ناديّت لك والكل منا في بلد

بارت ٣

في واقعنا ..
كان كل هذا بعقل ميعاد : حرام عليك تكسر قلبي ، مرت ثلاث سنين ومانسيتك ! الله يجبر بقلبي يارب ..
كلمت صحباتها بما انها تعرفت على بنتين ( مها وشموخ )
اعرفكم على مها : بعد ما افترقو خالد وميعاد كانت مها من متابعين ميعاد وفضفضت لميعاد بما انها كانت متضايقه وترتاح لميعاد كثير ، مع الوقت صارو صحبات , شخصيتها لطيفه جداً وقويه ،صوتها حلو ، قصيره وشعرها قصير وبخدها غمازه محفوره وواضحه ، غيوره ، ماتحب تشيل بخاطر احد ، وبنفس المدينه الي ساكنه فيها ميعاد ، اكبر من ميعاد بسنتين عمرها ٢٢
شموخ : تعرفت على ميعاد بنفس اليوم الي تعرفت فيه ميعاد على مها يالطافه حكييها يسعد القلب ويسرّه ودخلت قلب ميعاد بسرعه ، شخصيتها حيل قويه ، لسانها طويل وعنيده ، مزاجييه بشكل مفرط ، وضحكتها تشرح الصدر ، فلاويه وصدرها داييم رحب ، كبر ميعاد
//
كانت ميعاد تكلمهم وتضحك معهم
شموخ : ميعاد عندي لك خبر يسعدك
ميعاد بحماس : وش قولي
شموخ : بجي عندك للشرقيه
ميعااد توسعت عيونها من الفرحه : الللله صصددددقق
شموخ : اي واللله عادد يلا بشوفك انتي ومها ونور
مها : معكم وحده بتموت من الفرحه
نور بضحك : عاد يلا شموخ متى تجين
شموخ : يمكن بعد يومين
ميعاد بتفكيير : امممم يلا باي مشغوله انا
وقفلت ، راحت كلمت امها انها بتحجز منتجع عشان يجتمعون فيها البنات وحجزت بعد يومين يكون المنتجع جاهز ..
وراحت بحماس لغرفتها وجلست بسريرها .. دقايق ونامت
// في اليوم الثاني على المغرب //
راحت ميعاد للسوق تشتري عشان المنتجع ومتحمسه بشكل ، دقت على ابوها
رد : هلا بالغاليه بنت الغاليه
ابتسمت : هلا حبيبي ، شسمه انا خلصت خذني
ابو ميعاد : يلا هذا انا بالطرييق
ميعاد : تمام
وقفلت
بعد دقايق وصل وراحت ركبت السياره ورجعت للبيت
وبما ان مها قريبه عند بيت ميعاد وكان كل ذا بالصدفه وطلعو جيران ، دقت عليها وقالت انها بتروح لنور وتمرك ، ردت عليها ب تم وتجهزت ومرتها ميعاد وراحو لبيت نور يخططون للمنتجع
ميعاد : بنات انا خذيت حق يومين نكون فييه
نور ومها : اي زين سويتي
نور قامت : يلا عندي لكن فلم بجيب الحلى والفشار واجيكم
// نسرع الاحداث //
يناظرون للفلم ولما خلص جلسو يسولفون ويلعبون
الساعه ١٢ دقت ميعاد على ابوها ومها بعد وكل وحده راحت لبيتها ..
//
بعد يومين واليوم المنتظر للاصحابنا ..