- عابد عم سمر هو صاحب أحمد أبو فهد أو ممكن نقول أخوان عديل ، المهم سمر رجعوها البيت الساعة 2 مسا💕💕 ، لقت البيت دا مليان بأهلها ناس كسلا و الجيران كلهم كانو منتظرين شوفتها بس😊.
سلمت عليهم كلهم بشوق ، و النسوان يزغردن و وجوهم مليانة فرحة . بعد مسافة سمر دخلت غرفتها ، و قعدت في السرير بس فجأة باب الغرفة إتفتح ، أحمد و مروة جو جاريين على سمر و إترموا فوقها و حضنوها💜 سلمت عليهم بشوق و هم نفس الشي.
مروة : سمر إنتي كنتي وين؟؟ أنا إشتقت ليك.
سمر : أنا الإشتقت ليكم شديد والله.
نهى جات داخلة الغرفة
نهى : يلا يا أحمد و مروة خلو سمر ترتاح.
أحمد و مروة مرقو من الغرفة ، نهى قالت لى سمر : نومي ليك كم ساعة و إرتاحي طيب ؟
سمر : حاضر💜. و نهى مرقت من الغرفة
سمر مشت إستحمت و لبست ليها بجامة و رقدت نامت...
الساعة 6 سمر صحت ، فجأة في زول دق باب الغرفة سمر قامت و فتحتو ، لقتها منى و شايلة صينية غدا
منى : كفاك نوم خلاص👊🏽
منى دخلت الغرفة و ختت الصينية في الطربيزة
منى : يلا ناكل ، الناس كلها إتغدت و ما فضل إلا أنا و إنت .
سمر قعدت معاها و بقو يتونسوا مع بعض ، سمر حكت ليها الحصل معاها بالتفصيل.
منى : الله يجازيك يا أشرف و المعاك.
سمر : عارفة ؟ الحصل دا كلو لى خير ، ما كنا ح نعرف عمو عابد أبدا💕 و برضو ما كنا ح نعرف مكان الطاهر.
منى : بالجد والله ، الحمد لله♡
بعد ما خلصوا الغدا ، في زول دق باب الغرفة ، سمر مشت و فتحتو ، لقتهم فاتن و لمى و ليمياء 🖤 حضنوها و بقوا يبكوا معاها كدة ، باقي اليوم بقوا يتونسوا معاها.
الساعة 9 بليل ليمياء و لمى مشوا بيوتهم و فضلت فاتن بيتت مع سمر و منى💜.
في اليوم البعديهو ، عابد ضبح خروفين ، و البيت كان مليان ناس.حوالي الساعة 7 مسا هديل أم فهد جات ، سلمت عليهم و إتونست معاهم أما بالنسبة لى فهد كان مشغول عشان كدة ما قدر يجي في اليوم دا.
مر إسبوع من الكلام دا و نهى سافرت تركيا ، و سمر و فاتن و ليمياء إتخرجوا خلاص و عملوا التخريج❤.
واليوم البعد التخريج طوالي كان يوم جمعة ، حوالي الساعة 1 مسا كدة ، سمر و أمها كانوا قاعدين في الحوش ، سلمى بتقلي في بن ، و سمر بتونس فيها 💕. فجأة تلفون سلمى ضرب.
سلمى : ألو؟................ أهلين يا هديل كيفك؟ تمام ؟ ..............والله كويسين الحمدلله.................طوالي بتشرفونا إنتو...........أي ...............حبابكم ألف . و فصلت.
سمر : دي هديل أم فهد ؟؟؟
سلمى : ياها زاتها قالوا جايننا بعدين يباركوا ليك❤
و فجأة الباب دق ، سمر مشت و فتحتو ، لقتو عمها عابد و مرتو منال . المهم قعدوا يتونسوا و شربوا معاهم الجبنة ، بعد كم ساعة هديل و أحمد راجلها جو. و اللمة بقت أحلى ، سمر مشت المطبخ إستغربت ليه فهد ما جا معاهم💔.
سمر عملت عصير و قدمتوا ليهم و قعدت معاهم ، المهم بقوا يفتحوا موضوع ورا موضوع ، فجأة عابد قال لى أحمد أبو فهد : إنت ولدك لى أسي ما عرس ليه؟؟؟
أحمد : ما هو إحنا جينا عشان كدة برضو💜
في اللحظة دي سمر قلبها طار فووووووووووق و جا راجع😱💔
هديل : أحنا دايرين سمر دي لى فهد ولدي♥
* * * * * * *
مرت الأيام و بكدا سمر إتخطبت لى فهد 🌸 و حددوا العرس بعد 6 شهور و حيكون في شهر 3 .
مرت الستة شهور دي و جا اليوم المنتظر يوم عرس سمر و فهد💗
سمر مشت الكوفير و معاها ليمياء و فاتن و لمى و منى ، ظبطوها و طلعوها زي القمر ، فستان زفافها جابتو ليها خالتها نهى من تركيا🖤 طبعا فظيع ، بعديها مشوا الصالة و الحفلة كانت رابة لمن غلط ، في اليوم التاني ودعوهم لأنهم حيقضوا شهر العسل في باريس. سلمى بكت بكا شديد ، المهم ودعوهم و سافروا..
مرت6 سنوات ، و سمر حققت حلمها و بقت دكتورة أسنان💋 ، و جابت ولد و فهد سماهو " علي " .
بالنسبة لى فهد كل 3 شهور بسافر قطر عندو شغلو هناك برضو ... بالنسبة لى فاتن و غسان إتزوجوا خلاص💋 أما بالنسبة لى لمى جابت بنت و سمتها " أية "
و بالنسبة لى سلمى إتوفت 💔💔 قبل سنتين ، كان صعب على سمر تتجاوز النقطة دي تفارق أمها للأبد ، بس إجتازتها..
و أما بالنسبة لى أشرف طلع من السجن و عاش حياتو مع بناتو الأربعة و تاب توبة نصوحة و سمر سامحتو و رجع عمها أشرف💜
في يوم من الأيام سمر كانت قاعدة في الهول و بتقطع في بطاطس و بتتونس مع فهد البحاول ينوم علي💋💋
فجأة الباب دق ، فهد قام و فتح الباب ، و هنا كانت الصدمة لما شاف مصعب و رانية ، سلم عليهم تماااام كدا ، في الأثناء دي سمر شالت البطاطس و دخلت بيها المطبخ ، فجأة تسمع فهد بناديها ، المهم جات طالعة من المطبخ ، إتصدمت لما شافتهم ، مصعب ملامحو ياها زاتها بس بقا عندو دقن أغزر و رانية إتحجبت كمان.
سمر سلمت عليهم ببشاشة . و بقوا يتونسوا مع بعض.
مصعب : لمن طلعت من السجن ، حسبت ألف حساب لى حياتي الجديدة ، تبت خلاص💕 و طبعا إتزوجت رانية و عشت حياة جديدة ، بس يا سمر و فهد سامحونا و أعفوا عننا♡
فهد : لا ولا يهمك ياخ مسامحنكم💜
سمر : عافية منك دنيا و آخرة 😊 و إبتسمت ليهم و بقوا يتونسوا مع بعض و يضحكوا♥
*- و بكدا بتكون خلصت الرواية .
