- سمر عجبتها الهدية ، رقدت في السرير و قالت : حابة أشكرو♥
قامت و قعدت في طرف السرير و قالت : اتصل ليهو؟ لا ما أتصل ، لا ح أتصل ليهو ، لا ما ح أتصل،،
دخلت ليهو في الواتس و رسلت ليهو " شكرا هلى الهدية الحلوة ما كان في داعي تتعب نفسك "
فهد بيستحمى طلع من الحمام و قعد في السرير فتح تلفونو لقى رسالة من سمر ... فتح الرسالة و قراها و ابتسم ، طوالي رسل ليها " تسلمي إن شاء الله تكون عجبتك "
سمر لمن قرت الرسالة طوالي رسلت ليهو " أيوة عجبتني و شكرا ليك مرة تانية " . فهد رسل ليها " انت تستاهلي كل شي حلو 🖤"
لمن قرت الرسالة دي إبتسمت قفلت تلفونها و نامت ، عشان عندها قومة بدري💔
سلمى جات صحت بتها
سلمى : سمر قومي قومي خلاص عشان تصلي و تجهزي قومي..
سمر قامت و استحمت وصلت و لبست ، و ركبوا العربية و إتحركوا. دا كلوا و الشمس يا دووب عايزة تشرق كان المنظر حلو شديد، أما أحمد و مروة كانو نايمين..
المسافة كانت طويلة . بعد ساعات وصلو كسلا🌸نزلو من العربية جمب بيت كبير..
* أم سلمى و أبوها اتوفوا قبل 5 سنوات و سلمى ما عندها أخت أو أخو غير نهى ، و الساكن في البيت حاليا " عبدالله" عبدالله دا أخو سلمى لكن ما شقيقها ولد أبوها. و أمو برضو ماتت من زمان . عبدالله متزوج .. مرتو إسمها " سهى " و عندو بتين ، الكبيرة عمرها 20 سنة و اسمها " منى " ، والصغيرة عمرها 11 سنة و اسمها " لدن " .
سلمى دقت الباب ، فتحت ليهم لدن ، لدن سلمت عليهم و فضلتهم ..
المهم دخلوا جوة و سلموا على عبدالله و سهى و منى..
سهى عملت ليهم عصير منقا باااارد♥
سهى : شرفتونا و نورتو البيت ..
نهى : البيت منور بى ناسو💗
سهى : تسلمي..
شربو العصير و دخلوا غرفهم ، سمر غيرت هدومها و لبست ليها بجامة ..
منى : سمر إنتي بتكوني تعبانة عشان كدا ارتاحي..
سمر : بالجد والله تعبانة ، شكرا ليك💜
سمر رقدت في السرير ، فتحت تلفونها و دخلت الواتس و كتبت في الحالة
" وصلت"
فاتن رسلت ليها " حمد لله على السلامة ♡ " . و بقوا يتراسلو و يتونسوا بعديها سمر قامت و صلت الضهر..
مرقت برة الحوش ، الحوش كان عبارة عن حديقة بس كلو أشجار و زهور . الجو كان حلو شديد .. قعدت معاهم و بقت تتونس..
سمر قالت ل منى : الجامعة كانت كيف معاك؟؟
منى : حلوة و ما حلوة في نفس الوقت ، مرات بتكون مملة شديد🖐🏼
سمر : أي والله كلامك صح ، لكن ح تتعودي .
سهى : أها إنتي يا سمر ما جاك عريس ؟؟؟
سمر : لى أسي ما جا والله✋🏻
سلمى : كل ما أقول ليها فلان قال دايرك و فلان قال دايرك بترفض..
نهى : يمكن خاتة ليها زول في راسها ، و لما يتقدم ح توافق💜
سمر : إن شاء الله ما تخافوا🖐🏼
بقوا يتونسو كدا ، فجأة في زول دق الباب ، منى مشت و فتحتوا ، دا كان أبوها عبد الله..
سلم عليهم و قعد معاهم القعدة كانت حلوة..
أحمد و مروة كانو بتجارو مع لدن و هي بتلعبهم..
سمر : منى أرح لفي معاي في الحوش دا 💜
بقوا يلفو و يلفو و يتكلموا مع بعض ..
سمر : أرح نتصور ..
منى : يلا
بقو يتصورو سيلفي .
منى : يلا المرة دي نتصور بتلفوني♥
منى بت ظريفة و كدا و بتحب سمر شديد و سمر برضو..
فجأة في زول إتصل لى سمر ...
يتبع..............🌸
