سمر

الجزء 17

- بعد ما إنتهت المكالمة ، في زول فتح باب مكتب دكتور فهد ... و دي كانت رانية ، قامت من سريرها و جات ليهو ... كان شعرها مفكوك .... و هي أصلا بنت قصيرة كدة و عسل..

رانية : دي منو البتتكلم معاها دي ؟؟
فهد : يعني ضروري تعرفي ؟؟ و بالله زي ما قدرت تجي هنا أرجعي محلك..
رانية : ما راجعة أنا 💔
فهد شال الاب كوت و شال تلفونو و طلع و قال ليها : يلا عادي ممكن تقعدي في الكرسي اتفضلي ما تخجلي..
مشا و خلاها في مكانها .... اتغاظت منو شديد..
بقا ماشي في الممر لاقا ليهو ممرضة اتكلم معاها و قال : لو سمحتي راعي للبت دي و رجعيها غرفتها ..

في اليوم البعديهو :
سمر صحت بدري ، عشان راجعين الخرطوم ، و هي الساقت العربية و نهى و أولادها كانوا معاهم برضو ... المهم المسافة كانت طويلة .... بعد ساعات وصلو ♡♡♡
دخلو البيت و أي واحد مشى أخد ليهو دش و غير هدوموا و كدة ... البيت كان عبارة عن غبارو بس..
إتغدوا و باقي اليوم كان عادي ... بالليل الساعة 8 و نص سمر اتصلت لى فاتن... و بقوا يتونسوا لزمن طويل..
فاتن : بكرة إن شاء الله عازمنك في مطعم ، يعني كلنا أنا و انتي و لمى ♥
سمر : و ليمياء.
فاتن : لا لا ليمياء دي ما بخلوها تطلع من البيت ... عشان عرسها قرب و كدة ..
سمر : ايواااا .. خلاص تمام🖐🏼
فاتن : عندك ليك شمار نار 🔥
سمر : أها أحكي..
فاتن : البت الاسمها رانية الكانت خطيبة فهد
سمر : أها مالا؟؟؟
فاتن : طعنت نفسها في بطنها ..
سمر : سجمي 😰
فاتن : قولي ليه ؟؟
سمر : ليه؟؟؟
فاتن : عشان زعلانة على فهد ...
سمر : دا شنو الفلم الهندي دا😒؟؟ أها و بعداك ؟؟
فاتن : عالجوها في المستشفى الفيهو فهد .... اتخيلي
سمر : ربنا يشفيها 🤲🏼 ( سمر من جواها كانت مولعة نار 🔥)

....

بعديها سمر رقدت في سريرها و بقت تفكر... : عشان كدة فهد الأيام الفاتت دي كان مشغول ...
بعديها نامت... صحوا الصباح و شربوا شاييهم و بدوا نضافة من الصباح ... إنتهوا بعد الضهر . سمر مشت استحمت عشان عازمنها .. لبست عبايتها و إتظبطت. ساقت عربيتها و مشت عليهم..
لقتهم قاعدات في المطعم و منتظرنها ... سلمت عليهم سلام شوق💜💜 قعدت معاهم ، طلبوا بيتزا 🍕🍕 و عصير فراولة و بس..
لمى : خلاص التخريج قرررب ..
سمر : صحي و الله 💗
فاتن : أها كيف كانت أيامك في كسلا يا سمر ؟؟؟
سمر : والله كانت حلوة شديد ، يعني استمتعت و غيرت جو♥
لمى : أي والله حظك ، كل الأيام الفاتت دي قاعدة في البيت لا مرقت لا حاجة✋🏻💔
فاتن : بعد ما نخلص ح نمشي لى ليمياء لأنها قالت لينا كدة..

بعديها ركبوا العربية و إتوجهوا على ناس ليمياء .. لمن دخلوا ليمياء جات جارية على سمر و حضنتها و سلمت عليها..
ليمياء : مشتاقين يا كلبة..
سمر : بالأكتر والله يا زفتة..
جات هديل و سلمت عليهم ... و فضلتهم. ليمياء كانت لابسة بجامة مشت المطبخ و جابت ليهم بيبسي و قعدت جمبهم و بقت تتونس مع سمر
فاتن : أخوك الظريف داك وين؟؟؟
ليمياء : والله فهد في المستشفى ، ما قاعد ، يا حليلو الأيام دي مضغوط شديد في شغلو كتير ، حتى ونسة ما بتونس..
سمر : ربنا يعينو إن شاء الله🤲🏼🖤

هديل : لازم تتغدوا معانا ✋🏻
لمى : والله يا خالتو أسي احنا جايين من مطعم ما لنقدر ناكل شبعانات والله..
ليمياء : خاينات ، بس عشان سمر جات ؟؟
سمر : أيوة..
فاتن : انتي يا ليمياء خليك مع عرسك و عريسك فاهمة ؟؟
ليمياء : أبيت ما فاهمة 💔

اتونسوا و بعديها لمى و سمر و فاتن مرقوا من البيت..
ليمياء :لازم تجوني تاني ✋🏻
فاتن : إن شاء الله..
ركبوا العربية
فاتن : المرة دي يا سمر ارتاحي شوية ... خليني أنا بسوق ليك.
سمر : لى يعني؟؟؟
فاتن : مزااااج✋🏻
لمى : أوعك تتهوري ... دايرة أشوف ولدي المستقبلي💕
سمر :ههههه ، يلا تعالي محلي...

يتبع..........