سمر

الجزء 21

-سلمى : يا بت قومي قومي خلاص صلي ، الصبح جا ...
سمر فتحت عيونها و هي مخلوعة ، أمها مرقت من الغرفة ..
سمر : دا كلو حلم؟؟؟؟
بعديها قامت و مشت صلت.

في مكان تاني :
هديل كانت بتصلي في غرفتها ، فهد دق الباب و بعديها دخل ، قعد و انتظرها تخلص صلاتها . بعد ما انتهت من الصلاة قام و سلم عليها و قعد جمبها♥
هديل : كأنو عايز تقول حاجة.
فهد : احم احم ، أمي أنا قررت أعرس خلاص
هديل قبلت عليهو عديل..
هديل : قول والله
فهد : أنا لقيت البت البتناسبني..
هديل :و دي منو سعيدة الحظ دي؟؟؟
فهد : سمر صحبة ليمياء أختي ♡
هديل : برضو ما عرفتها..
فهد : يا أمي انتي مالك نساية كدة ، سمر سمر البت السمحة ديك ياخ ، ما عارف أقول ليك شنو.
هديل : اااااااا ، السافرت كسلا؟؟؟
فهد : باااااس ياها زاتها ، أها رايك شنو؟؟
هديل ضمتو عليها و قالت : لالا تمام ، البت حلوة و فاهمة ما شاء الله ، بتستاهلك..
فهد : قريب إن شاء الله ح أسوقك انت و أبوي عشان تخطبوها لي..
هديل : الحمد لله ولدي عايز يعرس خلاص..
فهد ابتسم ليها و قام على حيلو و مشى ..❤

عند ناس سمر :

سلمى و نهى قعدو يشربوا شاي الصباح
سلمى : مروة أمشي نادي سمر قولي ليها تعالي أشربي الشاي..
مروة مشت لى غرفة سمر لقتها قاعدة في السرير و سرحانة نادتها و جات راجعة..
بعد مسافة سمر مرقت من غرفتها و قعدت معاهم
نهى : مالك يا سمر ؟؟ في حاجة ؟؟؟
سمر : لالا ما في شي✋🏻💔
سلمى : يا بت انت الليلة ما طبيعية قولي في شنو؟؟
سمر ردت عليها بصوت عالي : ياخ قلت ليكم ما في حاجة ما في شي..
قامت من الكرسي و مشت على غرفتها فتحت الباب و قفلتو على نفسها💔
نهى قامت من الكرسي عشان تلحقها ، سلمى مسكتها
سلمى : خليها ما تمشي ليها ، خليها تكون براها أحسن
نهى : طيب.

الساعة عشرة كدة ، سلمى شالت فطور و مشت على غرفة سمر ، بقت تدق في الباب.
سمر قامت من السرير و فتحت الباب ،لمن شافت أمها نزلت راسها😔💔
سلمى : جبت ليك الفطور و لازم تاكلي لأنك جعانة.
سمر شالت الفطور و ختتو في الطربيزة ، قعدت في السرير جات أمها و قعدت جمبها ..
سلمى : مالك يا سمر ؟؟؟
سمر حكت ليها إنو هي قعد تحلم بي مصعب كتير و كلها كوابيس و كدة.
سلمى اتكلمت معاها كتير و وصتها إنو قبل تنوم تقرا قرآن و تستغفر..
بعداك مرقت من الغرفة و خلتها براها💜

في مكان تاني :

أشرف عم سمر بتكلم مع خالتو نفيسة ..
أشرف : و الله أنا عندي شغل في الخرطوم ، ح أقضيهو و أجي راجع..
نفيسة : يعني كم يوم بالظبط كدة ؟؟
أشرف : اسبوع أو أكتر ، بس خلي بالك من البنات ديل و اهتمي بيهم..
نفيسة : حاضر..

أشرف خلا بناتو عند خالتو . بعديها مشى موقف حافلات و بقى يتلفت يمين و شمال..
بعد مسافة شاف ولد رافع ليهو يدو ، و الولد دا كان مصعب💔
أشرف : لى إتأخرت كدة؟؟؟
مصعب : في النهاية جيت✋🏻

بعديها ركبوا ليهم حافلة وإتوجهوا على الخرطوم...


يتبع .......