سمر

الجزء 07

- سمر اتصدمت بالموضوع😨😨
سمر : تتهنوا ببعض إن شاء الله ☺❤
رانية : تسلمي..
فهد : الطاهر لى الان ما اتلقى ؟ ماف ليهو أثر؟؟!
سمر : لا والله ما اتلقى✋🏻💔
رانية : الطاهر دا حبيب القلب ولا شنو ؟؟ ههههه😂
سمر اتغاظت منها شديد🙄
سمر : لا يا ستي ، زول قتل أبوي..
رانية : أبوك ميت ؟؟ واضح، الله يرحمو..
سمر دي خلاص فارت😡 ، ما فهمت قصدها شنو من كلمة واضح💔😑 ، و فهد بقى يحمر ليها بعيونو..
سمر : لو سمحت يا دكتور نزلني هنا..
طواااالي وقف العربية . و سمر دايرة تنزل كدا ، فهد قال بنهرة قوية : رانية أنزلي هنا✋🏻
رانية : ك كيف يعني أنزل هنا؟ البيت بعيد لسا 💔
فهد أمن باب سمر عشان ما تنزل ..
فهد : أنزلي سرعة قلت ليك✋🏻✋🏻
رانية نزلت و قفلت الباب طاااخ💢
سمر : انا عايزة أنزل لو سمحت ( وعيونها كانت مليانة دموع)
فهد : ما ح تنزلي إلا قدام بيتك♥
سمر : دكتور عليك الله خليني أنزل..
وهو كان سايق العربية ، تاني ما اتكلم معاها و هي تترجاهو..

المهم وصلها البيت ، و فتحت باب العربية ..
فهد : سمر..
سمر قعدت مكانها عشان تسمعو بدون ما تقبل عليهو..
فهد : بالنيابة عن رانية أنا آسف♥
سمر نزلت بدون ما ترد حتى ، و دخلت البيت..
سلمى : جيتي مع منو يا بتي؟؟!
سمر : جيت مع الدكتور أخو ليمياء ..
سلمى : عاد الولد دا عاجبني عجب ما شاء الله عليهو💜


( نشوف الطاهر حصل ليهو شنو قبل إسبوعين :
سمر و أمها فتحوا فيهو بلاغ .. والناس الشاهدين على إنو قتل خالد كانوا 4 و من ضمنهم دكتور حسين و ديل كانو معاهو في العملية ... الطاهر مرق من البيت و هرب و ما اتلقى عشان يحاكموهو ، و دا كل الحصل)


رانية : يعني أسي انت زعلان مني عشانها؟؟
فهد : اسلوبك الاتكلمتي بيهو دا ما اسلوب بت فاهمة✋🏻..
رانية : انت لى بتكبر الموضوع كدا؟؟
فهد : رانية أنا ما بقدر استمر معاك..
رانية : شنو؟؟! ما فهمتك🤨
فهد : ما مشكلتي إنك ما فهمتي .

طوالي مشا و خلاها💔

في اليوم التاني :
هديل ( أم فهد ) : شنو؟؟
فهد : ايوا أنا ما عايزها✋🏻
هديل : كدي يا ولدي استهدي بالله انت بتقول في شنو؟؟
فهد : أمي كلامي واضح انا..
ليمياء جات ناطة
ليمياء : يلا أحسن زاتو، بعدين هي بت هبلة و شايفة روحها عالفاضي✋🏻.
فهد : انتي الجابك شنو؟؟
هديل : و ح أقول لى أمها شنو؟؟؟
فهد : قولي ليها ولدي قال ما عايز بتك✋🏻
ليمياء : يلا مع السلامة أنا ماشة🖐🏼💕

وفي الجامعة :
فاتن : يا حليل لمى فقدتها الله 💔
سمر : و انا زاتي..
ليمياء : اتلقيها شطبتنا من راسها💔
سمر : ما تستبعدي🥺
ليمياء : هي بالمناسبة اخوي فهد فسخ خطوبتو..
فاتن : قولي والله ، وانتي لي فرحانة كدا؟؟!!
ليمياء : ياخي رانية دي كلبة خلاص أنا بكرها شديد💔✋🏻
سمر بتعاين ساااي..
ليمياء : و بعدين هي زاتها عاملة أحوي زي البنك..
فاتن : والله أنا زاتي حسيت بيها كريهة كدا يوم العرس .
ليمياء : انتو مصعب وين الايام دي؟!
سمر : بكون هرب هو و أبوهو..
فاتن : بكون♥..

يتبع ......