رسالة انثى (مكتملة)

بارت ١٢

بعدهة الايام تمر عادي ماكوا جديد نفس الروتين من المدرسة للبيت
وبلبيت ادرس وانام وهاهية مرات اكوم اساعد امي

ومرات لا ابوية يكول ع دراستج
واني امل من الدراسة مااستوعب لان بس لازمة الكتاب

اضووج اريد ارتاح
لا لازم خمسة وعشرين دراسة
ملل اووف

بدت تقررب نهاية السنة بس احنة ممقررين نترك المنطقة ابد

امتحنت شفهي وتمام الامور
وراهة بدت الامتحانات التحريري اني كلة حافظتة وتمام واصلا لو ماانجح عادي عندي سعي تووب

بس مع ذالك طبعا مرفوض هلكلام كدام الدولة لان لازم اجيب كلة تسعينات

جانت قاعة جبيرة وبيهة من كل المراحل
وخمسة اساتذة تقريبا او اكثر يراقبوون علينة
جان الاستاذ يجي يمي يشوف شجاي اكتب وشلون اجاوب واني اموتت لان اضوج يجوز كاتبة شي غلط مااريدة يشوف شمصخمة بلكتابة
لو خطي خاف محلو وووو من ورى انسى حتى
الجواب وارجع افكر من جديد بلجواب مال سؤال شنووو

طاح حظي طبعا من ورى
بس هو يسوي هيج حب عود ويخاف يريد يشووفني احتاج مساعدة لو لا

حتة بيووم امتحان الاسلامية
شافني طولت اجاني كال شو تأخرتي ياسؤال وكفج
كلتلة ولاسؤال وكفني بس الاجوبة مطولة
والشرح مال الاية هم طويل
ابتسم وباوع وراح

خررب حظي
نوب هاي المدرسة تباوع وتضحك وماعرف شدكولة واني مجاي افهم شي غبية

كملت نطيت الدفتر وطلعت اوووف خلصت

بعد مااشوف البنات سلمت وطلعت انطونة وقت محدد للنتائج

رجعت للبيت نمت نومة طويلة مال ميت داعوض التعب

متأكدة من نجاحي ومع ذالك خايفة هذا شي طبيعي

بهلايام جنت كاعدة واجانة اتصال غير حياتنة تماما

اجة اتصال من صديق للعائلة ولازم نتحووول لغير دووولة
اوووف تعبت اني تعبت كل يووم بمكان اني ضجت مجااي احس بأستقرار ابد

كل مااتعود ع ناس ومكان نغيرة شنووو الموضوع

ياربي اووف تعبت

اجة يووم النتيجة
رحت للمدرسة وكفوا بلساحة ويصيحوون اسم اسم
الجوو جان حار يمووت
وهاي المديرة خلكهة طويل
وتضحك وتسولف واني ممرودة روحي

وصل اسمي مشيت صار الطريق شطولة وجه مابي اي تعبير كلت معقولة منجحت

عاد وصلت يمهة كالت ذبي الكتب هنا
كتلهة ناجحة كالت اي
حطيتهن بلكاع يمهة واخذت النتيجة
ومشيت اباوع بلدرجات زينة والله
باوستني صديقتي وقرحت الي
وكلتلهم اني راح اسافر
ودعتهم وعادي جانوا متوقعين مني هلشي