رسالة انثى (مكتملة)

بارت ٥

اجتي النتيجة مجنت متوقعتهة هيج

طلعت مكملة بواحد
ابوية لعب لعب وكلي من هسة تكعدين تقرين
حيل بعد ٣ اشهر يلة تصير الامتحانات
راح ابقى اقرة منا لحد متجي الامتحانات

ضجت حيل من فكرة راح ابقة اقرة اكثر من ما طلعت مكملة

بعدين قدمنة ع اعتراض لان درجتين بس محتاجة
وقدمت وطول فترة الايام الي ننتظر بيهة الاعتراض اني اقرة تقريبا بلشت اخلص وكل مااذكر راح ابقة اقرة واعيد بلكتاب اختنك

اووف
ياربي يطلع الاعتراض وانجح يارب
مرت عشر ايام
وطلع

راحت ماما تجيب النتيجة
وجان تجي ودكول نجحتي وجابت جكليت وزعت

وابوية يكولهة انطي جكليت لبيت ابو فلان
وراهة اجتي المرة تباركلي وابوية
يكولي طبي سلمي ع المرة

كل شوية يجي يلة ويلة يريدني ادخل
واني مااريد واطول بلتمشيط حتة مااروح
وهو يعصب اخر شي دفعني ع الباب

هو شنو كوة يعني مااريد اسلم
طبيت مبين علية ضايجة سلمت وطلعت
يكولي غير تبقين كاعدة
كلتلة شسوي هنة يسولفن اني شعندي

اني طفلة ابقى كاعدة يم نسوان ليش (حجيت بقلبي )
ضاج مني وراح
ادري شسوي هاي حلوة ترة

ثاني يوم بيت جوارينة صارت عدهم هوسة عرفنة منهم انخطف ابنهم جان طالع بلسيارة وماكوا لاهو ولاالسيارة
دوروا رادوا ماكوا
مر شهر وهو ماكوا المسكين جان شاب بعدة معابر العشرين

ورة شهر من هلصدمة ابن جيرانة الثاني هم ماكوا دوروا علي اربع ايام
مرت وجنت بلطرمة وسمعت صووت عياط واشياء تتكسر
مكمت استوعب لان كل الي بالي يلكوا

عاد بين مستوعبت طبيت ركض
بابا بابا بيت جوارينة عياط واشياء تتكسر
كال لااله الاالله لكوا لعد
وطلعوا راحولهم
بقيت ابجيي علي رجال ادمي ومابي اذية واحبة خطية جهالة بعدهم صغار
اسمع صوت العياط والتكسير
متت
طلعت اباوع واني ابجي لكيت ابنة الصغير كاعد ع الرصيف يم اخوية ومدنك راسة مااعرف شيحجي وية اخوية

نقهرت وبجيت اكثر ودخلت
ورة شوية طب اخوية كلتلة شبي شيكولك
كال يكولي وين بابا اشوا منو اسئل ميجاوبني انت متعرف وينة

كتلة خوماكلتلة كال لا ابد ولاحجيت
كلتلة هسة يجي

بجيت علي شنو ذنبهم خطية

ابوية شاف الظروف موزينة طلع لسوريا
كال من ارتب نفسي اخذكم

وبقينة وحدنة بلبيت ومرات نروح لبيت جدي
بس من رحت يمهم تخربطت مرتاحيت ورجعت لبيتنة
وبديت اتحضر للمدرسة
هلسنة بكلوريا
بدت الاوضاع تهدء شوية
واخذتني امي للسوك اشترينة ملابس
للمدرسة وجنطة