- فهد : اتفضلي اقعدي
سمر قعدت و هو قعد معاها ، و بدا يتونس معاها و كل ما يضحك ، سمر دي بتكون في عالم تاني ، فهد كان لابس قميص لونو كحلي و بنطلون لونو أسود🖤
فهد : مصعب ببقى ليك ولا حاجة؟؟
سمر : بري ، مصعب ما ببقى لي نهائي ، بس جيرانا و خلاص ✋🏻 و كلمة بكرهو دي شوية عليهو💔
فهد : أبوهو للآن ما إتلقى؟؟
سمر : لا والله. خلينا من سيرتهم ✋🏻 ، دكتور أنا حابة أشكرك على كل شي من دفرة العربية للآن..
فهد : هههه ، العفو💜
سمر : الونسة معاك ظريفة ، يلا بعد دا أستأذنك..
قامت كدا هو مسكها من يدها و قال ليها : سمر.......... أنا حجزتك✋🏻♥
سمر دي جمدت مكانها قبلت عليهو و عاينت ليهو في عيونو و ابتسمت ابتسامة خفيفة ، فكت يدها و مشت ...
المهم اتعشت و مرقت و ركبت عربيتها كانت راكبة معاهم فاتن💜
فاتن : أها يا سمر فضل إحنا و بس😔✋🏻✋🏻
سمر : ههههه الله يستر ..
فاتن : الله يستر ؟؟ و قبيل كنتي بتخلطي مع منو؟؟
سمر : مع منو ؟؟!
فاتن : عايزة تمثلي علي؟؟ أكيد مع فهودي حيكون منو؟؟
سمر : فهودي عدييل كدا ، خلاص دلعتيهو ، سبحان الله.. عايني لو سمحتي ورانا شفع ما هينين خلي الموضوع دا لى بعدين و بحكي ليك كل شي💕
فاتن : سكت .
المهم سمر رجعت البيت ، و رقدت في السرير ، و بقت تفكر في فهد💗 كانت ما مصدقة نهائي و في نفس الوقت فرحانة .. شاب زي دا فيهو كل معاني الرجولة ، أسلوبو راقي جدا .. جادي في معظم أوقاتو ، حنين ، ظريف، وجيه ، لو عاين ليك كدا بتسيحي ، فما بالك بالضحكة الخرافية ، أسمررر ..
بعديها إتزكرت فاتن واتصلت عليها .... وحكت ليها بكل شي قالو🖤💕...
نامت..
بالليل الساعة 3 و نص صباحا ، سمر جاتها صحية كدا ، تلفونها كان جمبها كانت عايزة تشوف الساعة كم ، لمن فتحتو لقت رسالة في الواتس من رقم غريب 💔
فتحت الواتس و قرت الرسالة المكتوب فيها " قريب حتكوني معانا و ما بنرحمك ، أحرجتيني بما في الكفاية ضربتيني بما فيه الكفاية و بعد دا كلو أنا بحبك .. و حبي ليك بقى يتلاشى شوية شوية ، واتحول لى حقد و كراهية ... والله والله والله ما برحمك تاني✋🏻"
سمر خافت شديد عرفت إنو دا مصعب و ما نامت تاني ، كانت بتتقلب ساي✋🏻✋🏻💔
بعد مسافة سمعت آذان الصبح قامت و صلت و بقت تبكي و تدعي . قامت من المصلاية و رقدت في السرير ، أخدتها غفوة... قامت بخلعة لقت الشمس طالعة...
طلعت من غرفتها ، لقت أمها و خالتها و التوأم قعدين يشربوا الشاي و كان في زلابيا ..
مشت اتسوكت و جات قعدت معاهم..
سلمى : أها أمبارح كان كيف ؟؟؟
سمر إتزكرت فهد : كان يوم حلو والله💗
نهى : أنا و أمك فكرنا إنو نسافر كسلا ، رايك شنو؟؟
سمر : طوالي بمشي معاكم أصلي ما عندي مشكلة✋🏻 و حنسافر متين إن شاء الله؟؟
سلمى : بكرة..
نهى : أنا أصلا باقي لي 3 شهور عشان أرجع ل تركيا ، فقلت أحسن أقضيها هناك و أرجع..
سلمى : انتي يا سمر تخريجك متين ؟؟؟
سمر : لسة باقي ليهو شهرين..
نهى : سمر بعد ما نشرب الشاي ح تمشي معاي السوق ..
سمر : طيب ..
سمر غسلت العدة و لبست ليها عباية و مشت مع خالتها السوق ..
في السوق :
نهى : شوفي العباية دي حلوة كيف؟؟
سمر : روووعة😍
نهى : العباية دي بكم؟؟
سيد المحل : والله دي بى 850 جنيه💔
نهى : خفض لينا ياخ..
سيد المحل : انتي دايراها بكم؟؟
نهى : 700
سيد المحل : خلاص جيبي مبروكة إن شاء الله💗
سمر قايلاها اشترت العباية لى نفسها..
نهى : يلا أمسكي عبايتك دي..
سمر : شنو؟ دي حقتي 😱💕؟؟!!! ......
يتبع ..............
