رسالة انثى (مكتملة)

بارت ١٣

سوينة كروب احنة اربعة
طبعا عدنة صديقات هم بس احنة شوية نختلف
كل ميصير وقت فراغ او فرصة نكعد سوةة

يعني مستواي متوسط
فجأة هبط مستواية عكس السنين الي فاتت ابدا مالي واهس دراسة عبالك غصب

بيوم كلت ترة كتبي صعبة اريد مدرسين مجااي افهم وصديقاتي كلهن داخلات عادي
مقبلوا ابد

كل اجازة نهاية اسبوع يكعدني مثل الطفلة ويدرسني وياريت يشرحلي لا
يمتحني واذا مااجاووب يبقى يعيط ويفضحني فضيحة
زين اني مفاهمة لو فاهمة اكوووول اريد مدرسين
دااخلي يصرخ راح امووت ياربي
تعبت والله تعبت
شنووو مكعدني بلحديقة ويعيط علية ومنا الجيران اني مووو طفلة حتة يسووي هيج
والله من اطلع من البيت اريد اكوون اختفي والمة نفسي بلمدرسة مااريد احد يشوفني ابد
كرهت نفسي
المصيبة مووو بس الدراسة يعيط ع كولشي

يووم جانت عطلة وماعدنة شي
وكال نطلع للحديقة
جاي نرتب بيهة ونظفهة
وكلنة طلعنة
جنت كاعدة ثانية رجلية واشيل بلطحالب الموجودة وارتب
فكلت لاخووية تعال ساعدني
مجاوبني
فضجت بس حزت بقلبي
صااح يلة بسرعة كملي
كلتلة جاي اشتغل قابل شسوي ميشتغلوون همة هم
لج زمالة كملي تف عليج
محسيت الة ضربة ع رجلي دفرني
ويتفل علية وامي ماعرف شدكولة بصوت ناصي
وهو يكوللهة ختولي
شكددد كرهتة والله جااي احاول اقنع نفسي ابوية بس كل يوووم يسووي شي يأذي

كملنة ودخلت جووة
كعدت ابجي بغرفتي
كلتلي اختي شبيج لتضوجين موتدرين بي كل جمعة هيج يسووي
كتلهة اعرف بس مو بلشارع يسوي هيج وجوارين منا ومنا عدهم ولد لو شافني واحد هيج ابوية يعاملني واني بهلعمر شيكول علية
شمسوية هاااي لهدرجة ابوهة جااي يحجي عليهة هيج

هسة عبالهم شوف اني شنوو واني كولشي ماعندي
حتة من يحجي علية ماارادد ابد ليش هيج يسوي

بقيت ابجي شوية وسكتت لان اصلا محد هامة دابجي لو لا
لو بيدة يجووز واصلا هو يكولهة دائما

كعدت احضر واجباتي وارتب الدفتر

كل وقتي جنت معتكفة مااريد اشوفهم ولااريد اكعد يمهم شنوو مفديوم كعدت يمهم وسمعت كلمة حلووة

خلصت واجبااتي حطيت راسي افكر
اتذكررت موقف
كاعدين ونسولف وجااي وحبشكلات
وابوية كال ليهسة محد خطبج ودراسة مفالحة مدكليلي بشنو فالحة حتة محد يباوع بوجهج

صحيح كلامة معقولة ؟
لا موصح اني نخطبت لان حبني
وابن خالي وهوواي مروا علية نعجبوا بية بس اني جنت ماانطي مجال وهو شمدري عبالة محد يباوعلي

صااارت بية حالة نفسية
كمت اشك بنفسي
بس اني مابية شي ليش هيج ديحجي علية
يعني مكفى ضعف شخصيتي نوب اجة ع ثقتي بنفسي
ليش هيج يسووي حسيت ع دمعة نزلت ع خدي
مسحتهة ونمت
فزيت ع صووت اختي دكول اجتي كرايبنة وبنتهة وياهة وتريد تشوفج
كتلهة هسة انزل
رتبت نفسي ونزلت
كعدت اسولف واضحك وباهة غيرت جوو
البنية اهلهة مدلليهة مع العلم هية مو احسن مني
ليش اهلي ميصيرون هيج وياية