سمر

الجزء 20

- سمر شافت رانية قامت من كرسيها..
رانية : فهد إنت لي أنا و بس ، فاهم؟؟ مهما كان لي أنا وبس✋🏻
فهد : اللهم طولك يا رووح
رانية : كويس..


لمى : هي ، سمر إنتي سرحانة وين؟؟
سمر : ااا لا لا ما سرحانة.
لمى : قومي أرح نجامل العرسان ديل شوية و نرجع ، الحفلة دي رابة..
سمر : لا لا ، أنا عايزة أقعد هنا أحسن ..
لمى : انتي هبلة ؟؟ و بعدين فستانك الحلو دا مافي زول شافو..

المهم سمر و لمى مشو ، سمر و فاتن لمى و ليمياء كانوا واقفين مع بعض ، و طبعا العريس رقاص لمن بهناك . فجأة فهد جا داخل في الدايرة ، ابتسم لى سمر ابتسامة حلوة💜
بعد ساعة كدا الحفلة انتهت ، و الناس بدوا يمشو..

سمر و فاتن و لمى ركبوا مع فهد ، سمر كانت آخر بت يوصلها . فجأة فهد دخل في الموضوع و قال ليها : سمر ، أنا لو إتقدمت ليك ح توافقي؟؟؟
سمر انصدمت بالموضوع و بقت ساكتة . فهد ضحك و قال ليها : سكتي مالك؟؟
سمر : صراحة صدمتني بالموضوع.
فهد : عجبتيني في طريقة تعاملك مع الناس ، في طريقة كلامك ، كلك زوق و رقي ، محترمة نفسك و محترمة الحواليك ، في أحسن من كدة؟؟ بالجد مافي منك اتنين .. عايزك تفكري في الموضوع على أقل من مهلتك...
سمر ساكتة سااي ما قادرة تفتح خشمها و تقول الفي قلبها ، كانت عايزة تصرخ من الفرحة بس كتمتها...

المهم نزلت من العربية و ودعتو، و دخلت البيت.
دا كلو و الساعة كانت 1 صباحا ، المهم لمن دخلت جوا البيت شافت أمها نايمة في الكرسي💔 ، و أظنو كانت منتظراها..
سمر : أمي أمي قومي نومي في الغرفة..
سلمى فتحت و عاينت ليها مسافة عشان تستوعب..
سلمى : ياااا داب جيتي ؟؟؟
سمر : أي والله ، قومي نومي في السرير.
سلمى : أي قايمة ، كدي أول شي جيبي لى موية..
سمر دخلت المطبخ و جابت ليها موية و بعديها شربتها..
المهم سمر دخلت غرفتها مشت صلت العشا و بعديها رقدت في السرير . بقت تفكر في فهد و كلامو... لمن غلبها النوم.

في الصباح لمن صحت ، مرقت برة ما لقت زول في الصالة ، دخلت المطبخ برضو ما لقت زول ..
سمر : يا ربي ديل بكونو مشوا وين؟؟
لقت الشاي جاهز و جمبو بسكويت☕🍪... بعد ما شربتو فتحت تلفونها ، و شافت الساعة ، كانت الساعة 8 صباحا.
مرقت برة و بدت تنضف في الحوش ، كل تفكيرها كان منحصر في إنو أمها و خالتها بكونو مشوا وين و خلوها براها؟
فجأة في زول دق الباب..
سمر : جو خلاص...
دخلت جوة و شالت ليها أقرب طرحة و لبستها ، مرقت و مشت تفتح الباب ، لمن فتحتو كانت الصدمة 💔
مصعب : أهلين ( بخباثة )
سمر أعصابها تلفت ، بسرعة مصعب دفر الباب لى جوة و دخل و قفلو ، عشان كان متوقعها تقفل الباب في وشو..
سمر : الجابك هنا شنو؟؟؟؟
مصعب : جيت عشان أشوفك في مانع ؟؟؟
و بقا يقرب عليها و هي بترجع لى ورا . و في لمح البصر قلع الطرحة منها ، و هي بدت تصرخ
مصعب : و لاااا كلمة ، هسسسس.
سمر بقت بتصرخ بأعلى صوت عندها 😭💔 ، حست بإنو الدنيا دي ما سامعاها ، حست بإنو بتصرخ بدون فايدة ...
سمر بصوت عالي : زح مني ياكلب ح مني ياخ ، قلت ليك زح مني..
مصعب : ما بزح 💔 ما كنت قايل انتي حلوة قدر دا كلو...
سمر بدت تضربو بكل قوتها ، بس من دون فايدة ، و في لمح البصر أدتو كففففف.
طوالي هو و لااا هظر ، طلع سكين من جيبو ، و انقض عليها.. و هي بتصرخ ، طعنها تلاتة طعنات
مصعب : دي نهايتك..
سمر صرخت صرخة عاااااالية شديد ، بكل ألم بكل إنكسار ........... و فجأة سلمى جات عليها : يا بت قومي قومي خلاص صلي ، الصبح جا 😅 ....


يتبع.........