود ابن اخوك
انت سويت كل هذا الي
اذا ع اسد جنت تكدر تاخذة وديروجهك ودكولي تفاهمي وية اهلج وشوفي الي يردوا وسووي

بس انت مكدرت تتركني
انت متقربلي شي وانقهرت علية واخذتني جوة جناحك وجاي تهتم بية
مااكدر اخليك تخرب حياتك علمودي لهنا وكافي

-شوو رفعي راسج داشوفج
تحبيني انتي جاي تحجين صدك لو شنو ترة اني مشتعل واحبج وساكت خايف ترفضيني ومتتقبليني
تاليهة طلعين تحبيني

تعرفين من شفتج متغيرة
كلت تغار لو عبالهة راح اتركهم والتهي عنهم

ابد متوقعت الي جاي دكولي

احبج تعرفين شنو احبج

كومي جيبيلي ملابس اريد اطلع
-وين
-باوع ع عيوني
وعيونج ذني الي اني بجيتهن الة افرحهن اليوم
بس جيبيلي ملابس

-نطيتة ملابسة بدل ع السريع وطلع
مااعرف وين وشيسووي
بس اني مرتاحة حيل لان هاهية سويت الي علية