رسالة انثى (مكتملة)

بارت ٢٨

نمت للصبح ع فد نومة ومحد اجة كعدني ولاادري بلدنيااا ابد

لحد مفزيت ع صوت اسد يبووس بية

فتحت عيووني بوستة وشاقيتة وكمت
طلعت للمطبخ كبل

كاعدين كولهم باوعلي
صباح الخير
الكل رد

تريكنة وكملنة

ابوية كال لامي الجمعة كالوا يجوون رتبوا نفسكم

مفهمت ع منو يحجي

-شكوو ماما منو راح يجي الجمعة
-بيت عمج اهل سلوان يردون يحجون بموضوعج
-ياموضوع

-ليش علي مكلج
-شيكولي مجاي افهم
-خطبج وكال ارفضوا الولد الي اجاهة ابنة اني اربي

-ضربت ع وجهي شنو جاي دكوولين

-شنوو انتي كولشي معاجبج
لاالغريب ولاالقريب

-عفتهة وتوجهت ع الغرفة لزمت التلفوون واني مواعية

-اول دكة ورد
جنت متوقعج من البارحة تتصلين
-شسويت انت هاااي مساعدتك الي ليش هيج علي ليش

-انتي موكلتي موافقة ع اي شي بس ابني وياية
-بس مااريد اززووج
-اي هاهية اني بس اريد اعقد عليج اسكت اهلج والناس تكف منج ومتجيج وابنج بحضنج

-وحبيبتك البنية شنو ذنبهة نكسر قلبهة
-مينكسر قلبهة اني خابرتهة وفهمتهة وانتي معليج بيهة

-مااكدر علي انت جاي تنقذني من الموت للموت

-لا ابد والله ولاالي علاقة بيج ابد اني ابقى بلنسبة الج علي نفسة مااتغير واني وعدتج مااعوفج وراح اكون كد هلكلمة

-وارجع اعيش وية اهلك والضيم
-واذا زوجت راح برئيك اكوون بخير وتعوفني بحالي

-منو كال اخليج وياهة انتي تبقين بيتج نفسة اني راح اجرة وترجعين بي

ومحد الة علاقة بيج
وحتة اني اذا متردين اجي واشوفكم هم مااجي
بس هذا شي بيناتنة يعني كدام الناس اني موجود

-سكتت مبقى شي اكولة واني مجبورة بي ع الاقل اعرفة عندة حبيبة وراح يعوفني بحالي وهية هم اكيد راح تمنعة مني

-يلة اني اروح جاي يتصلون علية فكري واذا هم معاجبج الي كلتة كولي والكي حل ماكوا شي صعب

-الله وياك

كعدت صفنت بحيااتي
يعني لحد الان ماكوا شي اني ختاريتة
كولشي ديصير وياية تحصيل حاصل
اذا مقبلت ع علي مااعرف مصيري
والرجال الي خطبني ليش مطلك وشنو الاسباب وشلون راح يعاملني وابني راح مااعرف وين يعيش ومنو يهتم بي
بس اذا قبلت ع علي ابني وياية وبيتي وحدي وعلي خوش ولد مفديوم شفت منة شي موزين مومثل سلوان اصلا ولايشبهة بشي وهو عندة زوجتة اكيد راح ياخذ حبيبتة ومراح يتقربلي