رسالة انثى (مكتملة)

بارت ٣

خالوا دخل وابوية ويا
دخل كال خالي بس ابني يرجع
بعد ماابقة بلعراق اخذ ولدي واطلع .

بس كون ذولي مياخذوا

قناصين برة
ومداهمين المنطقة
وطيارات كامت تصير فوك البيوت

الي عرفنا جايين ع بيت بلمنطقة

اكوا بيت بلفرع يلبسون دشداشة قصيرة رجلهم تطلع منهة
وعدهم لحية طويلة مجنت ارتاح لشكلهم
بس ممختلطين بيهم

الي سمعتة مرة وهابيين
مااعرف شنو هلكلمة بوكتهة

ورة ساعة تقريبا هدء الوضع ورجع ابن خالي كال جنت بيت جيرانكم

دخلوني يمهم مخلوني ارجع للبيت
وراهة خالي سافر بعد

صادف عيد ورحنة لبيت جدي

شفت ابن خالي الي دوم عيوونة علية

ورجع كلي احبج
اني هم كلتلة احبك

بس حب طفولة جان
جهال يعني حبنة مال جهال كولش

ماادري اذا جنت احبة لو لان اول واحد يكول هلكلمة العجيبة الي اول مرة اسمعهة

هههههه حتة مااعرف معناهة
بس يعني ترتاح لهلشخص وتزوجة هاي معناهة عندي

جنت اشكيلة اهلي
دوم يردوني بس لازمة الكتب
ممنوعة من كولشي

بس جان يبتسملي ويكول يردوج تصيرين احسن وحدة

بهلفترة اني سادس ابتدائي ويعني شايلة نفسي بلدراسة

اني بهلعمر وابوية يعيرني شوفي فلاتة صارت دكتورة
شوفي فلانة شلون شاطرة
مااعرف ليش هلشكل يعاملني
جنت انام بفراشي وامووت بجي

اتعبببب من البجي وانام
يعني شسوي اني ترة طفلة مدافهم كلامة

مرة اجيت مناجحة
وبقى يعيط ويصرخ كلمتة الي ابد ماانساهة الكلمة الي فتحت عيني

اذا عرفت عندج شي اذبحج وادفنج ومحد يدري
فتحت حلكي ع كلامة واذاناتي داريد استوعب الكلمة ليش وشنو الي اني سووويتة حتة يحجي بهلطريقة

بقيت ابجي بختلة
واكول ليش اني شعندي اصفن
اني ماامسوية شي غلط شنو قصدة عندج شي

اني من البيت للمدرسة هاي الكلمة هية الي خلتني اطلع وية البنات الي من رحنة نجيب مي من بيتهم بداخلي كلت هو بكل الاحوال ديحجي علية
بس مع ذالك متقبلت الموضوع ولعبت نفسي

مرات اصفن اكول زين مني مغلطت ع كل الي سمعتة منهم كل هذا وحافظت ع نفسي

رجووع للماضي

بيوم واكفة بلباب ننتظر الدوام الثاني يطلع
شفت ابن عمي من بعيد يفتر يم مدرستي
شافني بس اني مسلمت علي
هو اجة وسلم