في يوم جديد
صحت وكانت تتمنى لو انه حلم ، بس للاسف شافت ام شموخ وام مها وام نور جالسين عندها ويبكون
نزلت راسها وبكت ، ناظرو وعرفو انها صحت من نومها
ام نور بقلبها : الله يطلعك بالسلامه ي ام ميعاد ويصبر قلب ميعاد بوفاة ابوها
ام شموخ جالسه جنب ميعاد وتقرا عليها
____
بعد ثلاث ايام وكانت بالنسبه لميعاد اثقل الايام اللي مرت فيها بدون امها وابوها ، راحت للمستشفى ووافقو انها تشوف امها
جلست جنب امها ومسكت يدها وببكي : اه يايمه تكفين قومي وشوفي وش صار فيني ، يمه انا تعبت والله بدونكم تكفون خذوني معكم لاتتركوني لحالي ، لاتروحين مع ابوي ، او خذيني معك
وصارت تشهق وتبكي وراسها على يد امها ، حست باليد الي تشد يدها
قامت بفرحه : ييمممه يممه تسمعيني صح ماراح تتركيني
انصدمت لما شافت دموع امها : يمه ليه تبكين
زادت نبضات ام ميعاد وعلى طول دخلو الدكاتره وطلعو ميعاد
الدكتوره : المريضه تعبت حالتها ممكن تطلعين
ميعاد ببكي : تكفين لا يصير فيها شي هي الوحييده الي بقى لي
هزت راسها الدكتوره ، وطلعت ميعاد بضيقه وبكي
راحت للبيت وشافت عمانها وتقوت ودخلت
ابو محمد " عمها " بحقد : شكلك كنتي عند امك الي بتلحق ابوك
ابو ريما " عمها " ب استهزاء : الا عبدالعزيز وينه
ابو محمد بضحك : بقبره هههههههههههههههه
ضحكو
هي ناظرت لهم : برا بيتي
ابو ريما بضحك : هوب هوب تطردينا من بيت اخونا يا ام لسان مين لاعب عليك وقال ان ذا بيتك
راحت ميعاد لفوق وجابت ورقه تثبت ان البيت وكل الورث ب اسمها : يلا الحين تاكدتو ، برا بيتي ولا اشوفكم مرا ثانيه
ابو محمد بقهر : انا اوريييك ليتك متي معهم وافتكينا منك
ميعاد بضحك عكس اللي بداخلها : اقول برا ، جايين تنابحون ببيتي بمووت شكلكم يضحك وانتم مطرودين
ابو ريما قرب لها وبكره : أنتي هيه امسكي لسانك لا اقصه لك
ميعاد بتحدي : اذا انت رجال وكفو يلا قص لساني عشان ماتنقص رقبتك وراه ، مو عشان ابوي مات انا ماعندي سند ، أنا سند لنفسي اللي يفكر يأذيني بكون له الجحيم بحياته ، انا عارفه من قبل ابوي الله يرحمه يتوفى وانتم تتمصلحون معه عشان فلوسه ، وعارفه انكم منافقين وخبيثين ، بس مو انا اللي تلعبون عليها وتاخذون فلوسها ، لأ غلطانين ، انا اللي اكسر خشم كل واحد فيكم يقدر يتكلم عني او عن اهلي بالسوء
ابو محمد بقهر ووده يضربها بس مايقدر لانها قويه واي شي تقوله تسويه
تكلم ابو ريما بحقد : اقووول بس يالبزر اخر حياتي تجين انتي يالبزر وتتكلمين بس
ميعاد : الله اكبر ، كبر جدي التاسع ويهدد بعد ، أقول بس كثرتو كلام يلا برا
سحب ابو محمد ابو ريما ومشى بسرعه وسكر الباب بقوه
راحت ميعاد ب ابتسامه وقفلت الباب وجلست على سريرها ، وأستسلمت لدموعها
وبهمس : يعني الحين كيف اكمل حياتي بدونك يا ابوي ؟ كيف اكمل حياتي بدونك ياسندي ، أنا خسرت الامان الي كنت احسه فيك ، منو راح يوقف معي ، ( وببكي ) يااااربي تقوم امي بالسلامه وتشوف الي صار ببنتها ، آه يا يمه
ماهي دقايق الا ونامت ..
صحت على جوالها يدق
ردت بنوم : هلا
شموخ :تدرين اني راح اسكن هنا عشان خالتي وامي تبي تكون جنبها
قامت بحماس : امااا بنكون مع بعض يعنني
شموخ ب ابتسامه : اي ، شسمه تعالي تو دقيت على البنات وقلت بعزمكم على الغداء بمطعم
ميعاد بضيقه : اي والله ودي اطلع احس بكتمه وبغير جو
شموخ : اي ، رحتي شفتي امك
ميعاد تنهدت بضيق : آه اي ، وشدت على يدي ونزلت دموعها وطلعت على طول وقالو ان حالتها شوي تعبت
شموخ : الله يطلعها بالسلامه ياارب ، يلا نص وانا عند بيتك لا تتأخرين
ميعاد ب ابتسامه : تمام
قفلت وتنهدت ، راحت تاخذ شور سريع وطلعت لبست ودقت عليها شموخ وراحت لها
____
بعد اسبوعين ..
دقت نور على ميعاد بما ان عندهم عزيمه وعزمت ميعاد وشموخ ومها
وافقو ، وتجهزت بطلتنا للعزيمه وراحت عند نور
انبهرو كلهم بجمالها ، الا وحده بينهم كانت صديقة اخت نور وتكره ميعاد كره العمى ..
أنت تقرأ
ناديّت لك والكل منا في بلد
Romanceماذا لو أنتهى كل شي وتغير كل شي بشكل سلبي في لحظه ؟ ماهو شعورنا هل نضعف ؟ نبكي ؟ نصبر ؟ تتكلم روايتي عن بطلتنا اللتي عانت من اشياء كثيره وبلحظه خسرت اعز ماتملك ، ولا تريد ان تجرب الحُب لكي لا تنخذل للمره الثانيه .. ياترى هل يأتي اليوم الذي يغير حيا...
