_مرت أيام البكا و كانت أصعب أيام تمر على سمر💔 ، والبيت كان مليان شديد ، أصلا هي عندها عم واحد بس اسمو " أشرف"
كان بصبرها و كدا. هو عايش فب كسلا عندو بيت هناك ، أهلها كلهم عايشين في كسلا🖤
أما سلمى كانت صابرة شديد ، المهم الجامعة فتحت و دي كانت آخر سنة لى سمر❤
سمر و لمى و فاتن مشو الكفتريا حقت الجامعة و قعدو فيها .
لمى : ما قادرة أصدق إنو دي آخر سنة!!
فاتن : إن شاء الله تعدي على خير🖤
سمر : إن شاء الله ، نتهي من التعب دا.
فاتن : ح أمشي أشتري عصاير
المهم شربو عصير منقى 🥭🥭 و دخلوا المحاضرة . كانت مملة بالنسبة ليهم 😑😑😑، الأستاذ كان بسأل أسئلة و في واحدة بس قاعدة تجاوب عليهو ، لمن هو زاتو إستغرب منها🤨.
لمن مرقوا من المحاضرة ، سمر لاحظت للبنت الكانت بتجاوب في المحاضرة ، قاعدة برااها💔 سمر مشت عليها و سلمت عليها 🙂
سمر : اسمك؟؟
البنت : إسمي ليمياء أنا جديدة هنا ، أصلا بقرا في لندن و جيت تابعت قرايتي هنا🙂
سمر : اهاااا، يعني دا أول يوم ليك؟؟
ليمياء : أيوة🖤
سمر : شكلك كدا ما بتعرفي حاجة في الجامعة دي رايك شنو تمشي معانا؟؟
بعدها بقت صحبتهم و اتعلقت بيهم شديد❤ ، في يوم من الأيام كانوا طالعين الاربعة من الجامعة ، جا ماري بيهم ولد إسمو " مصعب" ( ياهو مصعب الزمان داك ولد خولة )
كان بعاين لى سمر بطريقة كدا ، وهي أصلا ملاحظة ليهو من ما فتحت الجامعة ، قال بصوت شبه مسموع : عسل بس 💔
سمر ما إستحملت مشت بإتجاهو وقالت ليهو : عاين أنا سكت ليك كتير ما بقدر أستحملك ما بقدر😠😠 عشان كدا أبعد من طريقي فاهم ؟؟؟
لمى : سمر هدي.
مصعب : روقي المنقى ( وبقى يقرب أكتر )
سمر : بعد مني ما تقرب . وطااااااخ أدتو ليك كف صاموتي أمام الجماهير😅🖐🏼🖐🏼🖐🏼
طبعا مصعب عصب شديد وخلاص عايز يدقها جا واحد و قال ليهو : أوعك✋🏻✋🏻✋🏻
طبعا دا كان فهد♡♡♡♡ كان مراقب الموقف من قبيل ، وسمر دمعاتها نزلو خلاص.
مشت ركبت عربيتها و بقت تبكي 🥺😭😭، جاتها لمى و فاتن ركبوا معاها ( أصلا سمر دايما بتوديهم بعربيتها و ليمياء دي مع أخوها)
فاتن : أصلا مصعب ما بستاهل عشان تبكي كدا أهدي خلاص💜
دورت العربية و اتحركت..
لمى : يا بت أهدي ما تقومي تعملي بينا حاادث أنا ما عرست نسيتي؟؟
سمر ضحكت ضحكة خفيفة بين دموعها : لا ما تخافي ما ح أعمل حادث🙂😉
فاتن : اتخيلي يا سمر ليمياء طلعت أخت الدكتور الدافع عنك ؟؟
سمر دي قلبها عمل شحححح😍😍. المهم وصلتهم بيتهم و هي رجعت البيت.
(* مصعب دا أصلا جيران ناس سمر ما قريبين شديد)
في اليوم التاني بالليل الكهربا قطعت (( السودان ))
سمر : يا الله ، دي شنو الحال دي ؟؟😤😤😤
سلمى : يا سمر طلعي معاي السراير دي برة في الحوش خلينا ننوم برة .
سمر : امي يمكن الكهربا تجي أسي💔
سلمى : و لو ما جات؟؟ قلت ليك أرح.
بالفعل الكهربا ما جات و سمر دي تتقلب ساي ما جاها نوم ، و هي خايغة شديد ، والكلاب برة صوتها عااالي شديد 😔💔 ما قدىت تنوم نهائي.
فتحت تلفونها دخلت الواتس و كتبت في الحالة " الكهربا قاطعة و ما قادرة أنوم" دا كان الساعة 2 صباحا.
فجأة كدة في زول رسل ليها و الرقم كان غريب و الرسالة مكتوب فيها " ما ح أخليك " ، و هي خلاص الخوف قتلها و ما قدرت تنوم نهائي😰😰😰💔 بس منتظرة الصباح بفارغ الصبر ..
يتبع.......
