سمر

الجزء 22

- بعديها ركبوا ليهم حافلة و إتوجهوا على الخرطوم.
أشرف : ياريت لو أبوك معانا..
مصعب : بالعكس ياخ أبوي دا كج في كل حاجة عشان كدة أحسن✋🏻
أشرف : بالجد والله كلامك صح . أنا عايز أسألك..
مصعب : قول..
أشرف : انت الشقة الأجرتها دي في الطابق الكم؟؟؟
مصعب : في الطابق الأول بعد الأرضي طوالي
أشرف : أكان كدة كويس..

في اليوم البعديهو :
فاتن اتصلت لى سمر و بقو يتكلمو مع بعض..
فاتن : عايني غسان دا الليلة ح يخرجوه من المستشفى..
سمر : و غسان دا منو كمان؟؟
فاتن : الولد العملنا معاهو حادث..
سمر : ااااا حمدلله على سلامتو💕
فاتن : اتخيلي طلع صاحب أخوي الكبير
سمر : قولي والله .
فاتن : والله . أنا ماشة مع أخوي عشان نسلم عليهو و كدة و أتأسف و أعتذر ،، و عايزاك تمشي معاي♡
سمر : أمشي معاك؟؟
فاتن : أي عليك الله.
سمر : بحاول إن شاء الله.

بعد ما اتونسوا سمر مشت لى أمها في الغرفة
سمر : أمي أنا ماشة مع فاتن للزول العملنا معاهو حادث عشان نتحمد ليهو السلامة..
سلمى : متين؟؟
سمر : الليلة
سلمى : أمشي و ما تتأخري♥
سمر : حاضر..
مشت لبست و ركبت العربية و مشت لى فاتن بعديها اتحركوا
سمر : فاتن تعالي سوقي بدلي😂😂
فاتن :بري بري مالي و مال الشقاوة👊🏽💔
أخو فاتن : ههههههههههع

بيتهم كان راقي و فخم كدة مبالغة ... غسان عندو أخت أكبر منو ، ظريفة و بقت تتونس مع فاتن و سمر ..
المهم بعديها رجعو بيوتهم ، سمر لمن وصلت البيت العصر أذن ، دخلت و غيرت هدومها ، بعديها مرقت برة اتوضت في الوضاية الكانت في الحوش .
و فجأة الباب دق ، لبست طرحتها و مشت فتحت الباب..
أشرف : السلام عليكم🖐🏼 ... سمر سلمت عليهو
سمر : دي شنو المفاجأة الحلوة دي؟؟؟
أشرف : والله عندي شغل هنا في الخرطوم .
سلمى جات مارقة ، المهم سلمو عليهم ، سمر دخلت المطبخ جات نهى بي وراها
نهى : عايزة تعملي ليهو شنو؟؟
سمر : عصير ، عصير منقى..
سلمى جات داخلة
سلمى : سمر أمشي أفتحي لي عمك الصالون..
سمر : حاضر..
مرقت و مشت فتحتو ليهو . تاني رجعت المطبخ ودت ليهو العصير..
سمر : أسي انت بتكون تعبان عشان كدة أشرب المنقى دي..
أشرف : تسلمي💜

وفي نفس اليوم الساعة 7 مسا
سمر و أمها و خالتها كانوا قاعدين يشربوا في الشاي..
سلمى :عمك وينو ؟؟ أمشي ناديهو..
سمر : نام من قبيل ، شكلو تعبان..
سكتو كلهم مسافة ..
سمر : أمي أنا عايزة أقول ليكم حاجة..
سلمى : قولي..
سمر سكتت مسااافة ..
نهى : مالك يا بت ماتقولي..
سمر : أنا اتقدم لي واحد 🖤
سلمى و نهى أي واحدة نزلت الكباية من يدها..
نهى زغردت...
سمر : لا لا ما تفضحينا..
سلمى : أها قولي دا منو الإتقدم ليك؟؟!
سمر : فهد أخو ليمياء صحبتي☺😍
سلمى : الدكتور؟؟؟
سمر : بس ياهو ما غيرو..
سلمى زغردت...
سمر : يا أمي لا لا ما تزغردي🖐🏼💋
سلمى : أنا الولد دا من ما شفتو إتمنيتو ليك..
نهى : أها و إنتي موافقة؟؟؟
سمر : أي وافقت☺💕...

يتبع...........